ឯកអគ្គរាជទូតអង់គ្លេស តក់ស្លុតចំពោះឃាតកម្មលើ កែម ឡី
ឃាតកម្មបាញ់«ឆៅ»សម្លាប់លោក កែម ឡី នៅកណ្ដាលដើមទ្រូង នៃរាជាណាចក្រកម្ពុជា បានបង្កឲ្យមានប្រតិកម្មធ្លាក់ចុះមកជាបន្តបន្ទាប់។ ប្រសិនជាមានប្រតិកម្មខ្លាំងៗ ពីសំណាក់ពលរដ្ឋកម្ពុជាក្នុងស្រុក ដែលដូចជាមិនបានរួញញ័រ នឹងទង្វើដ៏យង់ឃ្នង នៃខ្មាន់កាំភ្លើង និងគូកននោះ តែក៏មានដូចគ្នា នូវប្រតិកម្មពីសំណាក់មន្ត្រីការទូតបរទេស ដែលកំពុងមានវត្តមាន នៅក្នុងប្រទេសកម្ពុជាដែរ។
ភ្លាមៗនៅក្រោយពេលកើតហេតុ ឯកអគ្គរាជទូតនៃចក្រភពអង់គ្លេស ប្រចាំនៅកម្ពុជា លោក ប៊ីល ឡងហ័ស្ត៍ (Bill Longhurst) បានសម្ដែងភាពតក់ស្លុត និងសោកស្ដាយ នៅពេលដែលលោកបានដឹង ពីដំណឹងដ៏អកុសលខាងលើនេះ។ លោកឯកអគ្គរាជទូតបានសរសេរ នៅក្នុងទំព័រទ្វីសធើរ (Twitter) របស់លោកថា៖ «តក់ស្លុត និងសោកស្ដាយ បន្ទាប់ពីបានដឹងថា អ្នកធ្វើអត្ថាធិប្បាយនយោបាយ លោក កែម ឡី ត្រូវបានបាញ់សម្លាប់»។
ជាការបាត់បង់ដ៏ធំធេង [...]
