ក្រុមប្រទេសជាប់ទន្លេមេគង្គ គ្រោងបង្កើត ទិដ្ឋាការទេសចរណ៍រួមមួយ
ប្រទេសទាំង៤ ក្នុងតំបន់អាស៊ីអាគ្នេយ៍ បានគ្រោងបង្កើតទិដ្ឋាការរួមមួយសំរាប់តំបន់ ក្នុងគោលបំណងទាក់ទាញ ចំនួនភ្ញៀវ ទេសចរអន្តរជាតិអោយបានកាន់តែច្រើន។
ផែនទីទន្លេមេគង្គ និងប្រទេសដែលនៅជុំវិញ។ រូបភាព AP។
នៅក្នុងសន្និសិតមួយដែលបានធ្វើឡើងនៅទីក្រុង ហូជីមីង កាលពីចុងសប្តាហ៍នេះ ក្រុមមន្ត្រីនៃក្រសួងទេសចរណ៍ របស់ វៀតណាម កម្ពុជា ឡាវ និងភូមា បានលើកពីការបង្កើតទិដ្ឋាការតែមួយរួមគ្នា សំរាប់ភ្ញៀវទេសចរអន្តរជាតិ ដែលធ្វើដំណើរ កំសាន្ដតាមបណ្ដោយទន្លេមេគង្គ។ ការបង្កើតនេះ មិនមានបំណងអ្វីផ្សេង ក្រៅតែពីចង់សម្រួល និងកាត់បន្ថយ ចំនួននៃ ទិដ្ឋាការក្នុងពេលបច្ចុប្បន្ន ដែលចាំបាច់ត្រូវមាន ដើម្បីឆ្លងកាត់ពីប្រទេសមួយ ទៅប្រទេសមួយទៀត។
[...]
