ជួន សុវណ្ណ៖ ជួប សម្លាប់ បានប្រះខ្លួនមកលើមន្ត្រីនគរបាល
ជិតបីសប្ដាហ៍ក្រោយមក ករណីឃាតកម្មបាញ់សម្លាប់លោក កែម ឡី កណ្ដាលបេះដូងព្រះរាជាណាចក្រ នៅតែមិនទាន់ត្រូវបានបំភ្លឺ ឲ្យច្បាស់នៅឡើយ។ អ្នកសារព័ត៌មានទទួលការបង្ហើបបង្ហាញ ដ៏តិចតួចជាទីបំផុត ពីសំណាក់អាជ្ញាធរកម្ពុជា ទាក់ទងនឹងសំនុំរឿង ដ៏កក្រើកពេញផែនដីមួយនេះ ដែលផ្ទុយគ្នាស្រឡះ ពីបណ្ដាប្រទេសមួយចំនួន (ជាឧទាហរណ៍៖ ភេរវកម្មនៅបារាំងកើតឡើងពីថ្ងៃអង្គារ ស្អែកឡើងថ្ងៃពុធ ឬខានស្អែកឡើងថ្ងៃព្រហស្បត្តិ៍ ពលរដ្ឋបារាំងបានដឹងជាបន្តបន្ទាប់ ថាតើភេរវជនជានរណា មានខ្សែបណ្ដាញអ្វីខ្លះ និងបណ្ដាលមកពីមូលហេតុអ្វី។ល។)។
រហូតលុះត្រាមកដល់មានវីដេអូ ទាក់ទងនឹងនឹងកតាមចាប់ជនសង្ស័យ ដែលមានរហស្សនាម ជួប សម្លាប់ ត្រូវបានយកមកបង្ហោះ នៅតាមបណ្ដាញសង្គម ទើបនៅពេលនោះ តំណាងអាជ្ញាធរចាប់ផ្ដើមធ្វើប្រតិកម្ម ចេញមុខមកបកស្រាយ ថាតើរឿងរ៉ាវវារបៀបម៉េច។ ហើយជាប្រតិកម្ម ដែលផ្ទុយពីអ្វី ដែលគេបានឃើញ នៅក្នុងវីដេអូ និងដូចជាមានបំណង [...]
