Posts in ‘កម្ពុជា’ Category

លោក ត្រាំ អ៊ីវតឹក រដ្ឋមន្រ្តីក្រសួងគមនាគមន៍ និងដឹកជញ្ជូន បានថ្លែងឲ្យដឹងថា ផ្លូវទឹកអន្តរជាតិកម្ពុជា-វៀតណាម ដែល​ជា​មធ្យោបាយ ដឹកជញ្ជូនមួយ ដែលមានតម្លៃ«ឈ្នួល»ថោក ជាងការដឹកជញ្ជូនតាមផ្លូវដែក ផ្លូវគោក និងផ្លូវអាកាសនោះ នឹង​ត្រូវបង្កើតឡើងក្នុងឆ្នាំ២០១៥នេះ។

ថ្លែងក្នុងសិក្ខាសាលាមួយ នៅសណ្ឋាគារឡឺរ៉ូយ៉ាល់ ភ្នំពេញ នាព្រឹកថ្ងៃទី៧ ខែឧសភា ឆ្នាំ២០១៥នេះ លោករដ្ឋមន្រ្តីបាន​អះ​អាងទៀតថា ក្រៅពីបង្កើត មធ្យោបាយដឹកជញ្ជូន តាមផ្លូវទឹកកម្ពុជា-វៀតណាមនេះ លោកក៏នៅចង់ ឲ្យការប្រើប្រាស់​«កំពង់​ផែភ្នំពេញ» មានភាពកាន់តែទាក់ទាញ និងប្រើប្រាស់ ការដឹកជញ្ជូនដោយផ្ទាល់ នូវទំនិញពីបរទេស ចូលមកក្នុង​រាជធានី​តែម្តង។

យ៉ាងណា ចំពោះបញ្ហា នៃការបង្កើតផ្លូវទឹកពាណិជ្ជកម្មនេះ ក្រុមការងាររបស់ក្រសួង នៅមិនទាន់សម្រេចថា ត្រូវ​ជ្រើស​រើស​ផ្លូវទឹកណាមួយនៅឡើយ។ លោកត្រាំ អ៊ីវតឹក បានបញ្ជាក់ថា ព្រោះផ្លូវទឹកកម្ពុជាមានពីរ មួយជាផ្លូវទឹក [...]

បន្ទាប់ពីលិខិត ចុះថ្ងៃទី៤ ខែឧសភា របស់រដ្ឋមន្រ្តីការបរទេសកម្ពុជា លោក ហោ ណាំហុង ដែលបានឆ្លើយតប ទៅរដ្ឋសភា​ជាតិ ថាមានពលរដ្ឋកម្ពុជា រំលោភបំពានយកទឹកដីវៀតណាមនោះមក ប្រតិកម្មជាច្រើន បានធ្លាក់ចុះមកជាបន្តបន្ទាប់។ នៅ​ព្រឹកថ្ងៃទៅ៧ ខែឧសភានេះ សហព័ន្ធមួយឈ្មោះ សហព័ន្ធនិស្សិតបញ្ញវន្តកម្ពុជា ដែលមានលោក ម៉ៅ ពិសេស ជា​ប្រធាន បានចេញសេចក្តីថ្លែងការណ៍ ជាបន្ទាន់ ស្នើឲ្យលោកនាយករដ្ឋមន្រ្តី ហ៊ុន សែន ដកតំណែងលោក ហោ ណាំហុង ពីរដ្ឋមន្ត្រីក្រសួងការបរទេស ដោយសហព័ន្ធនេះ បានយល់ឃើញថា លោក ហោ ណាំហុង មិនបានគោរពច្បាប់រដ្ឋធម្មនុញ្ញ និងអសមត្ថភាព ក្នុងការងារ។

ប្រធានសហព័ន្ធនិស្សិតបញ្ញវន្តកម្ពុជា លោក ម៉ៅ ពិសេស បានធ្វើការពន្យល់ ប្រាប់ទស្សនាវដ្តីមនោរម្យ.អាំងហ្វូ ដោយ​លំអិត​លើពាក្យ «មិនគោរពច្បាប់រដ្ឋធម្មនុញ្ញ» និង«អសមត្ថភាព»ក្នុងការងារ ឲ្យដឹងថា ក្នុងនាមជាមន្រ្តីរាជការរបស់រដ្ឋ ជាអ្នកបំរើឲ្យជាតិ និងប្រជាពលរដ្ឋ [...]

កាលពីថ្ងៃទី៥ ខែឧសភា ឆ្នាំ២០១៥ នេះ លោក សាយ ឈុំ សមាជិកគណៈអចិន្ត្រៃយ៍គណបក្សប្រជាជនកម្ពុជា បានដាក់​លិខិត​ណែនាំ​មួយច្បាប់ ទៅកាន់ថ្នាក់ដឹកនាំ គណបក្សប្រជាជនកម្ពុជា តាមខេត្តរាជធានី ក្នុងការចាត់កម្លាំងតាមដាន និង​ឃ្លាំ​មើល តាមដានស្តាប់ និងកត់ត្រា រាល់ការរិះគន់នានា របស់គណបក្សសង្គ្រោះជាតិ នៅតាមមូលដ្ឋាន មកលើគណបក្ស​ប្រជាជនកម្ពុជា ជាពិសេស បានផ្តោតសំខាន់ទៅលើ ការនិយាយរបស់លោក កឹម សុខា អនុប្រធានគណបក្សសង្គ្រោះជាតិ និងជាអនុប្រធានទីមួយនៃរដ្ឋសភា ថាបានបន្តរំលោភ លើវប្បធម៌សន្ទនា នៃគណបក្សទាំងពីរ។

លិខិតដែលទស្សនាវដ្ដីមនោរម្យ.អាំងហ្វូ ទទួលបានមួយច្បាប់ដែរនោះ បានលើកឡើងថា៖ «យោងសភាពការណ៍បច្ចុប្បន្ន ដែលគណបក្សទាំងពីរ (CPP និង CNRP) បាននឹងកំពុងជំរុញអនុវត្តន៍ វប្បធម៌សន្ទនា ឲ្យបានល្អប្រសើរ ដើម្បីប្រយោជន៍​រួម​របស់ជាតិ និងប្រជាជនយើងនោះ ក៏នៅមានថ្នាក់ដឹកនាំ CNRP ខ្លះ ពិសេសឯកឧត្តម កឹមសុខា នៅបន្តវាយប្រហារ [...]