Posts in ‘យុត្តិធម៌ សណ្ដាប់ធ្នាប់’ Category

បណ្ដាជនអ្នករស់នៅទីនោះ បានពួតដៃគ្នា ជាមួយនឹងកងកម្លាំងពន្លត់អគ្គិភ័យ ដើម្បីបង្ក្រាបកម្លាំងព្រះអគ្គិ ដែល​កំពុងឆេះបំផ្លាញលំនៅដ្ឋានរបស់ពួកគេ។ អគ្គិភ័យបានកើតឡើង កាលពីរសៀលថ្ងៃពុធ រហូតអស់​ពេញ​មួយយប់ ហើយបានឆេះរាលដាល ឆ្លងពីផ្លូវមួយ ទៅកាន់ផ្លូវមួយទៀត ដែលមានទំហំតូចៗ រហូតពេញ​មួយ​ភូមិ ស្ថិតនៅជាយក្រុង នៃរដ្ឋធានីម៉ានីស ប្រទេសហ្វីលីពីន។

មូលហេតុដែលបណ្ដាលឲ្យឆេះ មិនទាន់ត្រូវបានប្រកាសជាផ្លូវការនៅឡើយ តែអាជ្ញាធរបានសង្ស័យ ទៅលើ​ការ​ទូស្សេខ្សែភ្លើង ជាពិសេសការលួចថ្ពក់ខ្សែភ្លើង ដែលមានលក្ខណៈយ៉ាងអាណាធិបតេយ្យ និងដោយគ្មាន​ការ​ត្រួតពិនិត្យ ផ្នែកបច្ចេកទេស។

មនុស្សម្នាបាននាំកូនចៅរបស់ផងខ្លួន រត់គេចចេញពីអគ្គិភ័យ ដោយនាំទៅជាមួយ នូវសម្ភារៈបន្តិចបន្តួច ដែល​អាចយកបាន។ បណ្ដាជនប្រមាណជា២០០០គ្រួសារ បានបង្ខំចិត្តត្រូវរស់នៅ ក្នុងតង់ប្រក់ក្រណាត់កៅស៊ូ ដែល​ស្ថិតនៅក្នុងព្រៃ ក្បែរនោះ ខ្លះទៀតនៅក្នុងសាលកីឡា [...]

នៅក្នុងរបាយការណ៍ របស់អង្គការសហប្រជាជាតិនោះ មានបង្ហាញទាំងរូបថត ដែលអះអាងពីហេតុការណ៍​ទាំងអស់នោះ ដូចជាជនរងគ្រោះ ត្រូវគេចង់ឆ្កាងនៅសរសរឈើ រួចយកភ្លើងមកដាក់ក្បែរ និងរូបសាក​សព​ឆេះ​ខ្លោច​ជាដើម។ ទារុណកម្មទាំងនេះ បានកើតឡើងនៅរវាងខែធ្នូ ឆ្នាំ២០១៤ និងដើមឆ្នាំ២០១៥ ស្ថិតក្រោម​បញ្ជា របស់មេដឹកនាំកងសេនាជន ប្រកាន់សាសនាគ្រឹស្ដ៍ «anti-balaka»ដែលប្រយុទ្ធតាំងពី២ឆ្នាំមកហើយ ប្រឆាំង​នឹង​ក្រុមអ្នកបះបោរ ប្រកាន់សាសនាអ៊ីស្លាម «Séléka»។

ប្រទេសអាហ្វ្រិកកណ្ដាល បានធ្លាក់ចូលទៅក្នុងអំពើហិង្សាយ៉ាងឃោឃៅ មានលក្ខណៈជាក្រុម និងជា​សហគមន៍ បន្ទាប់ពីការដណ្ដើមអំណាច របស់ក្រុមអ្នកបះបោរ ប្រកាន់សាសនាអ៊ីស្លាម កាលពីខែមីនា ឆ្នាំ​២០១៣ ខណៈក្នុងប្រទេស មានពលរដ្ឋភាគច្រើន ជាអ្នកកាន់សាសនាគ្រឹស្ដ៍។ បើទោះជាមានការដាក់ឲ្យ​មាន នូវរដ្ឋាភិបាលជាបណ្ដោះអាសន្ន​មួយឡើងក៏ដោយ តែអំពើហិង្សានេះ​នៅតែបន្តមាន ហើយច្បាប់ ​និង​អំណាច​រដ្ឋ [...]

យុវតី សាមរ៉ា កេស៊ីណូវិច (Samra Kesinovic) អាយុ១៨ឆ្នាំ (អាយុបច្ចុប្បន្ន) ទំនងជាត្រូវបានសម្លាប់ ដោយ​វាយ​នឹង«ញញួរ» នៅក្នុងក្រុង រ៉ាកា (Raqqa) ដែលជាបញ្ជាការដ្ឋាន របស់ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យកាត់​បារាំង​ហៅ EI ពាក្យកាត់អង់គ្លេសហៅ ISIS) នៅក្នុងភាគខាងជើង នៃ​ប្រទេស​ស៊ីរី។ នេះ​​ជា​អ្វី ដែលសារព័ត៌មាន នៅលោកខាងលិច ជាច្រើនបានធ្វើរបាយការណ៍ នៅថ្ងៃពុធទី២៥ ខែ​វិច្ឆិកា​នេះ ដោយ​យោង​តាម​ប្រភពព័ត៌មាន ដែលបង្ហើបឲ្យដឹង ពីកន្លែងកើតហេតុ។

«បម្រើព្រះអាឡាហ៍ និងស្លាប់ដើម្បីព្រះអង្គ»

អតីតក្មេងជំទង់ ជាតិអូទ្រីស ដែលបានចាកចេញ ពីមាតុភូមិរបស់ខ្លួន កាលពីអំឡុងខែមេសា ឆ្នាំ២០១៤ ជា​មួយ​​មិត្ត​របស់​នាង ឈ្មោះ សាប្រ៊ីណា (Sabina) ដើម្បីក្លាយខ្លួនជាយុទ្ធនារី ស្ម័គ្រប្រយុទ្ធដើម្បីព្រះអាឡាហ៍ (ឬ​ហៅ​ថា Djihad) របស់​ក្រុមរដ្ឋអ៊ីស្លាមនោះ ទំនងជាត្រូវបានសម្លាប់ ព្រោះនាងមានបំណង [...]

ការស្លាប់របស់ឆ្កែឈ្មោះ «Diesel» បានធ្វើឲ្យអ្នកផង ដែលដឹងរឿង មានការរញ្ជួលចិត្តយ៉ាងខ្លាំង។ ឆ្កែមួយ​ក្បាល​នេះ ត្រូវបានសម្លាប់ ដោយក្រុមភេរវជន នៅថ្ងៃទី១៨ ខែវិច្ឆិកា ឆ្នាំ២០១៥ កន្លងមកនេះ នៅខណៈពេល ដែល​កង​កម្លាំងពិសេសបារាំង បានវាយសម្រុក ចូលទៅកំទេចសម្បុក របស់ក្រុមភេរវជន សមាជិក​របស់​ក្រុម​រដ្ឋ​អ៊ីស្លាម (ពាក្យអារ៉ាប់ហៅ Daech ពាក្យកាត់​បារាំង​ហៅ EI ពាក្យកាត់អង់គ្លេសហៅ ISIS) ដែលស្ថិត​ក្នុង​ក្រុង «សាំង​ឌឺនីស (Saint-Denis)» ភាគខាងជើងរដ្ឋធានីប៉ារីស។ កាលពីថ្ងៃអាទិត្យកន្លងមកនេះ កង​កម្លាំង​ពិសេស​ម្នាក់ ដែលជាម្ចាស់ របស់ «Diesel» ឆ្កែពូជ ប៊ែរហ្សេអាល្លឺម៉ង់ អាយុ៧ឆ្នាំ បានរៀបរាប់ឡើងវិញ ពី​ពេល​ដែល «Diesel» ត្រូវបានសម្លាប់ តាមការសម្ភាសមួយ ជាមួយនឹងវិទ្យុបារាំង «RMC»។

កងកម្លាំងពិសេស ដែលត្រូវបានរក្សាអត្តសញ្ញាណ មិនបញ្ចេញឲ្យដឹងនោះ បាននិយាយថា នៅព្រឹកថ្ងៃនោះ បន្ទាប់មានការបាញ់ឆ្លើយឆ្លងគ្នាជាច្រើនគ្រាប់មក [...]

ក្រៅពីប្រធានបទ ដែលទាក់ទងនឹងសេដ្ឋកិច្ច ជំនួបកំពូល របស់សមាគមប្រជាជាតិអាស៊ី នៅប៉ែកអាគ្នេយ៍ (ASEAN) ក្នុងរដ្ឋធានី កូឡាឡំពួរ ប្រទេសម៉ាឡេស៊ី នៅបានបង្ហាញ ពីជំហរច្បាស់លាស់ ទាក់ទងនឹង​ការ​ប្រឆាំង ក្រុមជ្រុលនិយម និងភេរជន ជាពិសេសក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យកាត់​បារាំង​ហៅ EI ពាក្យកាត់អង់គ្លេសហៅ ISIS)។ អគ្គលេខាធិការអង្គការសហប្រជាជាតិ លោក បាន គី-មូន ដែលមាន​វត្តមាន ក្នុងឱកាសនេះដែរ បានធ្វើការអំពាវនាវបន្ថែម ស្នើឲ្យសហរដ្ឋអាមេរិក និងសហព័ន្ធរ៉ូស្ស៊ី សហការគ្នា ក្នុងយុទ្ធនាការប្រឆាំង ភេរវកម្ម។

នៅក្នុងជំនួបកំពូល នារដ្ឋធានីកូឡាឡំពួរ ប្រទេសម៉ាឡេស៊ី លោកប្រធានាធិបតីអាមេរិក លោក បារ៉ាក់ អូបាម៉ា (Barack Obama) បានថ្លែងឡើងថា៖ «កំទេចអង្គការរដ្ឋអ៊ីស្លាម មិនមែនគ្រាន់ជាកម្មវុត្ថុមួយ ដែលមានពិត​ប្រាកដ​នោះទេ តែវាកម្មវត្ថុមួយ ដែលត្រូវធ្វើឲ្យបាន។ ប្រសិនបើរ៉ូស្ស៊ី សម្រួចទិសដៅប្រឹងប្រែងរបស់ខ្លួន [...]