ស្រវឹងដើរឆ្លងផ្លូវ ត្រូវម៉ូតូបុកដួលសន្លប់ធំ
ពាក្យចាស់និយាយថា បើមិនពូកែ កុំ«ផឹក» ឬបើ«ផឹក» នៅដេកក្នុងផ្ទះ ឲ្យសុខស្រួល។ ព្រោះបើផឹកស្រវឹងហើយ ដើរទៅពេញផ្លូវថ្នល់ វាមិនត្រឹមតែបង្កទុក្ខទោស ដាក់ខ្លួនឯងទេ តែក៏នឹងបង្កឲ្យអ្នកផ្សេង ជួបគ្រោះជាមួយខ្លួនដែរ។ ដូចក្នុងករណីនេះ ដែលបានកើតឡើង កាលពីវេលាម៉ោង៩យប់ ថ្ងៃទី១៧ ខែមិនា ឆ្នាំ២០១៥ រវាងម៉ូតូ និងអ្នកថ្មើរជើងម្នាក់ នៅតាមបណ្តោយផ្លូវមន្នីរ៉េត។
គ្រោះថ្នាក់ដ៏អកុសល បានបង្ករឡើង ដោយបុរសម្នាក់ស្រវឹងដើរឆ្លងថ្នល់ និងយុវជនម្នាក់ ឈ្មោះ វណ្ណា ស្នាក់នៅបន្ទប់ជួល ម្តុំសួនកាណាឌីយ៉ា រាជធានីភ្នំពេញ ដែលបាននបើកម៉ូតូ ប៉ះជាមួយបុរសស្រវឹង ធ្វើឲ្យដួលសន្លប់ភា្លមៗ នៅកន្លែងកើតហេតុ។ ប្រភពព័ត៌មានបានឲ្យដឹងថា បុរសជនរងគ្រោះឈ្មោះ អុជ សុគុណ អាយុ៤៣ឆ្នាំ គ្មានសាច់ញាតិបងប្អូនទេ សព្វថ្ងៃរស់នៅជួយលក់ អ្នកជិតខាងនៅភូមិថ្មី សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
សាក្សីបានឲ្យដឹងថា នៅមុនពេលកើតហេតុ គេឃើញមាន [...]