ជប៉ុន៖ កាន់កាំបិតចាក់សម្លាប់១៩នាក់ ក្នុងមណ្ឌលជនពិការមួយ
«ក្រុមគ្រូពេទ្យបានបញ្ជាក់ថា អ្នកស្លាប់មានចំនួន១៩នាក់» នេះបើតាមការអះអាង របស់អ្នកនាំពាក្យផ្នែកជួយសង្ក្រោះ ប្រាប់ទីភ្នាក់ងារព័ត៌មានបារាំង «AFP» នាព្រឹកថ្ងៃអង្គារនេះ។ អ្នកនាំពាក្យបានបញ្ជាក់ទៀតថា អ្នករបួសមានចំនួន២៥នាក់ ក្នុងនោះ២០នាក់ ស្ថិតក្នុងសភាពធ្ងន់ធ្ងរ។ រីឯខាងនគរបាលវិញ បានរាយការណ៍នៅមុននេះ ថាមនុស្សស្លាប់មានចំនួន ១០នាក់។
យុវជនម្នាក់អាយុជាង២០ឆ្នាំ បានចូលទៅបង្ហាញខ្លួន នៅក្នុងស្នងការដ្ឋាននគរបាល វេលាម៉ោង៣ភ្លឺ ម៉ោងក្នុងស្រុក ថ្ងៃអង្គារទី២៦ ខែកក្កដានេះ (ត្រូវនឹងម៉ោង១ភ្លឺ ម៉ោងនៅកម្ពុជា និងម៉ោង ៩យប់ម្សិលម៉ិញ ម៉ោងនៅបារាំង) ដោយបានអះអាងថា ខ្លួនជាឃាតករ នៃការចាក់សម្លាប់ដ៏រង្គាលនេះ។ នេះ បើតាមអ្នកនាំពាក្យរបស់ស្នងការនគរបាល ខណ្ឌ «Kanagawa» (ស្ថិតនៅជុំវិញរាជធានីតូក្យូ) ថ្លែងប្រាប់ទីភ្នាក់ងារព័ត៌មានបារាំងដដែល។ អ្នកនាំពាក្យបានបន្តទៀតថា៖ «យើងកំពុងព្យាយាមកំណត់ [...]
