កឹម សុខា៖ ចង់ស្រាយបញ្ហាជាតិធំៗ ទាល់តែយើងកាន់អំណាច
សកម្មជន និងអ្នកគាំទ្រគណបក្សសង្គ្រោះជាតិទាំងអស់ គួរនាំគ្នាងាកមកគិតគួ រឿងរៀបចំការបោះឆ្នោតវិញ ប្រសើរជាងគិតគួរឿងអ្វីផ្សេងទៀត។ នេះជាការថ្លែងឡើង របស់អនុប្រធានគណបក្សសង្គ្រោះជាតិ លោក កឹម សុខា បន្ទាប់ពីលោក បានវិលត្រឡប់មកកម្ពុជាវិញភ្លាមៗ កាលពីថ្ងៃទី៩ ខែកញ្ញានេះ ដើម្បីស្នើទៅកាន់សកម្មជន និងអ្នកគាំទ្រគណបក្សរបស់លោក។ នៅក្នុងភាពប្រញាប់ប្រញាល់ ចូលក្នុងរថយន្ត នាព្រលានយន្ដហោះអន្តរជាតិនោះផង លោក កឹម សុខា បានបង្ហើបទៀតថា នារសៀលថ្ងៃទី០៩ ខែកញ្ញា ឆ្នាំ២០១៥នេះ លោកនឹងចុះសួរសុខទុក្ខ សកម្មជនរបស់ខ្លួន ដែលកំពុងជាប់ពន្ធនាគារព្រៃស។
ក្នុងនាមជាប្រធានគណបក្ស សង្គ្រោះជាតិស្តីទី លោក កឹម សុខា បានបញ្ជាក់ជាសាធារណៈ ប្រាប់អ្នកសារព័ត៌មានថា លោកបានស្នើដល់មន្រ្តី ក្រោមឱវាទទាំងអស់ ឲ្យបញ្ឈប់លើកយកបញ្ហាព្រំដែន បញ្ហាផែនទី ផ្សាភ្ជាប់ជាមួយ នឹងបញ្ហានយោបាយ។ លោកថ្លែងថា បច្ចុប្បន្ននេះ បញ្ហានយោបាយកំពុងតានតឹង [...]