Posts in ‘យុត្តិធម៌ សណ្ដាប់ធ្នាប់’ Category

«ការលេងសើច បានក្លាយជាទុក្ខទោស សម្រាប់អ្នកដទៃ» តើនេះ ជាទង្វើដ៏សប្បាយរីករាយ របស់មនុស្សរាល់​រូបឬ? មនុស្សមួយក្រុមនេះ បានដុតផាវ លាក់ក្នុងកញ្ចប់នំ ហើយបានបោះកញ្ចប់នោះ ទៅឲ្យសត្វស្វា​មួយ​ក្បាល​ស៊ី។ ផាវដែលបានផ្ទុះឡើង មិនត្រឹមតែបង្កការភ័យខ្លាច ដល់សត្វស្វាទេ តែថែមទាំងបានធ្វើសត្វដ៏កំសត់ ដាច់​ម្រាមដៃមួយ។ រឿងដែលអាណោចអាធមជាងនេះ សត្វស្វាបានស្លាប់​នៅពេលក្រោយមក បើទោះក្រុមគ្រូពេទ្យ របស់អង្គការការពារសត្វមួយ បានខិតខំយកសត្វដ៏កំសត់នេះ ទៅព្យាបាលក៏ដោយ។

តាមការអះអាង កាលពីថ្ងៃទី២២ ខែសីហា របស់ម្ចាស់ទំព័រទ្វីសធើមួយ ដែលដាក់ឈ្មោះ «ZoologiMY» បាន​ឲ្យ​ដឹងថា ហេតុការណ៍បានកើតឡើង តាំងពីមួយខែមុន នៅក្នុងតំបន់ឧទ្យាន «Taman TAR» នៃសង្កាត់ «Ampang»​ របស់រដ្ឋធានីកូឡាឡំពួរ ប្រទេសម៉ាឡេស៊ី។ បន្ទាប់ពីបានរងគ្រោះ នឹងផាវដែលមានកម្លាំងផ្ទុះ ដ៏ខ្លាំងនោះរួច សត្វស្វាដែលក្រុមអ្នកថែរក្សាសត្វ បានដាក់ឈ្មោះ «Michai» [...]

អ្នកដំណើរជាច្រើន ដែលបានឃើញ ឡានស្ទូចមួយគ្រឿង ដឹកឡានពីរគ្រឿងពីលើគ្នានោះ បានបង្ហាញការ​ព្រួយ​បារម្ភជាខ្លាំង ដល់សុវត្តិភាពពួកគាត់ ជាអ្នកធ្វើដំណើរស្របផ្លូវជាមួយគ្នា ដោយនិយាយថា ពួកគាត់អាច​ប្រឈម នឹងហានិភ័យខ្ពស់ រហូតដល់អាយុជីវិត ប្រសិនជារថយន្ដ ដែលនៅលើឡានស្ទូច របូតធ្លាក់ចុះ។ រថយន្ដស្ទូច ដែល​បើកដឹកឡានពីគ្រឿង បន្ថែមពីលើនោះ មានស្លាកលេខ ភ្នំពេញ ៣A-៦៥៧៥ និងបាន​បើកតាម​បណ្តោយ​ផ្លូវជាតិ លេខ០៥ ចេញពីរាជធានីភ្នំពេញឆ្ពោះទៅខេត្ត។

ស្រ្តីម្នាក់កំពុងធ្វើដំណើរ ដោយម៉ូតូ តាមបណ្តោយផ្លូវនេះដែរ ពេលឃើញឡានធំពីរគ្រឿង ដោយគ្មានចំណង គ្មាន​ទ្រុងបែបនេះ បានឈប់ម៉ូតូ រួចបញ្ចេញវាចារ ទាំងក្តីបារម្ភថា មិនហ៊ានជិះទៅទៀតទេ ព្រោះមើលទៅផ្លូវ​សុទ្ធ​តែក្រឡុក មានទឹក មានភក់ តែឡានស្ទូចនេះ បែរជាបើកធ្វើព្រងើយគ្មានអ្នកណាឃាត់សោះ។ ចុះបើឡាន បើក​ធ្លាក់​ក្រឡុកផ្អៀងតែបន្តិចនោះ ឡានពីរខាងលើ នឹងធ្លាក់មកមិនខាន ព្រោះគ្មានប្រដាប់ការពារ [...]

ករណីបើកបុករនាំដែកចែកផ្លូវ ទាំងថ្ងៃនេះ ត្រូវបានសាក្សីប្រាប់ឲ្យដឹងថា បានបង្កឡើងនៅវេលាម៉ោង១១ និង​៣០នាទី ថ្ងៃទី២៣ ខែសីហា ឆ្នាំ២០១៤ នៅតាមបណ្តោយផ្លូវសហព័ន្ធរុស្សី ត្រង់ចំណុចទល់មុខ ហាងលក់​សាច់​អាំង យីហោ១៦៨ ស្ថិតក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។ សាក្សីបានបញ្ជាក់បន្ថែមថា រ៉ឺម៉ក​ដឹកទឹកកកបង្កគ្រោះថ្នាក់ បានដឹកទឹកកក រហូតដល់៧០ដើម បើកបរដោយម្ចាស់រ៉ឺម៉ក ជាយុវជនវ័យជំទង់ម្នាក់ មិនស្គាល់អត្តសញ្ញាណ។ យុវជនរូបនេះ បានបើករ៉ឺម៉ក ពីលិចទៅកើត តាមបណ្តោយផ្លូវខាងលើ ស្រាប់តែមក​ដល់​កន្លែងកើតហេតុ បានរ៉េចង្កូតបុករនាំងចែកផ្លូវតែម្តង។

ស្រ្តីវ័យកណ្តាលម្នាក់ ជាអ្នកលក់ដូរ នៅជាប់កន្លែងកើតហេតុ បានលើឡើងថា៖ «ឃើញបើកបរសុខៗ សោះ​ស្រាប់តែបុកប៉្រាវខ្ទេចដែក បួនប្រាំផ្ទាំង»។ អ្នកស្រីថា ពេលនៅលក់មិនមានអ្វីទេ អ្នកដំណើរដ៏ទៃទៀត រួមទាំង​រ៉ឺម៉កដឹកទឹកកបើកធម្មតា ស្រាប់តែមកដល់កន្លែងមានរនាំង រ៉ឺម៉កដ៏សែនធ្ងន់ [...]

បុរសជិះម៉ូតូ២នាក់ បានស្លាប់ នៅក្នុងគ្រោះថ្នាក់ចរាចរណ៍មួយ នៅលើបណ្តោយផ្លូវជាតិលេខ៤ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ វេលាម៉ោង៤ទាបភ្លឺ ថ្ងៃទី២៣ ខែ សីហា ឆ្នាំ២០១៥។

គ្រោះថ្នាក់នេះបង្កដោយរថយន្តទេសចរណ៍ ១២ កៅអីម៉ាកសាំយ៉ុង ពណ៍ទឹកប្រាក់ ពាក់ស្លាកលេខ 2Z 4992 ភ្នំពេញ បានបើកទៅបុកម៉ូតូមួយគ្រឿង ម៉ាកវេវ (wave) ពណ៍ខ្មៅស្លាកលេខ 1AJ 8690 ភ្នំពេញ ដែលបើក​បញ្រ្ចាស​ទិសគ្នា។ ប៉ុន្តែគេមិនស្គាល់អត្តសញ្ញាណជនបង្ក និងជនរងគ្រោះនោះទេ។

ក្រោយពេលកើតហេតុ អធិការនគរបាលខណ្ឌពោធិ៍សែនជ័យលោក យឹម សារ៉ាន់ បានមកធ្វើអន្តរាគមន៍ នៅ​កន្លែងកើតហេតុ និងបានយករថយន្តបង្ក និងម៉ូតូរងគ្រោះទៅដោះស្រាយ នៅចរាចរណ៍ក្រុង។ ចំណែកអ្នក​បើក​រថយន្តបង្ក បានរត់គេចខ្លួន បាត់ដោយសុវត្ថិភាព។

តាមលោក យឹម សារ៉ាន់ បានឲ្យដឹងទៀតថា គ្រោះថ្នាក់នេះបង្កឡើង ដោយរថយន្តក្រុង១២កៅអី។ ប៉ុន្តែ​មិន​ដឹង​ពីមូលហេតុ ដែលបង្កឲ្យមានគ្រោះថ្នាក់នេះឡើយ៕

យោងតាមលិខិតចេញផ្សាយនៅថ្ងៃទី ២១ ខែ សីហា ឆ្នាំ២០១៥របស់ អង្គជំនុំជម្រះវិសាមញ្ញ ក្នុងតុលាការ​កម្ពុជា ដែលហៅកាត់ថា អ.វ.ត.ក បានសរសេរថា សហភាពអឺរ៉ុប បានផ្តល់ថវិកាដល់សាលាក្ដីនេះ ចំនួន ៨,៩​លាន​អឺរ៉ូ សម្រាប់គម្រោងឆ្នាំ ២០១៥ និង២០១៦។ ថវិកានេះ បែងចែកសម្រាប់ភាគីជាតិ ២ លានអឺរ៉ូ និង ៣,៥ លាន​អឺរ៉ូ ដល់ភាគីអន្តរជាតិ។

ចំណែកថវិកាដែលនៅសល់ ៣,៤ លានអឺរ៉ូ នឹងត្រូវសម្រេច នៅឆ្នាំ២០១៦។ ក្នុងចំណោម្ចាស់ជំនួយធំៗ ដែល​បានផ្ដល់ជំនួយមកសាលាក្ដីកូនកាត់មួយនេះ សហភាពអឺរ៉ុបបានផ្តល់ថវិកា ចាប់តាំងពី សាលាក្ដីនេះបាន​ផ្តើម​ដំណើរការ ពីឆ្នាំ២០០៦ រហូតមកដល់ពេលនេះ មានទំហំប្រមាណជា ១៦,២ លានអឺរ៉ូហើយ។

លោក ក្រាញ់ តូនី ជាប្រធានការិយាល័យរដ្ឋបាលស្តីទី និងលោក ឃ្នុត រ៉ូហ្សិនហក អនុប្រធាន ការិយាល័យ​រដ្ឋបាល នៃសាលាក្ដី បានមានប្រសាសន៍ថា៖ «យើងខ្ញុំសូមបង្ហាញការវាយតម្លៃខ្ពស់ ចំពោះការគាំទ្រថវិកា របស់សហភាពអឺរ៉ុប។ ជំនួយហិរញ្ញវត្ថុថ្មី [...]