Posts in ‘បច្ចុប្បន្នភាពក្នុងលោក’ Category

មនុស្សពីរនាក់ បានរងរបួស នៅក្នុងគ្រោះថ្នាក់ចរាចរណ៍មួយ ដែលបានកើតឡើង កាលពីវេលាម៉ោង ២០និង​១០នាទីយប់ ថ្ងៃទី២ ខែធ្នូ ឆ្នាំ២០១៥។ គ្រោះថ្នាក់នេះ បានបង្កឡើង ដោយអ្នកជិះម៉ូតូម៉ាក់ហុងដា សេ១២៥ ពណ៌​ខ្មៅ មានស្លាក់លេខ ១CW-៩៦៣៣ បើកបរក្នុងទិសដៅ ពីជើងទៅត្បូង ដោយល្បឿនលឿន។ នេះបើ​តាម​សាក្សី ដែលបានឃើញហេតុការណ៍ ដោយផ្ទាល់ភ្នែក។

សាក្សីបន្តថា លុះមកដល់ចំនុចកើតហេតុ ក៏ប្រទះជាមួយ និងម៉ូតូហុងដាវ៉េវ ព័ណខ្មៅ ស្លាក់លេខ ភ្នំពេញ ១BN-៣៣៩៧ បើកបរដោយបុរសម្នាក់ កំពុងឆ្លង់ផ្លូវ ពីជើងទៅត្បូង បណ្តាល ឲ្យអ្នកឆ្លងថ្នលរងរបួស បែក​ក្បាល ហើយសន្លប់បាត់មាត់ឈឹង ចំណែកឯអ្នកបង្កវិញ រងរបួស នៅត្រង់កូនដៃ ប៉ោងគ្រាប់ភ្នែក និងមាន​ឈាម​ហូរតាមត្រជៀក ទៀតផង។

តាមមន្ត្រីសមត្ថកិច្ច ដែលបានទៅធ្វើការពិនិត្យ នៅក្រោយពេលកើតហេតុ បានប្រាប់ឲ្យដឹងថា យុវជនអ្នក​បង្ក​មាន​ឈ្មោះ ចូវ យ៉ាំតាង មានអាយុ១៩ឆ្នាំ ជាជនជាតិវៀតណាម មុខរបរ ជាកម្មករសំណង់ [...]

នាយប់ថ្ងៃទី២ ចូលមកថ្ងៃទី៣ ខែធ្នូម្សិលម៉ិញនេះ ប្រជាពលរដ្ឋប្រមាណ​ជាង១៥០នាក់ បានយល់ព្រមដកថយ ចេញពីមុខ​តុលាការ​ខេត្តរតនគិរី ហើយឆ្ពោះមកស្នាក់ការអង្គការ ADHOC ដើម្បីបន្តការតវ៉ាប្តឹង ទៅសាលា​ឧទ្ធរណ៍ និង​ក្រសួងយុត្តធម៌។

សូមរំលឹកថា កាលពីថ្ងៃទី២ខែធ្នូ ឆ្នាំ២០១៥ ម៉ោងជាងមួយរសៀល ប្រជាពលរដ្ឋប្រមាណ១៥០នាក់ បានផ្ទុះ​ហិង្សា កម្ទេចទ្វារតុលាការខេត្តរនគិរី។ បន្ទាប់មកនាំគ្នា សម្រុកចូលតុលាការនេះ ដើម្បីតាមរកតំណាង​របស់​ពួកគាត់់បីនាក់ ដែលតុលាការចាប់យកទៅដាក់ពន្ធនាគារ ក្នុងពេលសវនាការ រឿងជម្លោះដីធ្លីដីធ្លី១៨៦​ហិកតា។

តាមគណនីហ្វេសប៊ុក លោក ឆាយ ធី មន្រ្តីប្រចាំការអង្គការ ADHOC ខេត្តរតនគិរី បានសរសេរថា ប្រជា​ពលរដ្ឋ​ទាំងអស់ មិនសុខចិត្តនឹងការចាប់ខ្លួន តំណាងប្រជាពលរដ្ឋបីរូប ពីសំណាក់តុលាកាខេត្តនេះឡើយ។ លោកបានអះអាង តាមការលើកឡើង របស់អ្នកភូមិទាំងនោះថា តំណាងពួកគាត់បីនាក់ ត្រូវបាន«បាត់ខ្លួន»​ភ្លាមៗ [...]

លោក យ៉ែម ជ្រិន ជាគ្រូពេទ្យប្រចាំភូមិរកា ឃុំរការ ស្រុកសង្កែ ត្រូវបានសាលាដំបូងខេត្តបាត់ដំបង សម្រេច​បន្ធូរ​បន្ថយទោស ពីជាប់ពន្ធនាគារ «មួយជីវិត» មកនៅត្រឹមទោស ក្នុងពន្ធនាគារ២៥ឆ្នាំ។ លោក​ត្រូវបាន​ជាប់​ចោទ ថាបានចាក់ថ្នាំចម្លងជំងឺអេដស៍ ដល់ប្រជាពលរដ្ឋក្នុងភូមិ។

ប្រធានចៅក្រមជំនុំជម្រះ សាលាដំបូងខេត្តបាត់ដំបង នាព្រឹកថ្ងៃទី៣ ខែធ្នូ ឆ្នាំ២០១៥នេះ បានប្រកាស​សាល​ក្រម ដោយធ្វើការប្តូរបទចោទប្រកាន់ ពីមាត្រា២០៥ មកមាត្រា២១៥ នៃក្រមព្រហ្មទណ្ឌ។ អ្នកស្រី យិច ឈាណាវី ប្រធានចៅក្រមជំនំជម្រះ បានធ្វើការអះអាងថា កាប្តូរបទចោទនេះ ក្រោមហេតុផល នៃការ​សារភាព​របស់លោក យ៉ែម ជ្រិន ដែលបានសារភាពថា ខ្លួនមិនមានអនាម័យ ក្នុងការព្យាបាលអ្នកជំងឺ។

លោក ឯម សុវណ្ណ ជាមេធាវីការពារលោក យ៉ែម ជ្រិន បានលើកឡើងថា លោកអាចទទួលយកបាន នូវការ​សម្រេចសេចក្តី តាមរយៈការប្តូរបទចោទ របស់ចៅក្រមនាពេលនេះ។ លោកអះអាងថា ក្នុងអាជីពជាគ្រូ​ពេទ្យ [...]

ការស្នើរសុំជាបន្ត ទៅកាន់ក្រសួងមហាផ្ទៃ បានធ្វើឡើងបន្ទាប់ពីសំណើរលើកទីមួយ របស់ពួកគេ ដែលសុំ​ដើរ​ដង្ហែជាក្បួន ពីពហុកីឡាដ្ឋានជាតិអូឡាំពិក ទៅសួនច្បារ មុខវត្តបទុមវត្តីនៅថ្ងៃទី១០ ខែធ្នូខាងមុខ ត្រូវបាន​សាលា​រាជធានីបដិសេធ និងប្រាប់ឲ្យប្ដូរទិសដៅ ត្រឹមតែពីមុខស្ថានីយអយស្ម័យាន ទៅកាន់ទីលាន​ប្រជា​ធិបតេយ្យ ដែលមានចំងាយពីគ្នា ប្រមាណជា១០០ម៉ែត្រប៉ុណ្ណោះ។

តំណាង​សម្ព័ន្ធ​អង្គការ​​សង្គម​ស៊ីវិល និង​ជា​ប្រធាន​លេខាធិការ ​គណៈកម្មាធិការ ​នៃ​អង្គការ​សមាគម​ការពារ​សិទ្ធិ​មនុស្ស (CHRAC) លោក សួន ប៊ុនសក្តិ បាន​ឲ្យ​ដឹងថា ក្រុមអង្គការសង្គម​ស៊ីវិល ​នៅ​តែ​រក្សា​ជំហរ​ ក្នុង​ការ​ហែ​ក្បួន ​តែ​ដើម្បី​បញ្ចៀស​ការ​កកស្ទះ​ចរាចរណ៍ ​ដូច​ការ​អះអាង​របស់​សាលា​រាជធានី​នោះ​ សង្គម​ស៊ីវិល​បាន​សម្រេច​​ផ្លាស់ប្តូរ​ ការ​ប្រមូល​ផ្តុំ​ ទៅ​ខាង​មុខ​មន្ទីរ​រដ្ឋសភា​ជាតិ​វិញ​ ហើយ​ហែរ​ទៅ​ប្រមូល​ផ្តុំ​នៅ​លើ​ទីលាន​ប្រជា​ធិបតេយ្យ​​វិញ​ [...]

ការជួបជុំ ការតវ៉ារឿងដីធ្លី របស់ប្រជាពលរដ្ឋ មកពី៤សហគមន៍ សរុបប្រមាណជិត៤០នាក់នោះ ត្រូវបាន​រារាំង​និងបំបែកជាថ្មី ដោយក្រុមសន្តិសុខខណ្ឌ នៅពេលគម្រោង នៃការជួបជុំនោះ កំពុងតែធ្វើនៅមុខ ទីស្នាក់ការ​ធនាគារពិភពលោក ប្រចាំកម្ពុជា ដើម្បីទាមទារឲ្យស្ថាប័នអន្តរជាតិមួយនេះ ស្នើទៅរដ្ឋាភិបាលកម្ពុជា ឲ្យ​ពន្លឿន​ការដោះបញ្ហាដីធ្លី ដែលនៅសេសសល់ សម្រាប់ពួកគាត់។ ប្រជាពលរដ្ឋ ពីសហគមន៍ដីធ្លីទាំងបួន រួម​មាន សហគម​បឹង​កក់ចាកចេញ សហគមន៍បុរីកីឡា (ឬ៣មករា) សហគមន៍ថ្មគោល (SOS) និងសហគមន៍​បឹងកក់។

កម្លាំងសមត្ថកិច្ចសម្រុះ និងក្រុមសន្តិសុខប្រចាំខណ្ឌ ដែលមានគ្នា ប្រហាក់ប្រហែលនឹងចំនួន​ប្រជា​ពលរដ្ឋ​ដែរ​នោះ ត្រូវបានអាជ្ញាធរដែលគ្រប់គ្រង ដោយរដ្ឋាភិបាលកម្ពុជា បញ្ជូនទៅធ្វើការរារាំង និងបំបែកការជួបជុំ​របស់​ពលរដ្ឋ ក្នុងពលរដ្ឋមួយចំនួន ដែលជាស្ត្រីភេទត្រូវបានកម្លាំងទាំងនោះ សែងបោះចេញ ពីតាមបណ្តោយផ្លូវ លេខ​១១៣ ផ្លូវលេខ ២៤០ កែងមហាវិថី [...]