Posts in ‘សម្រាំងកំសាន្ដ’ Category

មិនខុសពី មនុស្សជំទង់ ដែលនៅមានលក្ខណៈ«ស្ទាវ»នោះឡើយ។ ដំរីជំទង់ទាំងបីក្បាល ដែលមាន​ឈ្មោះថា ឡារ៉ា (Lara) ជើនី (Jenny) និងជាំឡា (Jungla) បានផ្ដើមសកម្មភាពរបស់ពួកវា ដោយការសំដែងដ៏ល្អ និង​យ៉ាង​ពិសេស នូវទ​ស្សនីយភាព​របស់វា សម្រាប់អ្នកមកវិស្សមកាល នៅតំបន់ឆ្នេរ «Karrebæksminde» នៃ​ប្រទេស​ដាណឺម៉ាក កាល​ពី​ថ្ងៃ​សៅរ៍​មុន។

ការសំដែងនោះ មានទាំងការចុះងូតទឹក យ៉ាងត្រេកត្រអាល និងការបង្ហាញនូវសមត្ថភាពមួយចំនួន របស់សត្វ​ដំរីជំទង់ ទាំងបីក្បាល ដែលអ្នកទស្សនាគិតថា ការសំដែងនោះ បានផុសចេញ ពីភាពសប្បាយចិត្ត រីកថ្លើម​ប្រមាត់ របស់សត្វដំរីនោះខ្លួនឯងតែម្ដង។ ប៉ុន្តែនៅទីបញ្ចប់ ហេតុការណ៍ បានផ្លាស់ប្ដូរ...

សារព័ត៌មាននៅក្នុងតំបន់ បានរាយការណ៍ថា គ្រាន់តែអ្នកបង្ហាត់ដំរី បានធ្វេសប្រហេស តែបន្តិចប៉ុណ្ណោះ សត្វ​ចតុបាតទាំងបីក្បាល ដែលត្រូវបានធ្វើឲ្យផ្អើល ពីក្រុមមនុស្ស ដែលតាមមើលវានោះ បានងាកត្រឡប់ មក​ដេញ​ឆាឆៅ​គេឯង [...]

បុរសជាតិថៃម្នាក់នេះ ស្ថិតក្នុងសភាពស្រវឹង ... តែមិនមែន មានន័យថា ខ្លួនស្រវឹងហើយ មានលេសគ្រប់គ្រាន់ ដើម្បីធ្វើអ្វីស្រេចនឹងចិត្តទេ។

បុរសបានដើរ ទៅជិតនាងអ្នករាំមួយរូប ដែលមើលទៅ មានរូបរាងទ្រលុកទ្រលន់ ស្លៀកពាក់ខ្លីៗ នៅលើឆាក... បង្កភាពពេញចិត្តពេញថ្លើម ឲ្យបុរសយើង អត់ទ្រាំមិនដកប្រាក់ពីហោប៉ៅ ដើម្បីជូន«នាង»មិនបាន។ តែបើ​ឲ្យ​នាងផ្ទាល់ដៃ ឬក៏ច្រើនណាស់ ដាក់នៅក្នុងអាវទ្រនាប់ របស់នាងអ្នករាំ ម្នាក់នេះភ្លាមទៅ ប្រហែលជាមិនអីទេ... តែនេះ... បុរសកំហិលភ្លេចថា ប្រពន្ធខ្លួន បានតាមឃ្លាំមើលសកម្មភាព តាំងពីដំបូង។

«បើគ្រាន់តែឲ្យលុយ"ធីប"សោះ ហើយចុះ នៅរាវធ្វើស្អី ក៏យូរម្លេះ? ន៎ែ អាតាប៉ិ... តាប៉ិកំហិលឯង សម​ដាក់​ក្បាល នឹង"ថាស"នេះណាស់!»

នៅក្នុងក្រុង «Pérouse» នៃប្រទេសអ៊ីតាលី កូនឆ្មារដ៏តូចមួយ ដែលបានជាប់ខ្លួន នៅក្នុងទុយោទឹក ត្រូវបាន​ជួយឲ្យមានជីវិត ដោយក្រុមអ្នកជួយសង្គ្រោះ។ ប្រភពពីកន្លែងកើតហេតុ បានអះអាងថា កូនឆ្មារដែល​បាន​ជាប់​ខ្លួន ប្រមាណជា១ម៉ោង ត្រូវបានក្រុមអ្នកជួយសង្គ្រោះ «Citta di Castello» ជួយរំដោះឲ្យចេញក្រៅ។

នៅក្នុងវីដេអូខាងលើ គេឃើញកូនឆ្មារ កំពុងត្រូវបានជួយ ឲ្យបេះដូងដើរឡើងវិញ ដោយអ្នកជួយសង្គ្រោះម្នាក់ ដែលបានយកម្រាមដៃមួយ មកអង្រួនខ្លួនវា។ មិនខុសពីបំណង ដែលគេប៉ងឡើយ ព្រោះកូនឆ្មារបានដឹងខ្លួន​វិញ នៅមួយនាទីក្រោយ និងបានស្រែក ទៅកាន់អ្នកជួយសង្គ្រោះវា ហាក់ដូចជា ពាក្យ«អរគុណ»ដូច្នេះ។

ប្រភពបានឲ្យដឹងទៀតថា មកដល់ពេលនេះ កូនឆ្មារមានសុខភាព ល្អធម្មតាឡើងវិញហើយ៕

បុរសម្នាក់នេះ មានគំនិតប្រកបដោយ ភាព«ឆ្នៃប្រឌិតដ៏ខ្ពស់»មួយ និងយ៉ាងពិសេស៖ នោះគឺយកអណ្ដាត​របស់​ខ្លួន​ទៅជ្រលរ ជាមួយនឹង​«តង្កៀបក្ដាម»។

តែវីដេអូខាងលើនេះ នឹងបង្កការភ្ញាក់ផ្អើលមួយ ជាមិនខាន ព្រោះគេមិនដឹងសោះថា សត្វក្ដាម ដែលមានខួរក្បាល​តូចមួយ ក៏អាចបញ្ឆោត មនុស្សល្ងីល្ងើម្នាក់នេះ បានយ៉ាងងាយដែរ។ នោះគឺដំបូងឡើយ សត្វក្ដាម មិនខ្វល់​នឹង​ការជ្រលរនោះទេ និងបែរជាបើកតង្កៀបរបស់វា កាន់តែធំឡើង។

មិនខុសពីការគ្រោងទុក របស់ក្ដាមឡើយ ព្រោះនៅលើកនេះ បុរសនេះ មិនត្រឹមតែយកអណ្ដា មកដាក់ជ្រលរទេ តែបានដាក់ចូល ទៅចន្លោះតង្កៀបទាំងសងខាង ហើយបង្កឱកាស ដល់សត្វក្ដាម ឲ្យទំលាក់តង្កៀបរបស់វា គ្រិប... លើកក្រោយៗ សុំឲ្យរាងចាល!