Posts in ‘សម្រាំងស្រាវជ្រាវ វិភាគ’ Category

អ្នកផងស្វាគមន៍ បុណ្យចូលឆ្នាំថ្មី ដោយការបាញ់កាំជ្រួចជ្វាលា ឬការរាំកំសាន្ដជុំគ្នា។ ដោយឡែក ​ប្រទេស​កូរ៉េ​ខាងជើង បានជ្រើសរើសការស្វាគមន៍ឆ្នាំថ្មី ដោយការ​សាកល្បង បំផ្ទុះគ្រាប់បែកនុយក្លេអ៊ែរ ប្រភេទ «H (ពាក្យ​កាត់​ពី អ៊ីឌ្រូសែន /Hydrogène)» កាលពីថ្ងៃពុធទី៦ ខែមករាកន្លងទៅ។ ប៉ុន្តែមកដល់ម៉ោងនេះ គ្មាននរណា​ម្នាក់​អះអាង ជំនួសប្រទេសកុម្មុយនីសមួយនេះ ថាវាពិតជាគ្រាប់បែកនុយក្លេអ៊ែរ ប្រភេទ «H» ដែលមាន​កម្លាំង​​ផ្ទុះ យ៉ាងហោច១០០០ដង ខ្លាំងជាងគ្រាប់បែក​នុយក្លេអ៊ែរធម្មតា (ជាឧទាហរណ៍គ្រាប់បែកនុយក្លេអ៊ែរ ដែល​ទម្លាក់​នៅ​ប្រទេសជប៉ុន ក្នុងសង្គ្រាមលោកលើកទី២) នោះទេ។

បើតាមវិទ្យាស្ថានភូមិសាស្ត្រអាមេរិក កម្លាំងរញ្ជួយនៅពេលសាកល្បង បំផ្ទុះគ្រាប់បែករបស់​ប្រទេសកូរ៉េ​ខាង​ជើង កាល​ពី​ថ្ងៃពុធ មានកម្រិតប្រមាណជា ៥,១ រិចទ័រ។ កម្រិតនេះ ធ្វើឲ្យអ្នកជំនាញជាច្រើន ត្រូវបាន​សារព័ត៌មាន​​អង់គ្លេស​​«DailyMail» ស្រង់សំដីមកអះអាងថា [...]

សមាគមឯកសារសន្ដិសុខជាតិ ដែលជាសមាគមស្ម័គ្រចិត្តមួយ មានទីតាំងនៅក្នុងសកលវិទ្យាល័យ ហ្សក វ៉ាស៊ីនតោន (George Washington) នៃរដ្ឋធានីវ៉ាស៊ីនតោន បានទម្លាយនូវឯកសារដ៏សម្ងាត់មួយ ដែល​បង្ហាញ ឲ្យដឹង​​ជា​លើកដំបូង ពីគម្រោងការ​ដ៏«ញ៉ាក់សាច់» មួយចំនួន ដែលបានហៀបនឹងកើតឡើង នៅ​ក្នុង​សម័យ​​កាល​​នៃ​សង្គ្រាមត្រជាក់ រវាងមហាអំណាចទាំងពីរ៖ សហរដ្ឋអាមេរិក និង​សហភាព​សង្គមនិយម​សូវៀត (ដែល​ក្លាយ​មក​ពី​សហព័ន្ធរ៉ូស្ស៊ីសព្វថ្ងៃ)។

គម្រោងការដែលមានឈ្មោះថា «SAC (Strategic Air Command) Atomic Requirements Study for 1959» ឬបកជាខេមរភាសា «ការសិក្សា ពីតម្រូវការបែបអាតូមិក សម្រាប់​ឆ្នាំ​១៩៥៩ របស់​​បញ្ជាការដ្ឋាន​យុទ្ធសាស្ត្រអាកាស (អាមេរិក)» ត្រូវបានបង្កើតឡើង នៅឆ្នាំ១៩៥៦ ដោយ​មាន​បញ្ជាក់​យ៉ាងលំអិត នូវទិសដៅវាយប្រហារ ដោយអាវុធនុយក្លេអ៊ែរ របស់អាមេរិកជាច្រើន [...]

បងប្អួនត្រកូល កាដាហ្វី ដែលជាកូនរបស់លោក មូអាម៉ារ កាដាហ្វី (Mouammar Kadhafi) អតីត​មេ​ដឹកនាំ​ផ្ដាច់ការ របស់ប្រទេសលីប៊ី មានឈ្មោះ «Mohamed» «Saïf al-Islam» «Saadi» «Mouatassim» «Hannibal» «Saïf Al-Arab» «Khamis» និង«Milad (កូនប្រុសចិញ្ចឹម)»។ កូនស្រីបង្កើត​តែ​មួយ​គត់ របស់​លោក កាដាហ្វី មានឈ្មោះ «Aïcha»។

រីឯកូនស្រីចិញ្ចឹមម្នាក់ទៀត ឈ្មោះ «Hannah» ត្រូវបានរាយការណ៍ ថាបានស្លាប់ តាំងពីអាយុ១៥ខែ នាឆ្នាំ​១៩៨៦មកម្លេះ  នៅក្នុងការវាយប្រហារមួយ របស់កងទ័ពអាមេរិក។ សេចក្ដីរាយការណ៍​ផ្សេង​ទៀត បាន​អះអាង​ថា កូនស្រីឈ្មោះ «Hannah» នេះ កំពុងរស់រាន​មានជីវិតនៅឡើយ តែកូនស្រីរូបនេះ មិន​ចង់​ចេញ​ឈ្មោះ ជា​កូន​ចិញ្ចឹមរបស់លោក កាដាហ្វី ឡើយ។

ទាក់ទងនឹងចំណេះដឹងវិញ កូនៗរបស់លោក កាដាហ្វី ភាគច្រើនសុទ្ធសឹង ទទួលបានការរៀនសូត្រជ្រៅជ្រះ។ កូនៗមួយចំនួន បានចូលរៀន នៅសាលាជាន់ខ្ពស់ល្បីៗ នៅប្រទេសលោកខាងលិច ដូចជាលោក «Saïf [...]

តាំងពីខែតុលាមកម្លេះ ឆ្មាំសមុទ្ររបស់ប្រទេសជប៉ុន បានប្រទះយ៉ាងហោចកាណូតចំនួន១៤ នៅក្នុងសមុទ្រ​ជប៉ុន (ឬសមុទ្រខាងកើត បើតាមការហៅរបស់ជនជាតិកូរ៉េ) ជាមួយនឹងសាកសពជាង២០នាក់ នៅក្នុង​សភាព​សល់តែគ្រោងឆ្អឹង។ អ្នកទទួលខុសត្រូវឆ្មាំសមុទ្រម្នាក់ លោក «Shuichi Hashizume» បាននិយាយថា៖ «អ្នក​ជ្រមុជទឹករបស់យើង បានរកឃើញសាកសព៣ កាលពីថ្ងៃទី២៣ខែវិច្ឆិកាកន្លងទៅ ក្នុងនោះសាកសពពីរ គ្មាន​ក្បាលនោះទេ។ នៅពេលយើងស្រង់ កាណូតនោះឡើងមក យើងរកឃើញឆ្អឹងខ្មោច ចំនួន៦ទៀត នៅក្នុង​នោះ។»

អ្វីដែលគេដឹងនៅពេលនោះ គឺកាណូតមួយចំនួន មានដាក់សញ្ញា តាមបែបជនជាតិកូរ៉េ ដែលធ្វើ​ឲ្យ​គេ​គិត​ថា មកពីប្រទេសកូរ៉េខាងជើង តែគេនៅមិនទាន់​ហ៊ានអះអាង ថាពិតនៅឡើយ។ រហូតលុះត្រាមកដល់​ថ្ងៃ​ព្រហស្បត្តិ៍​សប្ដាហ៍មុន ទើបការអះអាង ពីប្រភពដើមរបស់កាណូត មានភាពច្បាស់លាស់ ដោយសារ​អាជ្ញាធរ​បាន​ស្រង់​កាណូតមួយទៀត នៅ​មិន​ឆ្ងាយ​ប៉ុន្មាន ពីកោះ សាដូ (Sado)។ [...]

«យើងបានរកឃើញ ពីមហន្តរាយដ៏ខ្លាំងក្លាមួយបែបទៀត ដែលអាចកើតចេញ ពីការឡើងកម្ដៅនៅ​លើ​ផែនដី ហើយមានគ្រោះថ្នាក់ខ្លាំងជាង​មហន្តរាយ​ដទៃផ្សេង» នេះជាការពន្យល់របស់អ្នកស្រាវជ្រាវពីរូប មក​ពីសកលវិទ្យាល័យ «Leicester» របស់អង់គ្លេស ស្ដីពីការសិក្សាមួយ ដែលត្រូវបានយកមកចុះផ្សាយ ក្នុង​ព្រឹត្តិប័ត្រ «Mathematical Biology»។

គ្រោះមហន្តរាយ

ដោយប្រើប្រាស់របៀបគណនាមួយ តាមបែបគណិតសាស្ត្រ អ្នកស្រាវជ្រាវទាំងពីរបានអះអាងថា បើការ​ឡើង​កម្ដៅជាសកល មានការកើនឡើង រហូតដល់៦អង្សាសេ បើធៀបទៅនឹងមុនសម័យកាលឧស្សាហកម្ម (ដើមសតវត្សទី១៩) នោះខ្យល់អ៊ុកស៊ីសែន នឹងលែងកើតមានតទៅទៀត ពីរូបធាតុបៃតង។ ដើមឈើ ព្រៃ​ព្រឹក្សា ឬរូបធាតុបៃតងទាំងនោះ ត្រូវរស់អណ្ដែត​នៅក្នុងសារជាតិទឹក (ចំហាយ ពពក...) ដែលមានផ្ទុក​ខ្យល់​អុកស៊ីសែន​សេសសល់ ប្រមាណជា២ភាគបី នៅលំហប៉ុណ្ណោះ។

ខ្សោះអស់អ៊ុកស៊ីសែន