Posts in ‘អាស៊ីប៉ាស៊ីភិក’ Category

អ្នកទទួលខុសត្រូវមួយរូបបានថ្លែងឲ្យដឹងថា យន្ដហោះមួយគ្រឿង របស់ក្រុមហ៊ុន ឡាយអន អ៊ែរ (Lion Air) របស់ប្រទេស​ឥណ្ឌូនេស៊ី បានហោះទៅបុក«គោ»មួយក្បាល ដែលឈរនៅលើផ្លូវឈប់សំចតរបស់យន្ដហោះ នៅព្រលានយន្ដហោះ​មួយផ្នែកខាងលិចនៃប្រទេស។

យន្ដហោះឡាយអនអ៊ែរ ដែលចុះចតទៅបុកសត្វគោ។ (រូបថត Antara/Adiwinata Solihin)

អ្នកដំណើរ១១៧នាក់ ដែលនៅលើយន្ដហោះប្រភេទ ប៊ូអ៊ីញ ៧៣៧-៨០០ នេះ មិនមាននរណាម្នាក់រងរបួសនោះទេ បើ​ទោះជាគ្រោះថ្នាក់បង្កការខូចខាតយន្ដហោះខ្លះៗក៏ដោយ ។ ជើងហោះហើរប្រមាណជា ១០០ផ្សេងទៀត ត្រូវបានលប់​ចោល ធ្វើឲ្យអ្នកដំណើរច្រើនរយនាក់ផ្សេងទៀត ជាប់គាំងធ្វើដំណើរទៅណាមិនរួច សម្រាប់បុណ្យឈប់សម្រាក​សាសនា​មួយ។

គ្រោះថ្នាក់បានកើតឡើងនៅយប់ថ្ងៃអង្គារ នៅពេលដែលយន្ដហោះព្យាយាមចុះចត នៅព្រលានយន្ដហោះ [...]

កុមារជាច្រើនសិបនាក់ នៅក្នុងភូមិមួយក្នុងប្រទេសឥណ្ឌា បានពុលអាហារដែលផ្ដល់ជូនដោយឥតគិតថ្លៃ នៅសាលា​របស់ពួកគេ។ មួយចំនួនពីចំណោមនោះ បានរងគ្រោះស្លាប់បាត់បង់ជីវិត។ ការពុលនេះ ទំនងបណ្ដាលមកពីថ្នាំ ដាក់​សម្រាប់សម្លាប់សត្វល្អិត។

ភាពសោកសង្រេងរបស់ឪពុកម្ដាយនៃកុមាររងគ្រោះ។ (រូបថត AFP PHOTOSTR/AFP/Getty Images)

ភាពសប្បាយរីករាយ សំណើចក្អាកក្អាយនៃកុមារទាំងនោះកាលពីម្សិលម៉ិញ តែបានក្លាយជាទុក្ខហូហៀរជាទឹកភ្នែក សម្រាប់ក្រុមគ្រួសារនៅថ្ងៃនេះ។

នៅថ្ងៃពុធទី១៧ខែកក្កដានេះ កុមារជាង២០នាក់ពីក្នុងភូមិដ៏តូចមួយផ្នែកខាងជើងនៃប្រទេសឥណ្ឌា បានពុលចំណីអាហារ ដែលពួកគេបានទទួលទានមិនឆ្ងាយប៉ុន្មានពីសាលរៀន។ កុមារទាំងនោះមានអាយុប្រមាណជា៤ទៅដល់១០ឆ្នាំ [...]

ខ្យល់ព្យុះដ៏កំណាចមួយ បានបោកបក់ទៅលើផ្នែកខាងជើងនៃកោះតៃវ៉ាន់ នៅថ្ងៃសៅរ៍ទី១៣ខែកក្កដានេះ ធ្វើឲ្យមាន​មនុស្ស​ម្នាក់ស្លាប់យ៉ាងហោចណាស់ម្នាក់ និងមនុស្សជាច្រើនរយពាន់នាក់ ត្រូវបានជម្លៀសចេញពីតំបន់នៅជាប់នឹងមហាសមុទ្រ។ ខ្យល់ព្យុះបានបន្តដំណើររបស់ខ្លួន ទៅកាន់ផ្នែកអាគ្នេយ៍នៃប្រទេសចិនជាបន្តទៀត នៅរសៀលថ្ងៃដដែល។

ដើមឈើបាក់រលំលើរថយន្ដ និងការខូតខាតដទៃៗទៀតជាច្រើន នៅតៃវ៉ាន់។ (រូបថត MARK RALSTON. AFP)

ខ្យល់ព្យុះដែលមានឈ្មោះថា ស៊ូលីក (Soulik) បានបង្កឲ្យមានបញ្ហាដឹកជញ្ជូន និងការផ្លាស់ប្ដូរពាណិជ្ជកម្ម នៅកោះទាំង​មូល។ ក្រុមអ្នកជួយសង្គ្រោះបានរាយបណ្ដាក់គ្នានៅជុំវិញទីក្រុងតៃប៊ិ និងតំបន់ជាយក្រុង ដើម្បីតភ្ជាប់ចរន្ដអគ្គិសនី សម្រាប់​បណ្ដាជនជាង៥២០ពាន់នាក់ ដែលបានរស់នៅក្នុងភាពងងឹតកាលពីយប់កន្លងមក [...]

ក្រុមបំបែកខ្លួនចេញពីពួកឧទ្ទាមនិយមឥស្លាម បានបើកការវាយប្រហារប្រឆាំង នឹងងកងទ័ពហ្វីលីពិន នៅផ្នែកខាងត្បូងនៃ​ប្រទេស ធ្វើឲ្យមានការផ្ទុះអាវុធយ៉ាងខ្លាំងក្លា ដែលបណ្ដាលឲ្យមានទាហានហ្វីលីពីនប្រាំនាក់ និងពួកបំបែកខ្លួនជាច្រើន​នាក់ផ្សេងទៀតស្លាប់។ ក្រុមបំបែកខ្លួននេះ ជាក្រុមមួយដែលចង់រំខានការចរចាទាំងឡាយ ដែលកំពុងមានដំណើរការ រវាង​ក្រុមឧទ្ទាមនិយមឥស្លាម និងរដ្ឋាភិបាលហ្វីលីពីន។

ក្រុមឧទ្ទាមនិយមឥស្លាម នៅប្រទេសហ្វីលីពីន។ (រូបថត TED ALJIBE, ARCHIVES AFP)

ការវាយប្រយុទ្ធគ្នា មានរយៈពេលពេញមួយថ្ងៃសៅរ៍ទី០៦ខែកក្កដា រវាងសមាជិកនៃក្រុមសកម្មប្រយុទ្ធសម្រាប់សេរីភាព បាងស៊ាំម៉ូរ៉ូ (Bangsamoro - BIFF) នៅក្នុងតំបន់ជាយភូមិ ដាទូ ពីយ៉ាង (Datu Piang) នៃខេត្តម៉ាហ្គិនដាណាវ [...]

ការដាក់បំផ្ទុះដ៏ខ្លាំងមួយ បានវាយបំផ្លាញវត្តពុទ្ធសាសនាចំនួន៣ ក្នុងតំបន់ផ្នែកខាងកើតនៃប្រទេសឥណ្ឌា នៅថ្ងៃអាទិត្យ​ទី៧ខែកក្កដានេះ ធ្វើឲ្យព្រះសង្ឃពីរអង្គរងរបួស។ ព្រឹត្តិការណ៍នេះ បានបង្កឲ្យមានការខឹងក្រេវក្រោកយ៉ាងខ្លាំង ពីសំណាក់​នាយករដ្ឋមន្ត្រីឥណ្ឌា។

បំណែកបែកបាក់ នៅពីមុខព្រះវិហារ នៅក្រោយការបំផ្ទុះនោះ។ (រូបថត Reuters)

អាជ្ញាធរនគរបាល បានថ្លែងឲ្យដឹងថា ចំរឹងដែកនៃព្រះវិហារ មហាពុទ្ធិ (Mahabodhi) ដែលជាព្រះវិហារមួយ​ក្នុងចំណោម​ព្រះវិហារពីរ ត្រូវបានទទួលការវាយប្រហារ នៅខេត្តប៊ូហ្គាយ៉ា (Bodhgaya) ក្នុងរដ្ឋប៊ីហារ ធ្វើឲ្យមានការខូតខាតជាដំណំ។

រដ្ឋមន្ត្រីក្រសួងមហាផ្ទៃឥណ្ឌា បានអះអាងថាការវាយប្រហារទាំងនេះ មិនទាន់ត្រូវបានទទួលស្គាល់​ដោយក្រុមណាមួយ​នៅឡើយ [...]