Posts in ‘ពិភពលោក’ Category

លទ្ធផលជា​បណ្ដោះអាសន្ន ដែលទទួលបាន នៅយប់ថ្ងៃអាទិត្យនេះ បានខុសពីការស្ទង់មតិ ក្នុងពេលកន្លងមក។ លោក វ្លាឌីមៀរ ពូទីន (Vladimir Poutine) ប្រធានាធិបតីផុតអាណត្តិ នៃប្រទេសរ៉ុស្ស៊ី បានឈប់ឆ្នោតជាថ្មីទៀត ដើម្បីបន្តដឹកនាំប្រទេសមហាអំណាចមួយនេះ បន្ទាប់ពីលោកបាននៅក្នុងតំណែង អស់រយៈពេល១៨ឆ្នាំកន្លងមកហើយ (បីអាណត្តិ)។

ក្នុងល្ងាចថ្ងៃអាទិត្យនេះ បន្ទាប់ពីបានបិទទ្វាការិយាល័យបោះឆ្នោតចុងក្រោយ ដែលស្ថិតនៅភាគខាងលិចបំផុត នៃទឹកដីរ៉ូស្ស៊ី ដែលស្ថិតកណ្ដាលទ្វីបអ៊ឺរ៉ុប (ឧបទ្វីប "Kaliningrad" ជាប់ប្រទេសប៉ូឡូញ) ការស្ទង់មតិ នៃការរាប់សន្លឹកឆ្នោត បានបង្ហាញនូវតួលេខដំបូងថា លោក ពូទីន ទទួលបានសម្លេងឆ្នោត គិតជាភាគរយ ៧៣,៩% ច្រើនជាងសម្លេងឆ្នោត កាលពីឆ្នាំ២០១២ ដែលលោកទទួលបាន ត្រឹមតែ ៦៣,៦%។

ប៉ុន្តែរបាយការណ៍​ នៃការស្ទង់មតិចុងក្រោយ ដែលចេញផ្សាយនៅមុននេះបន្តិច បានតំឡើងតួលេខ នៃសម្លេងឆ្នោត​គាំទ្រលោក ពូទីន រហូតដល់ ៧៦%។ [...]

ក្រុមហ៊ុន «MCM Construction» ដែលចូលរួមសាងសង់ស្ពាននោះ បានអះអាង នៅលើទំព័រហ្វេសប៊ុករបស់ខ្លួនថា យ៉ាងហោចណាស់ មនុស្សម្នាក់ បានស្លាប់បាត់បង់ជីវិត និងច្រើននាក់ផ្សេងទៀត បានរងរបួស។ ក្រុមហ៊ុននេះ ជាក្រុមហ៊ុនមួយ ពីក្នុងចំណោមក្រុមហ៊ុនពីរ «MCM Construction» និង«FIGG Bridge Design» ដែលបានរួមគ្នា សាងសង់ស្ពាន សម្រាប់អ្នកថ្មើរជើង ដែលភ្ជាប់ទៅកាន់ផ្លូវចូល នៃសាកលវិទ្យាល័យអន្តរជាតិ ផ្លរីដា (FIU) នៃក្រុងមីអាមី។

បើតាមរូបភាពវីដេអូ ដែលត្រូវបានផ្សាយ នៅតាមកញ្ចក់ទូរទស្សន៍ និងនៅលើបណ្ដាញសង្គម គេឃើញរថយន្ដជាច្រើនគ្រឿង ត្រូវបានបំណែកបេតុងរបស់ស្ពាន ធ្លាក់សង្កត់ពីលើ។ រថយន្ដស្ទូចដ៏ធំមួយ រួមជាមួយនឹងរថយន្ដជួយសង្គ្រោះជាច្រើន ត្រូវបានបញ្ជូនទៅដល់កន្លែង ដើម្បីលើកបំណែកបេតុង និងជួយសង្គ្រោះជនរងគ្រោះ។

THE FIU BRIDGE COLLAPSED OH MY GOD

«នៅថ្ងៃពុធនេះ ខ្ញុំបានប្រគល់លិខិតលាលែងពីតំណែងរបស់ខ្ញុំ ជូនទៅលោកប្រធានាធិបតី នៃសាធារណរដ្ឋស្លូវ៉ាគីហើយ» នេះ ជាការអះអាងឡើងរបស់លោក រ៉ូប៊ែរ ហ្វីកូ (Robert Fico) នាយករដ្ឋមន្ត្រី នៃរដ្ឋាភិបាលស្លូវ៉ាគី។ លោកបន្តថា៖ «ប្រសិនជាលោកប្រធានាធិបតីយល់ព្រម ចំពោះការស្នើសុំលាលែងរបស់ខ្ញុំ ៗបានត្រៀមខ្លួនរួចជាស្រេច ក្នុងការចាកចេញពីតំណែង នៅថ្ងៃព្រហស្បត្តិ៍ស្អែក»។

ប្រមុខរដ្ឋាភិបាល អាយុ៥៣ឆ្នាំ នៃប្រទេសអ៊ឺរ៉ុបខាងកើតមួយនេះ បានប្រកាសពីដំណឹងខាងលើ នៅចំពោះបណ្ដាប្រធានគណបក្ស ដែលបានចងជាសម្ព័ន្ធភាព ដើម្បីបង្កើតរដ្ឋាភិបាលមួយឡើង បន្ទាប់ពីលោកបានចេញ ពីជំនួបជាមួយប្រធានាធិបតីស្លូវ៉ាគី លោក អង់ឌ្រេច គីស្កា (Andrej Kiska)។

បើតាមលោក ហ្វីកូ បានពន្យល់ឲ្យដឹងថា ប្រទេសស្លូវ៉ាគី អាចនឹងធ្លាក់ទៅក្នុងភាពវឹកវរផ្នែកនយោបាយ ប្រសិនជាក្រុមមនុស្ស មកពីបក្សប្រឆាំងសព្វថ្ងៃ ឡើងកាន់អំណាច។ [...]

នៅខណៈពេលដែលប្រទេេសរ៉ូស្ស៊ី បានត្រៀមខ្លួនរួចជាស្រេច ដើម្បីធ្វើកិច្ចសហការនោះ ស្រាប់តែ«រដ្ឋាភិបាលអង់គ្លេស បានជ្រើសយក​ការប្រឈមមុខ ទល់នឹងប្រទេសរ៉ូស្ស៊ីទៅវិញ»។ នេះ ជាការលើកឡើង របស់ក្រសួងការបរទេសរ៉ូស្ស៊ី នៅក្នុងសេចក្ដីប្រកាសព័ត៌មានមួយ ដែលចេញផ្សាយនៅល្ងាចថ្ងៃពុធនេះ ប៉ុន្មានម៉ោងក្រោយការសម្រេច របស់រដ្ឋាភិបាលក្រុងឡុង ក្នុងការដាក់ទណ្ឌកម្ម ប្រឆាំងប្រទេសរ៉ូស្ស៊ី។

ក្រសួងការបរទេសរ៉ូស្ស៊ី បានវាយតម្លៃ ការដាក់ទណ្ឌកម្ម ពីសំណាក់រដ្ឋាភិបាលអង់គ្លេស ថាជា«ការបង្ករឿងដ៏គ្រោកគ្រាត មិនដែលធ្លាប់មានពីមុន» ជា«ចំណាត់ការអមិត្ត» និងជា«យុទ្ធនាការប្រឆាំងរ៉ូស្ស៊ី»។ សេចក្ដីប្រកាសព័ត៌មាននោះ បានបន្តថា៖ «វាគ្មានអ្វីអល់អែកទេ ចំណាត់ការរបស់យើង ក្នុងការតបតរទៅវិញ នឹងកើតមានដោយមិនរង់ចាំយូរឡើយ»។

កាលពីរសៀលថ្ងៃពុធ អ្នកស្រី ថេរីសា មេ (Theresa May) នាយករដ្ឋមន្ត្រីអង់គ្លេស បានប្រកាស [...]

«ពីពេលនេះតទៅ គាត់នឹងក្លាយជាប្រធានាធិបតី រហូតមួយជីវិតហើយ គឺប្រធានាធិបតីមួយជីវិត... ហើយគាត់ជាមនុស្សអស្ចារ្យណាស់!» នេះ ជាសំដីរបស់លោក ដូណាល់ ត្រាំ (Donald Trump) ដែលបានធ្វើឡើង ជាលក្ខណៈឯកជន សំដៅទៅលោក ស៊ី ជីងពីង (Xi Jinping) ប្រធានាធិបតីចិន។ ខ្សែអាត់ថតសម្លេងនេះ ត្រូវបានបណ្ដាញទូរទស្សន៍ «CNN» របស់អាមេរិកទទួលបាន ហើយយកមកផ្សាយផ្សាយ ជាសាធារណៈ កាលពីម្សិលម៉ិញ។

លោក ដូណាល់ ត្រាំ បានថ្លែងដូច្នេះ នៅចំពោះក្រុមសប្បុរសជន របស់គណបក្សសាធារណរដ្ឋ នៅក្នុងភូមិគ្រឹះរបស់លោក នាក្រុងឆ្នេរសមុទ្រ «Mar-a-Lago» ស្ថិតនៅខាងកើតរដ្ឋ ផ្លរីដា សហរដ្ឋអាមេរិក។ ប្រធានាធិបតីអាមេរិក បានថ្លែងបន្តថា៖ «ចូរសម្លឹងមើលមើល៍! គាត់មានសមត្ថភាព អាចធ្វើដូច្នេះបាន ខ្ញុំគិតថាវាជារឿងល្អណាស់! ប្រហែលជាយើងគួរសាកល្បង ធ្វើអញ្ចឹង នៅថ្ងៃណាមួយ»។

ការថ្លែងឡើង របស់ប្រធានាធិបតីអាមេរិកខាងលើនេះ [...]