ស៊ូប៊ែឌី ជំរុញឲ្យបក្សទាំងពីរប្រើយន្តការ«សន្ទនា» ដើម្បីលិទ្ធិប្រជាធិបតេយ្យនៅកម្ពុជា
ក្នុងវត្តមានលើកទី១១ នៅកម្ពុជារបស់លោក សុរិយា ប្រាសាទ ស៊ូប៊ែឌី (Surya P. Subedi) នៅមិនទាន់មានលទ្ធផលជាផ្លូវការនៅឡើយ ចំពោះបញ្ហាសិទ្ធិមនុស្សនៅកម្ពុជានាពេលនេះ។ តែលោកស្នើឲ្យគណបក្សធំៗទាំងពីរ បន្តធ្វើការជាមួយគ្នាដើម្បីប្រជាពលរដ្ឋ និងប្រទេសកម្ពុជា តាមរយៈការសន្ទនាទៅមុខទៀត ដើម្បីពង្រឹងលទ្ធិប្រជាធិបតេយ្យ និងសិទ្ធិមនុស្ស នៅកម្ពុជា។
នាវិមានរដ្ឋសភា ថ្ងៃទី២០ ខែមករានេះ អ្នករាយការណ៍ពិសេស នៃអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា លោក សុរិយា ប្រាសាទ ស៊ូប៊ែឌី (Surya P. Subedi) ក្នុងជំនួបជាមួយថ្នាក់ដឹកនាំកំពូលគណបក្សប្រឆាំង បានស្នើឲ្យគណបក្សទាំងពីរ បន្តធ្វើការរួមគ្នាតាមបែបសន្ទនា ឈរលើស្មារតីនៃកិច្ចព្រមព្រៀងនយោបាយរបស់ខ្លួន (កិច្ចព្រមព្រៀងថ្ងៃទី២២ ខែកក្កដា ឆ្នាំ២០១៤)។
សម្រាប់លោក សម [...]