Posts in ‘សម្រាំងកំសាន្ដ’ Category

ច្បាស់ហើយ! នាង ឯក សុជាតា ហៅកញ្ញា សាសា បានថ្លែងព្រមានទៅសួរ«សុខទុក្ខ» អ្នកសារព័ត៌មាន ដល់​ការិយាល័យតែម្ដង នៅថ្ងៃទី៥ ខែកក្កដានេះ បន្ទាប់ពីនាងវិលត្រឡប់ ពីរាជធានីបាងកក មកដល់​រាជធានីភ្នំពេញ​វិញ។ នៅលើគណនីហ្វេសប៊ុករបស់នាង មានសរសេរថា៖ «ចាំស្អែក ខ្ញុំនឹងត្រលប់ទៅភ្នំពេញ ហេីយ​ជិះឡាន​ទៅសួរសុខទុក្ខ បងអ្នកការសែត នៅមុខកម្ពុជាថ្មីតែម្តង! ព្រោះឥឡូវនេះ នាងខ្ញុំនៅទីក្រុងបាងកក!»

អតីតតារាទូរទស្សន៍ ដែលបានល្បីដល់កំពូល រហូតដល់ឆាកអន្តរជាតិ ដោយសារអ្នកសារព័ត៌មាន នៅក្នុង​សំនុំ​រឿងវាយតប់ ជាមួយលោកឧកញ៉ា សុខ ប៊ុន នោះ ដូចជាមានអាការៈ មិនសប្បាយចិត្ត នឹងអ្នកសារព័ត៌មាន មួយចំនួននោះឡើយ។ ក្ដៅពើតផ្សារ ឱរ៉ាឆេះឈួល ព្រោះមិនសុខចិត្តនឹងដំណឹង ដែលនិយាយ ពីគ្រោះថ្នាក់​ចរាចរណ៍​មួយ នៅក្រុងបាត់ដំបង ហើយដែលត្រូវបានអ្នកសារព័ត៌មាន រាយការណ៍ថា ជនបង្ក​ជិះឡាន​ទំនើប​នោះ ជា​រូប​នាងផ្ទាល់តែម្ដង។

រូបថតទាំងនេះ ត្រូវបានថត និងបង្ហោះ នាវេលារសៀល ថ្ងៃទី៣១ ខែកក្កដា ចេញពីស្ពានមិត្តភាព​កម្ពុជា-ចិន​តាខ្មៅ ស្ថិតនៅសង្កាត់តាខ្មៅ ក្រុងតាខ្មៅ ខេត្តកណ្តាល។ នៅក្នុងរូប គេឃើញលោក ហ៊ុន សែន កៀកស្មារ ជា​មួយនឹងអ្នកស្រី ប៊ុន រ៉ានី ភរិយារបស់លោក ហើយយកទូរស័ព្ទដៃ មកថតរូប ដោយខ្លួនលោកផ្ទាល់។

កាយវិការរបស់លោក ហ៊ុន សែន បានធ្វើឡើង បន្ទាប់ពីលោក បានអញ្ជើញចូលរួម នៅក្នុងពិធីប្រគេន​ទៀន​ព្រះវស្សា នៅវត្តចំពុះក្អែក កាលពីរសៀលថ្ងៃដដែល។ ក្បួនរថយន្ដរបស់លោក បានឆ្លងកាត់ទីនោះ និងបាន​ឈប់ ដើម្បីអនុញ្ញាត​ឲ្យលោក​បានទស្សនា គយគន់ នូវសំណង់ស្ពានថ្មីមួយនេះ ដែលលោកផ្ទាល់ គ្រោងនឹង​សម្ពោធ ដាក់ឲ្យប្រើប្រាស់ជាផ្លូវការ នៅថ្ងៃទី៣ ខែសីហា ឆ្នាំ២០១៥ ខាងមុខ។

ស្ពានឈ្មោះ ស្ពានមិត្តភាព កម្ពុជា-ចិនតាខ្មៅ នេះ ជាស្ពានឆ្លងកាត់ទន្លេបាសាក់ មានប្រវែង៨៥៥ម៉ែត្រ ស្ថិត​ក្នុង​ភូមិព្រែកសំរោង១ សង្កាត់តាខ្មៅ ក្រុងតាខ្មៅ ឆ្លងទៅត្រើយខាងកើត [...]

រូបភាពនេះ ត្រូវបានសារព័ត៌មានអង់គ្លេស «Daily Mail» ចាប់អារម្មណ៍ ហើយយកមកផ្សាយបន្ត កាលពីថ្ងៃ​ព្រហស្បត្តិ៍​សប្ដាហ៍មុន។ ស្ត្រីតំណាងរាស្ត្រឈ្មោះ Victoria Donda Perez របស់ប្រទេសអាហ្សង់ទីន កំពុងធ្វើ​ឲ្យគេឯងស្គាល់នាង ពេញមួយផែនដី ដោយកាយវិការមួយរបស់នាង៖ នោះគឺនាងបានបំបៅដោះធម្មជាតិ របស់នាង ឲ្យកូនខ្ចីទើបនឹងកើត របស់នាង។

សកម្មភាពនេះ មិនមែនជាការចៃដន្យនោះទេ តែអាចជាបំណង ដ៏ច្បាស់លាស់មួយ។ មិនត្រឹមតែជា​តំណាង​រាស្ត្រទេ អ្នកម្ដាយវ័យ ៣៨ឆ្នាំរូបនេះ ជាមេធាវីមួយរូប និងថែមទាំងជាសកម្មជនម្នាក់ របស់អង្គការឃ្លាំ​មើល​សិទ្ធិ​មនុស្ស (Human Rights Watch) នោះផង។ អ្នកស្រី Victoria Donda Perez ជាតំណាងរាស្ត្រភេទស្រី ដែល​ក្មេងជាងគេ រាប់ចាប់តាំង ពីចុងឆ្នាំ២០០៧មក នៅក្នុងរដ្ឋសភាជាតិ នៃប្រទេសអាហ្សង់ទីន។

ការយកកូនខ្ចី មកធ្វើការជាមួយ របៀបនេះ មិនមែនជាលើកទីមួយទេ នៅក្នុងពិភពលោក។ គេនៅចាំបានថា ស្ត្រីតំណាងរាស្ត្រអ៊ឺរ៉ុប [...]

តើការលាបពណ៌ ដោយគ្មានមូលដ្ឋាន ទៅលើនរណាម្នាក់ថា ជា«យួន» នឹងផ្ដល់មកឲ្យអ្នកលាបពណ៌គេនោះ នូវ​វីរៈភាព ឬស្មារតីស្នេហាជាតិឬ? សម្រាប់«មហាបុរស»ម្នាក់នេះ កំពុងបញ្ចេញក្បាច់គុន ខាង«លាបពណ៌» ដល់​កំពូលរបស់ខ្លួន ដើម្បីលាបពណ៌ មកលើអ្នកសារព័ត៌មានមួយរូប របស់ទស្សនាវដ្ដីមនោរម្យ.អាំងហ្វូ ដោយ​បាន​ហៅអ្នកយកព័ត៌មាន របស់ទស្សនាវដ្ដី ថាជា«ទាហានយួន» យកប្រពន្ធខ្មែរ ហើយដើរយកព័ត៌មាន។

មហាបុរសម្នាក់នេះ ធ្លាប់ត្រូវបានមហាបុរស ក្នុងពិភពហ្វេសប៊ុកម្នាក់ទៀត សរសេរ«ជេរម្រាយ»យ៉ាងចាស់ដៃ ក្នុងពេលកន្លងមក ដោយមូលហេតុធំៗពីរ៖ ពូកែបំផ្លើស និងពូកែខាងដើរលាបពណ៌គេឯង នៅលើបណ្ដាញ​សង្គម។

» សូមអានអត្ថបទ ដែលទាក់ទងឡើងវិញ ដោយចុចនៅលើទីនេះ។

ឥឡូវនេះ មហាបុរសហ្វេសប៊ុកឈ្មោះ ឆាំ ឆានី ដែលតែងតែដើរយកព័ត៌មាន និងរូបភាពពីគេ (មិនដែល​ថត​ផ្ទាល់) [...]