Posts in ‘កីឡាគ្រប់ប្រភេទ’ Category

ក្រុមជម្រើសជាតិ នីហ្សេរីយ៉ា ដែលជាក្រុមខ្លាំងមួយ របស់ទ្វីបអាហ្វ្រិក ហាក់បានចូលមកប្រកួត នៅក្នុងបាល់ទាត់ពិភពលោកលើកនេះ ដោយមិនបានត្រៀមអ្វីទាំងអស់។ បច្ចេកទេសគ្រប់គ្រងបាល់ ក៏មិនមាន សាច់បាល់ក៏មិនឃើញ ហើយប្រតិកម្មតបតរ នៅក្រោយការនាំមុខ របស់ក្រុមគូប្រជែង ក៏ដូចជាយឺតយ៉ាវជាទីបំផុត។ ផ្ទុយទៅវិញ គឺក្រុមនេះខ្លួនឯង ដែលផ្ដល់គ្រាប់បាល់ ឲ្យក្រុម ក្រូអាស៊ី ដល់ទៅពីរគ្រាប់ យ៉ាងងាយស្រួល នៅក្នុងការប្រកួត កាលពីយប់ម៉ិញ។

គ្រាប់បាល់ទីមួយ របស់ក្រុមក្រូអាស៊ី នៅនាទីទី ៣៩ ថ្វីត្បិតតែជាការប្រើក្បាលរុញបាល់ តែបាល់នេះបានទៅប៉ះជើងខ្សែការពារ របស់ក្រុម នីហ្សេរីយ៉ា កីឡាករ «Etebo» ដែលធ្វើឲ្យបាល់ ងាកទៅចូលសំណាញ់ខ្លួនឯង បែបវាហី។ រីឯគ្រាប់បាល់ទីពីរ នៅនាទីទី៧០ របស់ក្រុម ក្រូអាស៊ី ដដែល ដែលជាគ្រាប់បាល់ពិន័យ ទាត់បញ្ចូលទី ដោយកីឡាករ «Luka Modric» នោះ ក៏បានកើតឡើង ពីកំហុសរបស់ខ្សែការពារ នីហ្សេរីយ៉ា ដែរ ដែលបានទៅចាប់អោប [...]

ការប្រកួតបានចាប់ផ្ដើម ជាមួយនឹងវាយសន្ធាប់ដ៏ខ្លាំងក្លា និងប្រកបដោយគ្រោះថ្នាក់ ពីសំណាក់ក្រុមបាល់ទាត់ មកពីប្រទេសប៉េរូ គ្របដណ្ដប់ និងបង្កើតឱកាសរកគ្រាប់បាល់ បានច្រើន ទៅលើក្រុមជម្រើសជាតិដាណឺម៉ាក។ តែខ្សែប្រយុទ្ធប៉េរូ រកច្រកទាត់បញ្ចូលទី មិនបាន ជាពិសេសនៅចំពោះកីឡាករចាំទី របស់ក្រុមដាណឺម៉ាក ដ៏រឹងមាំ គឺកីឡាករ «Kasper Schmeichel»។

នៅនាទីទី ៤៤ ក្រុមប៉េរូ ទទួលបានការទាត់បាល់ពិន័យមួយគ្រាប់ បណ្ដាលមកពីការប្រព្រឹត្តិកំហុស របស់ក្រុមដាណឺម៉ា ទៅលើខ្សែបម្រើរបស់ខ្លួន គឺកីឡាករ «Cueva»។ បន្ទាប់ពីផ្ទៀងផ្ទាត់ជាមួយអាជ្ញាកណ្ដាលវីដេអូរួច អាជ្ញាកណ្ដាលនៃការប្រកួត បានបើកផ្លូវឲ្យកីឡាករ «Cueva» ខ្លួនឯងទាត់បាល់ពិន័យនេះ។ តែកីឡាករ «Cueva» បានបង្ហើរគ្រាប់បាល់មួយគ្រាប់ ដ៏សំខាន់... បង្ហោះឡើងទៅលើវេហាស៍ និងទុកឲ្យក្រុមខ្លួន នៅតែមានពិន្ទុ ០-០ ដដែលជាមួយក្រុមដាណឺម៉ាក ពេលចប់​ពាក់​កណ្ដាលម៉ោង​ដំបូង។

ត្រឡប់ចូល [...]

បន្ទាប់ពីបង្កការភ្ញាក់ផ្អើល នៅទ្វីបអ៊ឺរ៉ុប ក្នុងឆ្នាំ២០១៦រួច ក្រុមបាល់ទាត់ អ៊ីស្លង់ បានបង្កើតការភ្ញាក់ផ្អើលជាថ្មីទៀត សម្រាប់ពិភពលោកទាំងមូល ក្នុងឆ្នាំ២០១៨នេះ។ ជាលើកដំបូង នៃការចូលមកប្រកួត ក្នុងបាល់ទាត់ពិភពលោក និងនៅក្នុងការប្រកួតជុំ ទីមួយ នៃពូល D ក្នុងល្ងាចថ្ងៃទី១៦ ខែមិថុនានេះ ក្រុមកីឡាករ «Viking» ដែលមកពីប្រទេស​​ស្ថិតនៅ​ប៉ូលខាងជើង​បំផុត នៃផែនដី បានប្រកួតយកស្មើ (១-១) ជាមួយក្រុមជម្រើសជាតិអាហ្សង់ទីន ដែលសម្បូរដោយកីឡាករល្អៗ ល្បីៗ មកពីក្រុមធំៗ នៅអ៊ឺរ៉ុប។

ពិតហើយ ក្រុមអាហ្សង់ទីន សម្បូរកំពូលកីឡាករជាច្រើន ដែលទាត់ឲ្យក្រុមបាល់ទាត់យក្សនៅអ៊ឺរ៉ុប ដូចយ៉ាងកីឡាករ លីយ៉ូនែល ម៉េស៊ី (Lionel Messi - ទាត់ឲ្យក្រុមបាសឺឡូន) - អង់ហែល ឌីម៉ារីយ៉ា (Ángel Di María - ទាត់ឲ្យក្រុមប៉ារីស) ឬកីឡាករ ស៊ែរចូ អាហ្គេរ៉ូ (Sergio Agüero - ទាត់ឲ្យក្រុម មែនស៊ីធី) នោះក៏ដោយ តែនៅក្នុងការប្រកួតលើកនេះ គេមិនបានឃើញ [...]

ក្នុងការប្រកួតជុំទីមួយ នៃពូល C ក្រុមជម្រើសជាតិបារាំង រកបានជ័យជំនះយ៉ាងពិបាក ទល់នឹងក្រុមអូស្ត្រាលី ដែលផ្ដុំគ្នាការពារ និងវាយសម្រុក ប្រកបដោយវិន័យ និងបច្ចេកទេសដ៏ល្អ។

គ្រាប់បាល់ទាំងពីរគ្រាប់ ដែលក្រុមបារាំងរកបាននោះ មានគ្រាប់ទី១ (នៅនាទីទី៥៨) ជាគ្រាប់បាល់ពិន័យ ១១ម៉ែត្រ របស់កីឡាករ អង់ទ័ន គ្រីស្មាន (Antoine Griezmann) បន្ទាប់ពីអាជ្ញាកណ្ដាលបានទស្សនារូបភាព របស់អាជ្ញាកណ្ដាលវីដេអូរួច ខណៈគ្រាប់ទីពីរ (នៅនាទីទី ៨១) ជាបាល់របស់កីឡាករ ប៉ូល ប៉ូកបា (Paul Pogba) ដែលមិនមែន​ជាគ្រាប់បាល់ច្បាស់លាស់ និងត្រូវបានបង្វែង ដោយខ្សែការពារអូស្ត្រាលី។

រីឯមួយគ្រាប់ (នៅនាទីទី ៦១) របស់ក្រុមអូស្ត្រាលីវិញ ជាបាល់ពិន័យ នៅចំពោះកំហុស​របស់ខ្សែការពារបារាំង កីឡាករ សាម៉ុយអែល អ៊ូមទីទី (Samuel Umtiti) ដែលលោតឡើង ហើយលើកដៃរបស់ខ្លួន ទៅប៉ះបាល់ នៅក្នុងតំបន់គ្រោះថ្នាក់។ កំហុសនេះ បង្ហាញថាក្រុមបារាំង មានខ្សែការពារខ្សោយ [...]

កីឡាករ គ្រីស្ទៀណូ រ៉ូណាល់ដូ (Cristiano Ronaldo) បានក្លាយជាកីឡាករទី៤ នៅក្នុងប្រវត្តិបាល់ទាត់ពិភពលោក បួនជំនាន់ជាប់ៗគ្នា (មិនមែន៤ជំនាន់ចុងក្រោយទេ) បន្ទាប់ពីរកគ្រាប់បាន ៣គ្រាប់តែឯង នៅក្នុងការប្រកួតរវាង ក្រុមជម្រើសជាតិ ព័រទុយហ្គាល់ និងក្រុម អេស្ប៉ាញ ក្នុងយប់ថ្ងៃសុក្រ ទី១៥ ខែមិថុនា ឆ្នាំ២០១៨នេះ ដែលជាការប្រកួតមួយ ដែលត្រូវបានចាត់ទុក ថាជាការប្រកួត រវាងក្រុមយក្សទាំងពីរ (ក្រុម ព័រទុយហ្គាល់ ទើបនឹងឈ្នះជាជើងឯកអ៊ឺរ៉ុប ឆ្នាំ២០១៦ ខណៈក្រុមអេស្ប៉ាញ បានឈ្នះ ជាជើងឯកពិភពលោក ជាច្រើនដង)។

កីឡាករបីរូបទៀត ដែលឈរនៅខាងមុខ កីឡាករ រ៉ូណាល់ដូ មាន

១) កីឡាករអាល្លឺម៉ង់ «Miroslav Klose» រកបាន១៦គ្រាប់ (ក្នុងបាល់ទាត់ពិភពលោក ឆ្នាំ ២០០២ - ២០០៦ - ២០១០ និង ២០១៤)

២) កីឡាករប្រេស៊ីល «Pelé» រកបាន១២គ្រាប់ (ក្នុងបាល់ទាត់ពិភពលោក ឆ្នាំ ១៩៥៨ - ១៩៦២ - ១៩៦៦ និង ១៩៧០)

៣) កីឡាករអាល្លឺម៉ង់ «Uwe [...]