Posts in ‘បច្ចុប្បន្នភាពក្នុងលោក’ Category

បើឃើញគ្នាលក់ប្រហិត កុំព្រហើន យកដៃប្រលាក់ប្រហុក ទៅលូកប៉ះពាល់ ដល់រាងកាយឲ្យសោះ! ហេតុការណ៍ដ៏ហួសចិត្ត បានកើតឡើង នៅត្រង់ចំណុចផ្លូវលំ ភូមិដំណាក់ធំ៤ សង្កាត់ស្ទឹងមានជ័យទី២ ខណ្ឌ​មាន​ជ័យ រាជធានី​ភ្នំពេញ​ កាលពីរសៀល ថ្ងៃទី១៤ ខែវិច្ឆិកា ឆ្នាំ២០១៧នេះ។

យុវជនដែលជាប់សង្ស័យ ថាបានលូកទៅច្របាច់សុដន់នារី អ្នកលក់ប្រហិត មានឈ្មោះ ឈន ចយ ហៅ តុយង៉ុយ អាយុ២២ឆ្នាំ ជាកម្មករ និងគ្មានទីលំនៅពិតប្រាកដ។ យុវជនត្រូវបានកងកម្លាំងនគរបាលរដ្ឋបាលស្ទឹងមានជ័យ ឃាត់ខ្លួនក្រោមបទ «ប្រទូសកេរ្តិ៍ខ្មាស» និងយកទៅឃុំខ្លួន នៅអធិការដ្ឋាន ខណ្ឌមានជ័យ។

ប្រភពពីកន្លែងកើតហេតុ​បានឲ្យដឹងថា​ថា ដំបូង​ឡើយ​នារី​រងគ្រោះ​ បាន​ដើរ​ចេញ​ពី​កន្លែង​លក់​ទៅ​ផ្ទះ។​ លុះ​ដើរ​មិន​ទាន់​ដល់​ផង ស្រាប់តែ​លេច​មុខ​យុវជនខាង​លើ រត់​មក​ក្បែរ ​រួច​យក​ដៃលូក ទៅច្របាច់​សុដន់​របស់​នាង ហើយ​ទាញ​នាង​ទៅ​កន្លែង​ងងឹត។ ពេលនោះ នារីរងគ្រោះ បានស្រែក​ឆោឡោ​ឡើង [...]

បើតាមមន្ត្រីជាន់ខ្ពស់ ដែលមានវត្តមានក្នុងពិធីនោះ បានបញ្ជាក់ថា ស្ដូបមិត្តភាពកម្ពុជា-វៀតណាមនេះ ជានិមិត្តរូប នៃការរិតចំណងសាមគ្គីភាព ជាប្រពៃណី និងជាបងប្អូន ឲ្យកាន់តែខ្លាំងក្លាថែមទៀត រវាងប្រទេសជាប់ព្រំដែនទាំងពីរ កម្ពុជា-វៀតណាម។​ ជាពិសេសស្ដូបនេះ បញ្ជាក់ពីផ្នែកមួយ នៃការអបអរសាទរ ខួបលើកទី៥០ នៃការភ្ជាប់ទំនាក់ទំនងការទូត រវាងប្រទេសទាំងពីរ (១៩៦៧-២០១៧)។

ក្នុងពិធីសម្ពោធ ក្នុងថ្ងៃទី១៥ ខែវិច្ឆិកានេះ មានការចូលរួមជាអធិបតី ពីសំណាក់លោក ញ៉ែម វ៉ាលី អនុរដ្ឋលេខាធិការធិការ ក្រសួងធម្មការ និងសាសនា - លោក ម៉ុម សារឿន អភិបាលខេត្តស្ទឹងត្រែង និងលោក ត្រឹញ វៀតហុង (Trinh Viet Hung) នាយករងការិយាល័យអនុព័ន្ធយោធាវៀតណាម ប្រចាំកម្ពុជា។ នេះ បើតាមការបញ្ជាក់ របស់ទីភ្នាក់ងារព័ត៌មានផ្លូវការ​របស់វៀតណាម «VNA» ដែលហាក់ដូចជាខុសគ្នាបន្តិច ពីការរៀបរាប់ របស់រដ្ឋបាលខេត្តស្ទឹងត្រែង។

ចៅ​ក្រម​ទាំង ​៩ រូប​ រួម​​មាន​ លោក ​ឌិត មន្ទី ប្រធានតុលាការ​កំពូល​ និងសមា​ជិក ៨ រូប ផ្សេង​ទៀត មាន​លោក ជីវ កេង - លោក​ ឃឹម ប៉ុណ្ណ​ - លោក​​ យូរ ឧត្តរា - លោក​​ គង់ ស្រ៊ីម -លោក គង់ តារាឆាត - លោក សេង នាង - អ្នកស្រី សែម សក្កិកូឡា និង​អ្នក​ស្រី ចាំង ស៊ីណាត។ ចំណែក​​​អគ្គ​ព្រះ​រាជ​អាជ្ញា ​គឺ​អ្នក​ស្រី​ ជា លាង។ នេះ បើតាមលោក នៅ មុនីជោត អ្នកនាំពាក្យតុលាការកំពូល ដែលត្រូវបានស្រង់សំដី ដោយសារព័ត៌មានភ្នំពេញប៉ុស្ដ៍។

នៅក្នុងបញ្ជីសមាជិក​គណបក្សប្រជាជនកម្ពុជា លោក​ ឌិត មន្ទី​ ​គឺ​ជា​សមាជិកជាន់ខ្ពស់ម្នាក់ [...]

គណបក្សសង្គ្រោះជាតិ បានចេញមុខ មកបដិសេធរាល់សកម្មភាព និងសេចក្ដីថ្លែងការណ៍ទាំងឡាយណា ដែលមានលក្ខណៈបុគ្គល និងដែលមិនមែនជាការសម្រេច របស់គណបក្ស ថាមិនមានជាប់ពាក់ព័ន្ធ នឹងគណបក្សនោះទេ។ នេះ បើតាមសេចក្ដីប្រកាសព័ត៌មាន ដែលចេញផ្សាយក្នុងរសៀលថ្ងៃនេះ (ម៉ោងនៅភ្នំពេញ) និងត្រូវបានអ្នកសារព័ត៌មានទទួលបាន នៅមុននេះ។

សេចក្ដីប្រកាសព័ត៌មាន បានសរសេរថា៖ «គណបក្សសង្គ្រោះជាតិ សូមបដិសេធទាំងស្រុង នូវរាល់សកម្មភាព និងសេចក្ដីថ្លែងការណ៍ទាំងឡាយណា ដែលគណបក្សមិនបានសម្រេច ដោយមិនមានហត្ថលេខាសង្ខេប របស់អ្នកទទួលខុសត្រូវ និងត្រារបស់គណបក្ស»។

គណបក្សប្រឆាំងធំជាងគេមួយនេះ បានបញ្ជាក់នៅក្នុង សេចក្ដីប្រកាសព័ត៌មានដដែលថា ខ្លួន«មិនទទួលខុសត្រូវ ចំពោះរាល់សកម្មភាព និងរាល់សេចក្ដីថ្លែងការណ៍ទាំងឡាយណា ដែលមានលក្ខណៈជាបុគ្គលនោះឡើយ»។

គួរឲ្យកត់សម្គាល់ដែរថា សេចក្ដីប្រកាសព័ត៌មាននេះ ធ្វើឡើងតែប៉ុន្មានម៉ោង [...]

លោក សម រង្ស៊ី មេដឹកនាំប្រឆាំងធំជាងគេ និងជាគូបដិបក្ខនយោបាយ ដ៏ស្រួចស្រាវ របស់លោកនាយករដ្ឋមន្ត្រី ហ៊ុន សែន បានប្រកាសជាផ្លូវការ នៅថ្ងៃទី១៥ ខែវិច្ឆិកា ឆ្នាំ២០១៧នេះ វិលចូលក្នុងគណបក្សសង្គ្រោះជាតិរបស់លោកវិញ បន្ទាប់ពីលោកបានប្រកាសលាចេញ អស់រយៈពេលជាច្រើនខែកន្លងមក និងស្របពេលដែលគណបក្សប្រឆាំងដ៏ធំមួយនេះ កំពុងប្រឈមនឹងការរំលាយចោល ពីសំណាក់តុលាការកំពូល ដែលនឹងត្រូវបើកសវនាការជំនុំជម្រះ នៅថ្ងៃស្អែក។

តែបើទោះជាគណបក្ស ត្រូវគេរំលាយ ឬមិនរំលាយក៏ដោយ លោក សម រង្ស៊ី បានអះអាងនៅក្នុងសេចក្ដីប្រកាសនោះថា លោកនៅតែចូលជាសមាជិក របស់គណបក្សសង្គ្រោះជាតិវិញដដែល។ លោកបានបង្ហាញពីហេតុផល​ «ខ្លាំងៗ» ជាមួយនឹងពាក្យ «ច្បាប់តិរច្ឆាន» ច្រើនដង ក្នុងសំណេររបស់លោក បង្ហោះលើបណ្ដាញសង្គម ដូចការដកស្រង់ទាំង​ស្រុង​ខាង​ក្រោម​ថា៖

១- ករណី គេរំលាយគណបក្សសង្គ្រោះជាតិ
ខ្ញុំបានលាលែងពីសមាជិកភាព [...]