CNRP ថាកងកម្លាំងប្រដាប់អាវុធ មិនអាចឃោសនាបោះឆ្នោត តែ CPP ស្ថាត់មាត់
ជំនួបជាថ្មី របស់គណបក្សទាំងពីរ ក្នុងការបន្តជជែកពិភាក្សាសេចក្តីព្រាងច្បាប់ ស្តីពីការបោះឆ្នោតជ្រើសតាំងតំណាងរាស្រ្ត ហាក់មានភាពប្រទាំងប្រទើសគ្នា កាន់តែខ្លាំង ព្រោះតែភាព«អវិជ្ជមាន» ច្រើនជាង«វិជ្ជមាន»នៃលទ្ធផលក្រោយជំនួបម្តងៗនោះ។
តំណាងក្រុមការងារនៃគណបក្សសង្គ្រោះជាតិ លោក គួយ ប៊ុនរឿន បានលើកឡើងថា លោកបានស្នើឲ្យគណបក្សប្រជាជនកម្ពុជា ធ្វើការពិចារណាឡើងវិញ ពាក់ព័ន្ធនិងវត្តមាននៃកងកម្លាំងប្រដាប់អាវុធ ដែលអាចចូលរួមក្នុងការឃោសនានោះ។
ការថ្លែងខាងលើរបស់លោក គួយ ប៊ុនរឿន បានធ្វើឡើង នៅក្នុងកិច្ចសម្ភាសជាមួយនឹងក្រុមអ្នកសារព័ត៌មាន កាលពីរសៀលថ្ងៃទី១២ ខែមករា ឆ្នាំ២០១៥ នាវិមានរដ្ឋសភា។ តំណាងគណបក្សប្រឆាំងរូបនេះ បានពន្យល់ថា គណបក្សរបស់លោកមិនជំទាស់ នឹងការចូលរួមនៃកងកម្លាំងទាំងនោះទេ តែយ៉ាងណាត្រូវធ្វើការបែងចែកឲ្យដាច់ពីគ្នា [...]