អាមេរិក៖ ស្ត្រីម្នាក់បើកបរ ជាមួយនឹង«ទីទុយ» ជាប់ក្នុងឃ្លុបឡានខាងមុខ (វីដេអូ)
កូណេ វីលៀវ (Coney Williaws) ស្ត្រីដែលជាអ្នកកាន់ចង្កូតរថយន្ដម្នាក់ នៅក្រុងផ្លេនតាសិន (Plantation) ក្នុងរដ្ឋផ្ល័រីដ (Floride) នោះ បានរកឃើញ«អ្នកដំណើរមិនបានអញ្ជើញម្នាក់» នៅក្នុងរថយន្តរបស់នាង៖ សត្វទីទុយ ជាប់នៅក្នុងឃ្លុបខាងមុខនៃរថយន្ដរបស់នាង។
សត្វទីទុយ ជាប់នៅក្នុងឃ្លុប សម្លឹងមើលមកក្រៅ តាមសំណាញ់របាំងរថយន្ដខាងមុខ។ រូបចម្លងពីអេក្រង់វីដេអូ។
ស្ត្រីអ្នកកាន់ចង្កូតនេះ បើករថយន្ដធុន ៤X៤ របស់នាង ទៅកាន់ក្រុងផ្លេនតាសិន ក្នុងរដ្ឋផ្ល័រីដ។ ពេលនោះជាពេលយប់ ដែលងងឹកមើលអ្វីមិនឃើញ ហើយនាងបានជួបបុកនឹងសត្វអ្វីមួយ ដែលនាងបានគិតថា គ្រាន់តែជាសត្វស្លាបតូចមួយប៉ុណ្ណោះ។ ដោយហេតុនេះហើយ ទើបកូណេបានជ្រើសរើស ការបន្តដំណើររហូតដល់ទិសដៅ ហើយបានចតរថយន្ដរបស់នាង ទៅក្នុងចំណតរថយន្ដ ដោយមិនចាប់អារម្មណ៍ [...]
