មរណភាពរបស់ស្ត្រីម្នាក់នៅខេត្តរតនៈគីរី ស្ថិតក្នុងអាថ៌កំបាំង
មន្ត្រីអង្គការសង្គមស៊ីវិលមួយរូប លោក ឆាយ ធី ដែលជាប្រធានសមាគមការពារសិទ្ធិមនុស្ស អាដហុក ប្រចាំខេត្តរតនៈគីរី បានបង្ហើបប្រាប់ទស្សនាវដ្តីមនោរម្យ.អាំងហ្វូ នារសៀលថ្ងៃទី២៩ ខែមករា នេះថា លោកមិនទាន់មានជំនឿថា ការស្លាប់នេះ បណ្តាលមកពីការឆ្លងចរន្តអគ្គិសនី ហើយឆេះស្លាប់នោះឡើយ។ ព្រោះថាប្រភេទផ្ទះសំណាក់នេះ ខ្សែរភ្លើងទាំងអស់ ត្រូវបានបង្កប់ក្នុងជញ្ជាំងថ្ម ឬលាក់ក្នុងពិដានទាំងអស់។
លោកបានពន្យល់ថា៖ «ការស្លាប់ដោយសារទុស្សេខ្សែរភ្លើងឆេះស្លាប់ វាមិនទំនងសោះ។ ឯសភាពសាកសព ភ្លើងនោះមិនបានឆេះដល់ពូក ភួយ ខ្នើយ ឬសម្លៀកបំពាក់ សម្ភារៈក្នុងបន្ទប់ ក្រៅពីឃើញមានការឆេះរោលជាផ្សែង នៅលើពិដានប៉ុណ្ណោះ។ (…) ខ្សែរភ្លើងនៅផ្ទះសំណាក់ ដាក់ដោយមានសុវត្តិភាព មិនដូចនៅទីសាធារណៈទេ។ នេះហើយ ដែលនាំឲ្យមានការសង្ស័យ។ [...]