ឆ្មាំសមុទ្រអាហ្សង់ទីន បាញ់ពន្លិចនាវានេសាទចិនដ៏ធំមួយ
ជាចម្បាំងលើទឹក ក្នុងរយៈពេលដ៏ខ្លីមួយ ដែលបានកើតឡើង កាលពីថ្ងៃអង្គារ ទី១៦ ខែមីនា ឆ្នាំ២០១៦ នៅក្នុងលំហសមុទ្រ «Patagonie» នៃប្រទេសអាហ្សង់ទីន ស្ថិតក្នុងមហាសាគរអាត្លង់ទិក ភាគខាងត្បូង។ នៅទីបំផុតនៃចម្បាំងនេះ នាវានេសាទចិន ដែលមានឈ្មោះ «Lu Yan Yuan Yu 010» ត្រូវបានបាញ់ពន្លិច ដោយក្រុមឆ្មាំសមុទ្រ នៃប្រទេសអាហ្សង់ទីន បន្ទាប់ពីនាវានេះ បានព្យាយាមតដៃជាមួយនឹងអាជ្ញាធរ។
សេចក្ដីប្រកាសព័ត៌មានមួយ របស់អាជ្ញាធរអាហ្សង់ទីន ប្រចាំតំបន់ឲ្យបានដឹងថា ពួកគេបានដឹងពីវត្តមាន របស់នាវានេសាទនេះ ដែលចូលមកធ្វើការនេសាទ ដោយខុសច្បាប់ តាំងពីថ្ងៃទី១៤ ខែមីនាមកម្លេះ។ នាវានេសាទបានព្យាយាមតដៃ ជាមួយនឹងក្រុមឆ្មាំសមុទ្រអាហ្សង់ទីន នៅខណៈពេល ដែលពួកគេទាមទារ ឲ្យមានការត្រួតពិនិត្យមួយ។ ដោយសារតែហេតុនេះ ទើបក្រុមអាជ្ញាធរបានធ្វើការផ្ទុះអាវុធ រហូតធ្វើឲ្យនាវានោះបានលិច ចូលទៅក្នុងសមុទ្រ។
មិនមានមនុស្សណាម្នាក់ [...]
