Posts in ‘អាស៊ីប៉ាស៊ីភិក’ Category

មនុស្សពីរនាក់ បានស្លាប់ នៅថ្ងៃសុក្រ ទី០១ ខែមេសានេះ បន្ទាប់ពីបានឡើងជិះ ទោងបង្វិលខ្លួន ដែលជាម៉ាស៊ីនកំសាន្ដ ធ្វើឲ្យអារម្មណ៍រំភើប ក្នុងទីក្រុង វេនហ្សូ នៅឆ្នេរភាគខាងកើត នៃប្រទេសចិន។ សាក្សីនៅផ្ទាល់កន្លែង បានថ្លែងបញ្ជាក់ថា ជនរងគ្រោះទាំងនេះ បានធ្លាក់ពីកំពស់ទោង ប្រមាណជា២០ម៉ែត្រ នៅពេលដែលម៉ាស៊ីន «Crazy Scream» សម្រាប់​ជិះ​កំសាន្ដ​នេះ បានផ្ដើមដំណើរការដំបូង។

សាក្សីត្រូវបានស្រង់សម្ដី ដោយសារព័ត៌មាន «shanghaiist» មកបញ្ជាក់ទៀតថា មានមនុស្សជាច្រើននាក់ បានស្រែកទៅ​អ្នកកាន់ម៉ាស៊ីន កុំទាន់ឲ្យដំណើរការទោងបង្វិលនោះ ដោយហេតុថា គេគួរទុកពេល ឲ្យអ្នកជិះបានពាក់ខ្សែរក្រវ៉ាត់ ឬរបាំង​ការពារសិន។ ហេតុការណ៍នេះ ក៏បានធ្វើឲ្យមនុស្ស៣នាក់ផ្សេងទៀត រងរបួសដែរ។ សាក្សីបានបញ្ជាក់បន្ថែមថា មនុស្ស​បី​នាក់ បានធ្លាក់ពីកន្លែងអង្គុយរបស់ពួកគេ នៅពេលម៉ាស៊ីន បានបញ្ជូនពួកគេទៅដល់លើ ខណៈពីរនាក់ទៀត ត្រូវបានដែក​ធ្ងន់ៗ​ជាច្រើន [...]

ព្រះធរណី បានខ្ញាល់រង្គើឡើងយ៉ាងខ្លាំង នៅព្រឹកថ្ងៃសៅរ៍ ក្នុងរាជធានី កាតាម៉ាឌូ នៃសាធារណរដ្ឋសហព័ន្ធ នេប៉ាល់។ កម្លាំង​នៃភាពរញ្ជួយ ដែលមានកម្លាំងរហូតដល់ ៧,៩ ហិចទ័រ មិនត្រឹមតែអង្រួនប្រជាជននេប៉ាល់ ជាច្រើនលាននាក់នោះ​ទេ ប៉ុន្តែ​នៅ​មាន​ប្រជាជន នៅភាគខាងជើង នៃប្រទេសឥណ្ឌា ជាច្រើនទៀត ក៏ទទួលឥទ្ធិពល ពីការរញ្ជួយនេះដែរ។

សារព័ត៌មាន «The Hindustan Times» បានស្រង់សម្ដីសាក្សី ដែលរស់នៅក្នុងរដ្ឋធានី កាតាម៉ាឌូ មកសរសេរថា៖ «មនុស្ស​ម្នា បានលោតតាមរានហាល ដើម្បីគេចចេញពីការរលំ នៃអាគារដែលពួកគេរស់នៅ។ ពេលនោះ គឺជាការជ្រួល​ច្របល់ ដ៏ខ្លាំងក្លាបំផុតហើយ។» រីឯសារព័ត៌មានមួយ «Livemint» ក្នុងប្រទេសឥណ្ឌា ក៏បានចុះផ្សាយដែរថា៖ «ភាព​រំជួល បាន​លាតសន្ធឹង មកដល់រដ្ឋធានី ញ៉ូដេល្លី របស់ឥណ្ឌា»។

រហូតមកដល់ ព្រឹកថ្ងៃអាទិត្យ ទី២៦ ខេមេសានេះ (ពេលវេលាក្នុងប្រទេសនេប៉ាល់) តុល្យភាព ដែលមានលក្ខណៈ ជា​បណ្ដោះ​អាសន្ននៅឡើយ [...]

ភ្លុកដំរីដែលមានចំនួន ៧៣៩ ត្រូវបានរឹបអូស ដោយអាជ្ញាធរថៃ កាលពីថ្ងៃសៅរ៍ ខណៈពេលដែលភ្លុកដំរីទាំងនេះ មក​ដល់កំពង់ផែ នៃរាជធានីបាងកក ហើយត្រៀមបំរុង ឆ្លងកាត់ទៅប្រទេសឡាវ។ អាជ្ញាធរគយរបស់ប្រទេសថៃ បាន​បញ្ជាក់​ថា នេះជាការរឹបអូស ភ្លុកដំរី ដែលមានចំនួនច្រើន ជាងពេលណាទាំងអស់ នៅក្នុងប្រវត្តិសាស្ត្រ។

នាវាដែលដឹកភ្លុកដំរីទាំងនោះ បានចេញពីប្រទេសកុងហ្គោ កាលពីខែកុម្ភះ ហើយបានឆ្លងកាត់ប្រទេសម៉ាឡេស៊ី មុននឹង​មកដល់ប្រទេសថៃ។

ថៃជាទិសដៅមួយ ក្នុងចំណោមទិសដៅ ដ៏សំខាន់ផ្សេងទៀត នៃការរត់ពន្ធភ្លុកដំវី ឬផលិតផលស្នែងមានតម្លៃ ពីទ្វីប​អាហ្វ្រិក ទៅកាន់ទ្វីបអាស៊ី។ ប្រទេសនេះ អាចនឹងរងការដាក់ទណ្ឌកម្ម ប្រសិនបើមិនបាន បង្ហាញឲ្យឃើញ ពីការខិតខំ​ប្រឹងប្រែង ឬការរីចម្រើនទៅមុខ ក្នុងការប្រឆាំងការជួញដូរ ផលិតផលស្នែង ឬភ្លុកដូច្នេះទេ។

ភ្លុកដំវី ដ៏សន្ធឹកសន្ទាប់ ទាំងជាង៤តោន ដែលមានតម្លៃស្មើនឹង ៦លានដុល្លា ទំនងជានឹងត្រូវបែងចែក [...]

ប្រសិនបើ ជនភៀសខ្លួនបានធ្វើចំណាកស្រុក អ្នកទាំងនោះ សុទ្ធតែចង់ស្វែង រកលក្ខខ័ណ្ឌជីវិតដ៏ល្អ នៅប្រទេស​ណា​មួយ ដែលរីកចម្រើន ឬប្រសើរជាប្រទេសកំណើតខ្លួន។ ប៉ុន្តែសម្រាប់ប្រទេសអូស្ត្រាលី ដែលល្បីល្បាញ ខាងការ​គោរព​សិទ្ធិមនុស្ស និងសម្បូរទៅដោយជនភៀសខ្លួន ទៅសុំការជ្រកកោននោះ មិនបានគិតដូច្នោះទេ។ តែផ្ទុយទៅវិញ ប្រទេស​ដែលរីកចម្រើនមួយនេះ បានបញ្ជូនជនភៀសខ្លួនទាំងនោះ ឲ្យមកចាប់ផ្ដើមជីវភាពថ្មី (អ្វីក៏ថ្មី) នៅក្នុងប្រទេសកម្ពុជា ដែល​ល្បីល្បាញ ខាងការរំលោភសិទ្ធិមនុស្ស និងជាប្រទេស ដែលក្រីក្រជាងគេ នៅក្នុងតំបន់។

ហើយដើម្បីបញ្ចុះបញ្ចូល ជនភៀសខ្លួនទាំងនោះ ឲ្យមកតាំងទីលំនៅ«ថ្មី» នៅក្នុងប្រទេសកម្ពុជា ក្រសួងអន្តោរប្រវេសន៍​របស់ប្រទេសអូស្ត្រាលី មានវិធីសាស្ត្រដ៏ពិសេស របស់ខ្លួន។ នេះបើតាមសេចក្ដីរាយការណ៍ របស់បណ្ដាញវិទ្យុ និង​ទូរទស្សន៍ អេប៊ីស៊ី (ABC) របស់ប្រទេសអូស្ត្រាលី ដាកផ្សាយនៅលើគេហទំព័ររបស់ខ្លួន។ នៅក្នុងចំណោមវិធីសាស្ត្រ [...]