Posts in ‘បច្ចុប្បន្នភាពក្នុងលោក’ Category

ការភ្ញាក់ផ្អើលបានកើតឡើង សឹងតែមួយចំហៀងរាជធានីភ្នំពេញ។ ក្រុមមន្រ្តីនគរបាល មកពីពីរខណ្ឌ បាន​​ដេញ​ប្រមាញ់ តាមបុរសម្នាក់ ដែលបានបើករថយន្ដគេចខ្លួន ពីទីកន្លែងកើតហេតុ បន្ទាប់ពីបុរសនេះ បានបង្ក​គ្រោះ​ថ្នាក់ចរាចរណ៍ ជាមួយម៉ូតូជាច្រើនគ្រឿង នៅម្ដុំស្ដុបទេពផន កណ្ដាលរាជធានីភ្នំពេញ។ ហេតុការណ៍ដេញ​តាម​ឃាត់រថយន្ដនេះ បានធ្វើពីស្ដុបទេពផន តាមផ្លូវម៉ៅសេទុង រហូតដល់វត្តសន្សំកុសល ហើយបានបើកបុករះ អ្នក​ចត​ម៉ូតូ នៅតាមផ្លូវនៅទីនោះ រហូតទាល់ទៅលែងរួច ទើបឈប់ឡាន។

ករណីនេះបានបង្កឡើង នៅម៉ោង៣រសៀល ថ្ងៃទី១៥ ខែ កញ្ញ ឆ្នាំ២០១៥ ដោយបុរសមិនស្គាល់​អត្តសញ្ញាណ​ម្នាក់ បើករថយន្ដធុន តូយូតា កាម៉ារី (PRURS) ពណ៍សមួយគ្រឿង ស្លាកលេខភ្នំពេញ ២Z-៤៧៩១។ បើតាម​ប្រភព ដែលបានឃើញហេតុការណ៍ បានឲ្យដឹងថា រថយន្ដជនបង្កបានបើកបុករះ អ្នកឈប់នៅតាមផ្លូវរហូត ពី​ខណ្ឌទួលគោក រហូតដល់ខណ្ឌមានជ័យ និងទីបំផុតបានឈប់ នៅមុខផ្ទះលេខ ១២AEo ក្រុមទី២ភូមិប្រាំ [...]

សំយាបផ្ទះ ដែលបានបាក់ធ្លាក់នេះ ស្ថិតនៅមុខផ្ទះលេខ ៧៥E2 នៅជាន់ទីពីរ ស្ថិតនៅតាមបណ្តោយ ផ្លូវ​លេខ​១០៧ ក្នុងសង្កាត់អូរឬស្សីទី២ ខណ្ឌ៧មករា រាជធានីភ្នំពេញ។

ប្រជាពលរដ្ឋនៅកន្លែងកើតហេតុ បានប្រាប់ថា នៅរសៀលថ្ងៃទី១៥ ខែកញ្ញា ដំបូងឡើយ គ្មានភ្លៀងខ្យល់អ្វី​ទាំងអស់ ស្រាប់តែមានសម្រិប ផ្ទុះចេញពីជញ្ជាំង បន្ទាប់មកអ្នកដំណើរ នៅតាមផ្លូវ មើលឃើញមានផ្ទាំងថ្ម ធ្លាក់ចុះមកជាបន្តបន្ទាប់។ ភ្លាមនោះៗ អ្នកនៅក្នុងផ្ទះ បាននាំកូនចៅរត់ប្រសាច ចេញពីក្នុងមកក្រៅផ្ទះ ខ្លាច​ថ្មបាក់រលំសង្កត់។ តែក្រោយ ពីការភ្ញាក់ផ្អើល ប្រមាណ៣០នាទី ទើបពលរដ្ឋទាំងនោះ ជឿជាក់ថា ផ្ទាំងថ្ម​សំយាប​ផ្ទះខាងលើ ឈប់ធ្លាក់មកទៀត។

អ្នកនៅជិតទីតាំងកើតហេតុ បានប្រាប់ឲ្យដឹងថា ផ្ទះមួយនេះ មានអាយុកាលចំណាស់​ណាស់ហើយ ជាពិសេស គឺនៅជាន់ទីពីរនេះតែម្តង។ នៅថ្ងៃកើតហេតុ គ្មានអ្នកណាម្នាក់ ធ្វើសកម្មភាពអ្វី ឬមានភ្លៀងខ្យល់ អ្វីខ្លាំងនោះ​ទេ។

អ្នករស់នៅម្តុំនោះ [...]

ព្រះតេជគុណ ថាច់ ហាសំអាង ចៅអធិការវត្តសាមគ្គីរង្សី ក្នុងរាជធានីភ្នំពេញ បានបង្ហើបឲ្យដឹង នូវនូវចេតនា​នយោបាយថ្មី របស់រដ្ឋាភិបាលវៀតណាមបច្ចុប្បន្ន ដើម្បីគ្រប់គ្រងវត្តអារាមនានា ក្នុងទឹកដីខ្មែរកម្ពុជាក្រោម ដោយ​ធ្វើការផ្លាស់ប្តូរ ថ្នាក់ដឹកនាំកំពូលរបស់វត្ត (ចៅអធិការវត្ត) ចាស់ចេញ និងជំនួសមកវិញ ដោយចៅ​អធិការ ដែលស្និតឬមកពីគណបក្សកុម្មុយនីសតែម្ដង។ ព្រះអង្គមានសង្ឃដីកាថា វៀតណាមកំពុងសម្លុត គម្រាម​កំហែង ដល់ចៅអធិការវត្តអង្គណាមួយ ដែលប្រឆាំងនឹងខ្លួន ជាមួយនឹងការចាប់ផ្សឹក ហើយជំនួស​មក​វិញ នូវ​ចៅ​អធិការ​ថ្មី ដែលស្ថិតនៅក្រោមការគ្រប់គ្រង របស់ខ្លួន។

ថ្លែងក្នុងកម្មវិធី «លើកកម្ពស់ការយល់ដឹង និងការគោរពសិទ្ធិខ្មែរក្រោម ជាជនជាតិដើម» នាវត្តសាមគ្គីរង្សី រាជធានី​ភ្នំពេញ ដែលជាការរំលឹកខួបលើកទី៨ នៃសេចក្តីប្រកាស របស់អង្កគារសហប្រជាជាតិ ស្តីពីសិទ្ធិ​ជន​ជាតិដើម កាលពីថ្ងៃ១៣ ខែកញ្ញា កន្លងមកនេះ ព្រះសង្ឃ ថាច់ ហាសំអាង [...]

នៅរសៀលថ្ងៃទី១៤ ខែកញ្ញាឆ្នាំ២០១៥នេះ កម្លាំងចម្រុះខណ្ឌសែនសុខ បានសហការ ជាមួយព្រះរាជ្ញារង អម​សាលាដំបូងរាជធានីភ្នំពេញ លោក កែវ សុជាតិ ចុះធ្វើការឃាត់ខ្លួន ក្រុមគ្រួសាររកស៊ីខុសច្បាប់មួយកន្លែង ជំនាញ​ខាងចាក់កន្ទុយលេខ នៅផ្ទះលេខ៥៦ ផ្លូវលំភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានី​ភ្នំពេញ។ ក្រុមអាជ្ញាធរ បានឃាត់ខ្លួន ស្រ្តីបុរសជាម្ចាស់ផ្ទះចំនួន០៤នាក់ និងសម្ភារៈប្រើប្រាស់ សម្រាប់ចាក់​កន្ទុយ​លេខ មួយចំនួនទៀត។

ជនប្រព្រឹត្តទីមួយ ឈ្មោះ សុខ ទីណា អាយុ៤៨ឆ្នាំជាប្តី ទីពីរឈ្មោះ ចាន់ ដានី អាយុ ៣៦ឆ្នាំជាប្រពន្ធ រួមទាំង​អ្នក​ស្នាក់នៅជាមួយ និងជួយជ្រោមជ្រែង ក្នុងរបរខុសច្បាប់នេះ ពីរនាក់ទៀត ឈ្មោះ គង់ រ៉ែម អាយុ២៦ឆ្នាំ និង​ម្នាក់​ទៀតឈ្មោះ ចាន់ នី អាយុ៤៩ឆ្នាំ។ ក្នុងពេលចុះបង្ក្រាប សមត្ថកិច្ចនគរបាល​បានរកឃើញ វត្ថុតាងមួយ​ចំនួន​ដូច​ជា សៀវភៅកត់កន្ទុយលេខ ជាច្រើនក្បាល ប្រាក់រៀលមួយលាន ហាសិបប្រាំបីម៉ឺនរៀល [...]

កង្វះខាត នៃតួលេខដ៏សំខាន់ ក្នុងការសំគាល់ លើខ្ទង់ចំណាយ ឬចំណូលនានា ដែលមានរហូតដល់ (ប៊ីលាន) នោះ បានជំរុញឲ្យរដ្ឋាភិបាលកម្ពុជា តាមរយៈទីស្តីការគណៈរដ្ឋមន្រ្តី ចេញប្រកាសអនុញ្ញាត ឲ្យប្រជាពលរដ្ឋ​ខ្មែរទាំងអស់ មានសិទ្ធិក្នុងការប្រើប្រាស់ប្រព័ន្ធលេខ«ខ្មែរ» រាប់ចាប់ពី «១០លើកជាស្វ័យគុណ៩» ឡើងទៅ ទៅ​តាមស្តង់ដា និងហៅតាមប្រព័ន្ធអង់គ្លេស ។

តាមសេចក្តីប្រកាសរបស់លោក សុខ អាន រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី កាលពីថ្ងៃទី១០ ខែកញ្ញា ឆ្នាំ២០១៥នេះ បានធ្វើការពន្យល់ថា មូលហេតុដែលចាំបាច់តម្រូវឲ្យកម្ពុជា ធ្វើការកម្ចីលេខ«ស្វ័យគុណ» ពី​ប្រព័ន្ធអងស់គ្លេសនោះ ព្រោះតែក្នុង«ភាសាបាលី គិតជាលេខ» (ឬភាសាខ្មែរ) បានបញ្ចប់ ត្រឹម«១០ស្វ័យគុណ​១២ (10¹²)»ប៉ុណ្ណោះ។ លោករដ្ឋមន្រ្តី បានអះអាងបញ្ជាក់ផងថា ប្រព័ន្ធស្វ័យគុណអង់គ្លេសនេះ មានភាព​ច្បាស់​លាស់ អាចទទួលយក មកប្រើប្រាស់បាន។

ការសម្រេចដាក់ឲ្យប្រជាពលរដ្ឋកម្ពុជា [...]