Posts in ‘យុត្តិធម៌ សណ្ដាប់ធ្នាប់’ Category

នៅវេលាម៉ោង៩ និង៤៥នាទីយប់ ថ្ងៃទី១៣ខែ សីហា ឆ្នាំ២០១៥ មានករណីគ្រោះថ្នាក់ចរាចរណ៍មួយ បង្ក​ដោយ​រថយន្តម៉ាក Ford ពាក់ស្លាកលេខ ភ្នំពេញ ២W-២១០០ ពណ៍ខ្មៅ បើកបរក្នុងទិសដៅ ពីកើតទៅលិច​តាម​បណ្តោយ​ផ្លូវ សហពន្ធ័រុស្ស៊ី ស្ថិតនៅសង្កាត់ស្រះចក ខណ្ឌដូនពេញ រាធានីភ្នំពេញ។ ហេតុការណ៍នេះ បង្កឡើង​ដោយបុរសអ្នកបើកបរ ជាជនជាតិចិនម្នាក់ មិនស្គាល់អត្តសញ្ញណ បានបើកបររថយន្តរបស់ខ្លួន បានបុករនាំង​ដែកចែកផ្លូវ បាក់អស់ចំនួន០៨ផ្ទាំង ទល់មុខក្រសួងការពារជាតិ។

តាមប្រសាសន៍របស់សាក្សី ដែលបានឃើញហេតុការណ៍នេះ លោក ចាន់ រស្មី អាយុ៣៥ឆ្នាំ រស់នៅសង្កាត់​ទឹកថ្លា បានប្រាប់មកទស្សនាវដ្ដីមនោរម្យ.អាំងហ្វូឲ្យដឹងថា រូបលោកបានធ្វើដំណើរ ពីក្រោយរថយន្តនេះ ហើយ​គាត់ឃើញរថយន្តខាងលើ បើកបរមានលក្ខណៈរេរា ទំនងជាស្រវឹង។ មុនដំបូងរថយន្តបង្ករេចង្កូត ចង់បុក​ម៉ូតូ​លោកម្តងហើយ ស្រាប់តែបន្តិចក្រោយមក ខណៈគាត់ជិះម៉ូតូមកដល់ ទល់មុខក្រសួងការពារជាតិ [...]

ក្នុងសម័យនេះ ជីវិតមនុស្សសត្វ មិនត្រូវបានចារ ដោយវាសនា ឬព្រហ្មលិខិតទៀតហើយ តែជីវិតមនុស្ស ជា​ល្បែងកំសាន្ដ របស់ក្រុមមនុស្ស គ្មានគុណធម៌មួយចំនួន ដែលផឹកប្រមឹក បើកបរយានយន្ដលើទ្រូងផ្លូវ ដោយ​គ្មានយល់ពីច្បាប់ទម្លាប់ គិតស្មានតែមួយផ្លូវមានតែឯង។ នេះគេនៅមិនទាន់និយាយដល់ ថានៈបុណ្យស័ក្តិ និងធន់ធានដែលក្រុមមនុស្សទាំងនោះ តែងយកមកប្រើ ដើម្បីជះទៅលើជនរងគ្រោះ នៅពេលខ្លួនបានបង្ក​គ្រោះថ្នាក់​​ម្ដងៗនោះផង។

សូមមើលរូបភាពខាងលើ ដែលនឹងធ្វើឲ្យអ្នកគិតថា បើសិនជាថ្ងៃណាមួយ រឿងនេះធ្លាក់មកអ្នកវិញ... តើអ្នក​ត្រូវស្ថិតក្នុងសភាពបែបណា? ស្ត្រីម្នាក់ ត្រូវបានរថយន្ដទំនើប របស់មន្ត្រីយោធាថានៈផ្កាយពីរម្នាក់ បើក​បំបុក​ប៉ើងដូចខ្យល់ ទៅបុកទ្ទប់នឹងរថយន្ដមុួយទៀត រហូតធ្លាយពោះស្លាប់។

ហេតុការណ៍ដ៏រន្ធត់នេះ បានកើតឡើងនៅថ្ងៃទី១៥ ខែសីហា ឆ្នាំ២០១៥ វេលាម៉ោង១៥ និង១៥នាទី នៅ​តាម​បណ្ដោយផ្លូវ២០០១ ស្ថិតក្នុងភូមិគោកឃ្លាង សង្កាត់ភ្នំពេញថ្មី [...]

គ្រោះថ្នាក់ចរាចរណ៍មួយ បានកើតឡើង ដោយសារស្រ្តីវ័យក្មេងមា្នក់ស្រវឹងស្រា បានបើករថយន្ត នៅតាមផ្លូវ ១៦៣ កែងផ្លូវ ៣៦០ ទល់មុខហាងអិនធ័រណែត (internet) 88 បានជ្រុលចង្អូត ទៅបុករថយន្តមួយ ដែល​បើក​បរដោយបុរសម្នាក់ តាមផ្លូវ ៣៦០ បណ្តាលឲ្យខូចខាត ផ្នែកខាងមុខនៃរថយន្ត។ ដោយរថយន្តបង្ក នៅមិន​ទាន់អស់ល្បឿន ក៏បានទៅបុកម៉ូតូ ដែលចតនៅមុខហាង internet 88 ខូចអស់ ៣គ្រឿង ទើបទៅមុខលែងរួច។ ហេតុការណ៍នេះ បានកើតឡើង នៅថ្ងៃទី១៣ ខែសីហា ឆ្នំា២០១៥ វេលាម៉ោង ២៣ និង ៤០នាទីយប់ ក្នុង​សង្កាត់​ទួលស្វាយព្រៃទី១ ខណ្ឌចំការមន រាជធានីភ្នំពេញ។

រថយន្តបង្កហេតុ ម៉ាក Range Rover ពណ៍ខ្មៅ ពាក់ស្លាកលេខភ្នំពេញ 2T 5227 បើកបរដោយយុវតី​ប្រិមប្រិយ​ម្នាក់ មិនស្គាល់ឈ្មោះ ចំណែកឯរថយន្តរងការខូចខាត ម៉ាក CR-V ពណ៍ស្លែ ស្លាកលេខ 2L 9323 បើកបរ​ដោយបុរសម្នាក់ ដែលគេមិនស្គាល់ឈ្មោះដែរ។ សំណាងល្អ ដែលគ្រោះថ្នាក់នេះ មិននបានបង្ករបួសស្នាម ឬគ្រោះថ្នាក់ដល់ជីវិត [...]

នៅវេលាម៉ោងជិត១៨ ល្ងាចថ្ងៃទី១៦ ខែសីហានេះ លោក អាំង មាលតី អតីតប្រធានតុលាការរាជធានី ត្រូវបាន​តុលាការ​ខេត្តកណ្តាល សម្រេច​ឃុំខ្លួន យ៉ាងស្ងាត់កំបាំងជាទីបំផុត នៅ​ក្នុងពន្ធនាគារ​ខេត្តកណ្តាល​។ លោក មាលតី ត្រូវបានអង្គភាពប្រឆាំងអំពើពុករលួយ ឃាត់ខ្លួនកាលពីថ្ងៃទី១៤ ខែសីហា មុននឹងបញ្ជូនលោក មក​កាន់​តុលាការខេត្តកណ្ដាល នៅរសៀលថ្ងៃទី១៦ ខែសីហានេះ ដើម្បីទទួលការសម្រេចរបស់តុលាការ។

លោក ឱម យ៉ិនទៀង ប្រធានអង្គភាពប្រឆាំងអំពើពុករលួយ បានថ្លែងឲ្យដឹងថា អង្គភាព​ប្រឆាំង​អំពើពុករលួយ បាន​អញ្ជើញលោក ​អាំង ​មាលតី ចូលមកសាកសួរ​ស្តាប់​ចម្លើយ កាលពីថ្ងៃទី១៤ ខែសីហា។ ការសាកសួរនេះ បានធ្វើឡើងជាច្រើនដងមកហើយ ប៉ុន្តែការសាកសួរលើកនេះ លោក អាំង មាលតី ត្រូវបាន​អង្គភាព​ប្រឆាំង​អំពើពុករលួយ សម្រេច​ឃាត់ខ្លួនទុកតែម្ដង ជុំវិញបទចោទ វិ​តិ​ក្រម ( ជំរិត​ទារប្រាក់ )​ កាលពីវេលាថ្ងៃត្រង់ ថ្ងៃ​ដដែលនោះ។

លោកទេសរដ្ឋមន្ត្រី ឱម យ៉ិនទៀង [...]

យន្ដហោះដឹកអ្នកដំណើរ របស់ក្រុមហ៊ុនអាកាសចរណ៍ ទ្រីហ្គាណាអ៊ែរ ដែលមានមនុស្សជិះ ៥៤នាក់ នៅ​ជា​មួយ បានបាត់ដំណឹងសូន្យឈឹង ពីកញ្ចក់ត្រួតពិនិត្យរលកអាកាស នៅរសៀលថ្ងៃអាទិត្យ ទី១៦ ខែសីហានេះ នៅខណៈពេលយន្ដហោះ បានហោះពីលើខេត្តប៉ាពូអាស៊ី ភាគខាងកើត នៃប្រទេសឥណ្ឌូនេស៊ី។ យន្ដហោះ​ប្រភេទ ATR 42 បានបាត់ដំណឹង ពីប្រព័ន្ធតាមដានអាកាស នៅវេលាម៉ោងប្រមាណជា ១៥ បន្ទាប់ពីបាន​ហោះ​ចេញ ពីព្រលានយន្ដហោះ សេនតានី (Sentani) ដែលស្ថិតក្នុងក្រុងធំមួយ នៃខេត្ត ចាយ៉ាពូរ៉ា (Jayapura)។ នេះបើតាមការឲ្យដឹង របស់ផ្នែកអ្នកជួយសង្គ្រោះ នៅបណ្ដាញសង្គមទ្វីសធើរ។

ហោះឆ្ពោះទៅកាន់ក្រុង អូកសីប៊ិល (Oksibil) យន្ដហោះដែលប្រើប្រាស់កង្ហាមួយនេះ មានដឹកអ្នកដំណើរ ៤៤​នាក់ ជាមនុស្សធំ ៥នាក់ ជាកុមារ និង៥នាក់ទៀត ជាក្រុមបុគ្គលិបម្រើលើយន្ដហោះ។ បន្ទាប់ពីបានងើបខ្លួន ពីព្រលានយន្ដហោះ យន្ដហោះបានហោះ ក្នុងរយៈពេលជាង៣០នាទី មុននឹងបាត់ដំណឹងឈឹង។

ដំណឹងចុងក្រោយ [...]