Posts in ‘សង្គម’ Category

​មកដល់ពេលនេះ ព្រះអង្គម្ចាស់ នរោត្ដម រណឫទ្ធិ នៅមិនទាន់​ដឹង អំ​ពី​មរណៈភាព​របស់​អ្នក​ម្នាង អ៊ុក ផល្លា ព្រះជាយារបស់ទ្រង់នៅឡើយ​ទេ​។ នេះ​ជាការ​បញ្ជាក់ ​របស់លោក ញ៉េប ប៊ុនជិន អ្នកនាំពាក្យគណបក្សហ្វុនស៊ីនប៉ិច ដែលត្រូវបានស្រង់សំដី ដោយសារព័ត៌មានក្នុងស្រុក។ ​

អ្នកនាំពាក្យបានបញ្ជាក់ថា ខាង​គណបក្ស​មិនទាន់​ទូល​ព្រះអង្គ អំពីរឿងនេះ ដោយទុកឲ្យ​ខាង​ព្រះបរមរាជវាំង ជាអ្នកសម្រេច ថានឹងត្រូវទូលទ្រង់ យ៉ាងដូចម្ដេច និងនៅពេលណា។

​អ្នក​ម្នាង អ៊ុក ផល្លា បាន​បាត់​បង់ជីវិត បន្ទាប់ពីបានជួបហេតុការណ៍គ្រោះថ្នាក់​ចរាចរណ៍ ដ៏រន្ធត់មួយ កាលពី​ថ្ងៃទី​១៧ ខែមិថុនា ក្នុងក្បួនរថយន្ដ របស់ព្រះអង្គម្ចាស់ នរោត្ដម រណឫទ្ធិ ដែលមានគម្រោងចុះជួបអ្នកគាំទ្រ ក្នុងខេត្តព្រះសីហនុ។ ព្រះអង្គម្ចាស់ ដែលគង់នៅក្នុងរថយន្ដតែមួយ ជាមួយអ្នកម្នាង បានរងបួសធ្ងន់ និងត្រូវបានបញ្ជូនទៅព្យាបាល នៅក្នុងមន្ទីរពេទ្យច្រើនកន្លែង នៅក្នុងប្រទេស [...]

នៅថ្ងៃសៅរ៍នេះ បុណ្យជាតិបារាំង ១៤កក្កដា ដែលមានក្បួនព្យុះហយាត្រា នៃកងកម្លាំងយោធា-នគរបាល-អាវុធហត្ថ​ដ៏ហំហាន មាន​ពោរពេញ​ដោយបញ្ហាជាច្រើន។ ហើយវាមិនមែនជាបញ្ហាតូចតាចទេ ឬអាចលាក់បាំងបានទេ តែវាជាបញ្ហាដែលអ្នកផងបានឃើញ ដោយផ្ទាល់ភ្នែក និងនៅនឹងមុខប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) នោះតែម្ដង។

បញ្ហាទីមួយ ដែលសំខាន់ជាងគេ គឺការបង្ហុយផ្សែងដែលជាតំណាងឲ្យពណ៌បីឆ្នូត របស់ទង់ជាតិបារាំង ខៀវ-ស-ក្រហម។ ជាការខកចិត្តសម្រាប់អ្នកផង ដែលចង់ឃើញយន្ដហោះទាំង៩ បង្ហុយផ្សែងពីខាងក្រោយ ដោយ ៣-៣ ស្មើគ្នា៖ គឺយន្ដហោះបីគ្រឿង បង្ហុយមួយពណ៌។ តែនេះ យន្ដហោះនៅខាងឆ្វេងដៃបង្អស់ ដែលត្រូវបង្ហុយផ្សែងពណ៌ខៀវ ដើម្បីបង្គ្រប់យន្ដហោះបី សម្រាប់ផ្សែងមួយពណ៌នោះ បែរជាបង្ហុយផ្សែងពណ៌ក្រហមទៅវិញ ធ្វើឲ្យទង់ជាតិបារាំង មានពណ៌ដល់ទៅ​បួនឆ្នូត ក្រហម-ខៀវ-ស-ក្រហម។

ប្រសិនជាលោក ហ៊ុន សែន ធ្លាប់ហៅមនុស្ស ដែលប្រព្រឹត្តិកំហុស ឬមនុស្ស ដែលលោកមិនពេញចិត្ត ថាជាជនទំនើងនោះ ប្រហែលជាលោកនាយករដ្ឋមន្ត្រី មិនស្គាល់ច្បាស់ នូវពាក្យ«ទំនើង»នេះ ដូចលោក ឈាង វុន មន្ត្រីក្រោមបង្គាប់លោកនោះទេ។ សម្រាប់តំណាងរាស្ត្រមណ្ឌលបាត់ដំបង មកពីគណបក្សប្រជាជនកម្ពុជា និងជាអ្នកនាំពាក្យរដ្ឋសភារូបនេះ បានពន្យល់ថា ពាក្យ«ជនទំនើង»នេះ មានន័យជាវិជ្ជមាន។

ការបកស្រាយរបស់លោក ឈាង វុន ធ្វើឡើងដើម្បីតបទៅនឹងការរិះគន់ ដែលបានផ្ទុះឡើងព្រោងព្រាត ចំពោះទស្សនៈផ្ទាល់ខ្លួនរបស់លោក ដែលហៅជំនួបរវាងលោក ដូណាល់ ត្រាំ (Donald Trump) ប្រធានាធិបតីអាមេរិក និងលោក គីម ជុង-អ៊ុន (Kim Jong-Un) ប្រមុខដឹកនាំកូរ៉េខាងជើង ថាជា«ជំនួបរវាង ក្មេងទំនើង និងចាស់ទំនើង»។ ទស្សនៈនោះ ត្រូវបានអ្នកនាំពាក្យរដ្ឋសភា ថ្លែងទៅកាន់អ្នកសារព័ត៌មាន នៅក្នុងវិមានរដ្ឋសភា កាលពីព្រឹក ថ្ងៃទី១២ ខែមិថុនា ពោលគឺប៉ុន្មានម៉ោងក្រោយជំនួប របស់មេដឹកនាំទាំងពីរ [...]

អនុប្រធានគណបក្សសង្គ្រោះជាតិ អ្នកស្រី មូរ សុខហួរ ជាស្ត្រីម្នាក់ ពីក្នុងចំណោមស្ត្រី៧រូប មកពី៧ប្រទេស ដែលនឹងត្រូវផ្ដល់កិត្តិយសជូន នៅក្នុងកម្មវិធីសិល្បៈមួយ ក្នុងក្រុងហ្សឺណែវ ប្រទេសស្វីស។

កម្មវិធីសិល្បៈនេះ ត្រូវបានរៀបចំឡើង ក្នុងយប់ថ្ងៃព្រហស្បត្តិ ទី១៤ ខែមិថុនា ឆ្នាំ២០១៨នេះ ដោយស្នងការដ្ឋានជាន់ខ្ពស់ ទទួលបន្ទុកសិទ្ធិមនុស្ស របស់អង្គការសហប្រជាជាតិ ដែលមានទីស្នាក់ការនៅទីនោះ ហើយនឹងត្រូ​វ​ប្រកាស​បើកកម្មវិធី ដោយអ្នកស្រី «Barbara Hendricks» អង្គទូតសុឆន្ទៈ របស់ស្នងការដ្ឋានជាន់ខ្ពស់ ផ្នែកជនភៀសខ្លួន (UNHCR)។

នៅក្នុងសេចក្ដីប្រកាសព័ត៌មានមួយ ដែលទស្សនាវដ្ដីមនោរម្យ.អាំងហ្វូទទួលបាន បានសរសេរថា អ្នកស្រី មូរ សុខហួរ ដែលធ្លាប់ជារដ្ឋមន្ត្រីក្រសួងកិច្ចការនារី ត្រូវបានគេស្គាល់ថា ជាសកម្មនារីការពារសិទ្ធិមនុស្សមួយរូប ដែលបានប្រយុទ្ធយ៉ាងខ្លាំងក្លា ទល់នឹងការជួញដូរផ្លូវភេទ នៅក្នុងប្រទេសកម្ពុជា [...]

នេះអាចជាការព្រមានមួយ សម្រាប់មន្ត្រី«ពហុជំនាញ»មួយចំនួន ដែលមានមុខនាទីមួយហើយ មិនអនុវត្តមុខនាទីហ្នឹង ឲ្យខ្ជាប់ខ្ជួនទេ តែចេះតែចង់ទៅធ្វើអ្វីផ្សេង ដែលមិនមែន​ជាមុខនាទីរបស់ខ្លួន។ ហើយការព្រមាននេះ ចេញពីមាត់លោកនាយករដ្ឋមន្ត្រី ហ៊ុន សែន តែម្ដង នៅព្រឹកថ្ងៃចន្ទ ទី១១ ខែមិថុនា ឆ្នាំ២០១៨នេះ ក្នុងពិធីសម្ភោធ​កំណាត់​ផ្លូវ​ជាតិ​​លេខ​៦ ​នៅ​ឯ​ខេត្ត​កំពង់ធំ​​ ដែលធ្វើទៅ​កាន់​មន្ត្រី​យោធា​ពីរនាក់ គឺលោក ផែង វណ្ណៈ និងលោក ខ័ណ្ឌ ច័ន្ទសុផល។

ការថ្លែងព្រមាន របស់បុរសខ្លាំងកម្ពុជា ធ្វើឡើងបន្ទាប់ពី អ្នកប្រើប្រាស់សង្គម ដ៏ល្បីឈ្មោះទាំងពីរនាក់ខាង​លើ​ បានធ្វើការសម្ភាស​មនុស្ស​ពីរនាក់ ដែលជាតួអង្គដ៏សំខាន់ នៅក្នុងព្រឹត្តិការណ៍ «ព្រះសង្ឃ​លិត​ពោត» ដែលត្រូវបានបែកធ្លាយ កាលពីសប្ដាហ៍មុន។ ហើយកិច្ចសម្ភាស របស់មន្ត្រីយោធាទាំងពីរ ដែលធ្វើឡើងផ្សេងគ្នា ត្រូវបានផ្សាយផ្ទាល់ នៅលើបណ្ដាញសង្គម ខណៈតួអង្គទាំងពីរនាក់ [...]