Posts in ‘សម្រាំងកំសាន្ដ’ Category

បើដកដាវចេញ មកសួររកស្នេហ៍ ដូចនៅក្នុងភាពយន្ដកាប់ដាវ នោះមិនជាអ្វីទេ។ តែនេះ ជាការដកដាវចេញ ដើម្បីយកមកកាប់ឪឡឹក។ មហាបុរស កំពូលក្បាច់គុនម្នាក់នេះ ឈ្មោះ អាលី បានដកដាវកោង ចេញពីស្រោម ដើម្បីបង្ហាញសន្ធឹកដាវមរណៈ ដែលខ្លួនបានហាត់ ជាយូរណាស់មកហើយ ទៅលើផ្លែឪឡឹកមួយ។

ជាការប៉ាន់ស្មានមួយដែលខុស ព្រោះនៅក្នុងភាពយន្ដកាប់ដាវ គេមិនដាក់តុធ្វើពីកញ្ចក់ នៅពីក្រោមផ្លែឪឡឹក ដូច្នេះទេ។ ករណីនេះ អាចបណ្ដាល មកពីប្រតិកម្មវិជ្ជាគុន ឬបណ្ដាលមកពីនរណាម្នាក់ យកខ្លាញ់មក​លាប​ពី​លើ​ផ្លៃឪឡឹក ព្រោះមួយដាវរបស់មហាបុរស អាលី ដែលមានពាក់អាវ «Like a Boss (ដូចអ្នកជំនាញ)» បានរអិល ជ្រុល​ទៅកាប់តុកញ្ចក់ បែកខ្ចាត់ខ្ចាយ!

វីដេអូនេះ ត្រូវបានយកមកបង្ហោះ ដាក់នៅលើគេហទំព័រ ចែករំលែកវីដេអូ យូធូប កាលពីថ្ងៃទី២៧ ខែមិថុនា កន្លង​មកនេះ ហើយមានអ្នកចុចចូលមកទស្សនា ជាង១លានដងហើយ៕

បន្ទាប់ពីហេតុការណ៍នេះ លើកក្រោយៗ អ្នកបើកបររថយន្ដ តោងត្រិះរិះឲ្យបានច្រើនបន្តិច មុននឹងសម្រេច​ចិត្ត​ចត​រថយន្ដ នៅទីណាមួយ។ ហើយក៏មិនអាចយកលេសថា មើលមិនឃើញសញ្ញាចំណត សម្រាប់ជនពិការ​នោះឡើយ ព្រោះបើសូម្បីគេមើលពីចម្ងាយ (តាមរយៈវីដេអូ) ក៏គេអាចដឹងដែរ ថាចំណតនោះ សម្រាប់យាន​របស់អ្នកពិការ។​

តែអ្នកបើកបរជាតិប្រេស៊ីលម្នាក់នេះ នៅតែចតរថយន្ដរបស់ខ្លួន នៅលើគំនូសនោះ ទាំងដឹងថា ខ្លួនមិនត្រូវ​បាន​អនុញ្ញាតផងនោះ។

ដូច្នេះ វិធីមានតែម្យ៉ាងទេ ដែលធ្វើឲ្យយុវជនអ្នកបើកបររូបនេះ អាចមើលឃើញច្បាស់ នូវចំណតសម្រាប់​អ្នក​ពិការ នៅពេលក្រោយៗទៀត។ នោះ គឺយុវជនមួយក្រុម របស់ក្រុម BOOM ដែលសុទ្ធសឹងមានជំនាញ ខាង​ធ្វើវីដេអូ បង្កការភ្ញាក់ផ្អើល​នោះ បានយកក្រដាស់«Post-it» មកបិតពាសពេញ ពីខាងក្រៅរថយន្ដ ដោយ​មិន​ភ្លេចដាក់រូបសញ្ញា ជនពិការយ៉ាង​ធំៗ នៅទាំងសងខាង និងខាងក្រោយ នៃរថយន្ដផងទេ។

វីដេអូដែលបានលួចថត ពីហេតុការណ៍នេះ ត្រូវបានយកមកបង្ហោះ [...]

កាលពីថ្ងៃអាទិត្យកន្លងទៅ កម្មវិធី«Zone Interdite»មួយរបស់ទូរទស្សន៍បារាំង ប៉ុស្ដ៍លេខ៦ បានបញ្ចាំងជូន​ទស្សនិកជន នូវបេក្ខជនប្រមាណជា ៨០០០នាក់ ដែលមកហ្វឹកហាត់ នៅក្នុងកងពល ទាហានមកពីបរទេស ស្ថិត​ក្នុង​ក្រុង អូប៉ាញ (Aubagne ភាគខាងត្បូងប្រទេសបារាំង)។ មានអាយុពី១៧ រហូតដល់ ៤០ឆ្នាំ បេក្ខជន​ដែលមក​ពីប្រទេសជាច្រើន នៅក្នុងពិភពលោកទាំងនោះ សុទ្ធតែបានឆ្លងកាត់ នូវអតីតកាលរបស់ពួកគេ ដោយ​​ឡែកៗ​ពីគ្នា។

តាមពិតទៅ កងពលទាហាន មកពីបរទេសនេះ មិនមែនជាកងពល ឬទាហានពិតប្រាកដ សម្រាប់យក​ទៅ​ចេញ​ច្បាំងនោះទេ តែជាកន្លែងហ្វឹកហាត់ កម្លាំងចិត្ត និងកម្លាំងកាយ ដែលមានលក្ខណៈយោធា ដើម្បីធ្វើឲ្យ​មាន​ការផ្លាស់ប្ដូរ ក្នុងជីវិត។ ប៉ុន្តែពាក្យថា «មានលក្ខណៈយោធា» មិនមែនគ្រាន់តែជាពាក្យមួយ សម្រាប់លេង​សើច​នោះឡើយ តែបេក្ខជនទាំងអស់ ចាំបាច់ត្រូវឆ្លងកាត់ នូវវិញ្ញាសារពិបាកៗជាច្រើន ប្រៀបបាននឹង​ទាហាន​ពិតៗ​ដូច្នេះដែរ។

ក្នុងនោះ [...]

ទឹកចិត្តជាម្ដាយ មិនមានដែនកំណត់ទេ នៅក្នុងលោកយើងនេះ ទោះជាមនុស្ស ឬសត្វក៏ដោយ។ ភស្ដុតាង​ជា​រូបភាពនេះ បានបង្ហាញយ៉ាងច្បាស់ ពីការសងសឹងរបស់សត្វទន្សាយមួយក្បាល បន្ទាប់ពីវាបានដឹងថា កូន​របស់វាទាំងពីរក្បាល ត្រូវបានសត្វពស់រួមរឹតសម្លាប់ ប្រុងនឹងយកមកធ្វើចំណីរួច។

ដំបូងឡើយ ទន្សាយជាម្ដាយ បានដឹងភ្លាមថា កូនទាំងទ្វេររបស់វា បានស្លាប់អស់ហើយ រួចប្រើជើងរបស់​វា​ធាក់សត្វពស់ ពីរជើងយ៉ាងធ្ងន់។ រីឯសត្វពស់វិញ ដឹងខ្លួនថា មិនអាចទប់ទល់នឹងរន្ទះជើង របស់សត្វទន្សាយ​ធំ​នេះបាន ក៏បានវាចេញ ទំនងចង់គេច។ ប៉ុន្តែការវាយប្រហារ របស់ទន្សាយជាម្ដាយ មិនបានព្រលែងសត្វពស់ ឲ្យចេញទៅវិញដោយងាយៗ នៅពេលដែលយុត្តិធម៌មិនទាន់បានរកឃើញ សម្រាប់កូនខ្លួននោះឡើយ។

វីដេអូត្រូវបានបង្ហោះ នៅលើគេហទំព័រចែករំលែកវីដេអូ កាលពីថ្ងៃទី១៨ ខែមិថុនានេះ តែមានមនុស្សចុច ចូល​ទៅអបអរជ័យជំនះ ដ៏អភ័ពរបស់សត្វទន្សាយ ដល់ទៅជាង៩លាននាក់ហើយ៕

វីដេអូនេះបានបង្កការអស់សំណើច ដល់ទស្សនិកជនគ្រប់ៗគ្នា ដែលបានទស្សនា។ តាមគម្រោង យន្ដហោះ​កំសាន្ដនេះ ត្រូវបានអនុញ្ញាត ឲ្យមានអ្នកដំណើរតែម្នាក់ទេ បន្ថែមពីលើអ្នកបើកបរម្នាក់ ដែលចាំបាច់ត្រូវបញ្ជា​យន្ដហោះនេះ។ ប៉ុន្តែនៅពេលយន្ដហោះ បានហោះឡើងទៅដល់ក្នុងលំហអាកាស ស្រាប់តែអ្នកដំណើរ​ម្នាក់​ទៀត បានបង្ហាញខ្លួនមកដែរ ទោះខ្លួនគ្មាន«សំបុត្រ» សម្រាប់ជើងហោះហើរនេះក៏ដោយ។

ដាក់បង្ហោះកាលពីថ្ងៃអាទិត្យនេះ ដោយសមាជិកម្នាក់ នៃក្លិប «ULM 16-34» ដែលធ្វើអាជីវកម្ម ជាមួយ​យន្ដហោះ​​កំសាន្ដ នៅក្រុង គូរូ (Kourou) ក្នុងដែនដី ហ្គីយ៉ាន (Guyane ទឹកដីបារាំងនៅទ្វីបអាមេរិកខាង​ត្បូង) វីដេអូ​នេះ បានទទួលការចុចចូលមកទស្សនា ប្រមាណជាង១៣លានដងហើយ។ បន្ទាប់ពីបានឃើញ​អតិថិជន ដែល​មិន​មានសំបុត្រ ជិះដោយខុសច្បាប់ នៅក្នុងយន្ដហោះដូច្នេះ អ្នកបើកបរចាំបាច់ ត្រូវបង្ហោះយន្ដហោះ ឲ្យ​ចុះ​មក​ចត​​វិញ ដើម្បី​យកអតិថិជនមួយក្បាលនេះ ឲ្យត្រឡប់មកនៅលើដី។