Posts in ‘បច្ចុប្បន្នភាពក្នុងលោក’ Category

ជាសេចក្ដីសន្និដ្ឋានមួយ ដែលបង្កក្ដីអស់សង្ឃឹម ទៅដល់ក្រុមគ្រួសាររបស់អ្នកដំណើរ ដែលបានរងគ្រោះ ព្រោះ​បានជិះនៅក្នុងយន្ដហោះ ប្រភេទប៊ូអីង (Boeing 777) នៃជើងហោះហើរលេខ «MH370» របស់ក្រុមហ៊ុន​ម៉ាឡេស៊ី​អ៊ែរឡាញ ហោះភ្ជាប់ពីរាជធានីកូឡាឡំពួរ (ប្រទេសម៉ាឡេស៊ី) ឆ្ពោះទៅ​រដ្ឋធានី​ប៉េកាំង (ប្រទេសចិន) ក្នុង​យប់​ទី៨ ខែមិនា ឆ្នាំ២០១៤ តែបានបាត់ដំណឹងសូន្យឈឹង តាំងពីយប់នៃការហោះងើបខ្លួនចេញ ពីព្រលាន​យន្ដហោះ​​នោះ រហូត​មក​ដល់​ថ្ងៃនេះ។

អាជ្ញាធររបស់ប្រទេសអូស្ត្រាលី ខាងសុវត្ថិភាព​ដឹកជញ្ជូន​ផ្លូវអាកាស ហៅកាត់ «ATSB» ដែលទទួល​បន្ទុក​រុករក​តួយន្ដហោះ ទើបនឹងចេញ​របាយការណ៍ «សន្និដ្ឋានជាផ្លូវការ» នៅព្រឹកថ្ងៃ​អង្គារ​ទី២០ ខែធ្នូនេះ បញ្ជាក់ថា យន្ដហោះ«MH370» ដែលដឹកមនុស្ស ចំនួន២៣៩នាក់ ទំនងជាមិនបានធ្លាក់ នៅក្នុងតំបន់រុករកកន្លងមក ស្ថិត​នៅភាគខាងត្បូង នៃមហាសាគរ​ឥណ្ឌា​នោះឡើយ។ ការរុករកបានប្រព្រឹត្តិទៅ អស់រយៈពេលជាង២ឆ្នាំ [...]

ឯកអគ្គរដ្ឋទូតរ៉ូស្ស៊ី ប្រចាំនៅប្រទេសទួរគី ត្រូវបានបាញ់សម្លាប់ កាលពីរសៀលថ្ងៃចន្ទនេះ ដោយ​ភ្នាក់ងារ​នគរបាល​ជាតិទួរគីម្នាក់ កណ្ដាល​រដ្ឋធានីអង់ការ៉ា នៅខណៈពេល ដែល​មន្ត្រី​ការទូត​រ៉ូស្ស៊ីរូបនេះ កំពុងថ្លែង​សុន្ទរក​ថា ក្នុងពិធីតាំងពិពណ៌សិល្បៈមួយ។ ខ្មាន់កាំភ្លើងបានស្រែក នៅបន្ទាប់ពី​ធ្វើ​សកម្មភាព​នោះ​ថា ខ្លួន​ចង់​សង​សឹក ឲ្យមហាវិនាសកម្មទាំងឡាយ ដែលកើតនៅក្នុងប្រទេសស៊ីរី និងនៅក្រុងអាឡិប ដែលកំពុង​ត្រូវ​បាន​របប​ដឹកនាំ របស់ប្រទេស​ស៊ីរី​សព្វថ្ងៃ ដោយមាន​ការ​​គាំទ្រ​​​ពី​ប្រទេស​រ៉ូស្ស៊ី វាយដណ្ដើម​កាន់កាប់​មក​វិញ ជិត​បាន​ជា​ស្ថាពរ​ហើយ​នោះ។

លោកឯកអគ្គរដ្ឋទូត អង់ឌ្រៃ ការឡូវ (Andreï Karlov) ត្រូវបានបាញ់​សម្លាប់​ភ្លាមៗ ដោយគ្រាប់កាំភ្លើង​ជា​ច្រើន​គ្រាប់។ ប្រព័ន្ធផ្សព្វផ្សាយក្នុងស្រុក បាន​បញ្ជាក់​ឲ្យ​ដឹងថា មនុស្សបីនាក់ទៀត នៅក្នុងពិធីតាំងពិពណ៌នោះ ក៏​បាន​រង​របួស​ដែរ។

នៅក្នុងវីដេអូ [...]

អ្នកនាំពាក្យរបស់នគរបាលរដ្ឋធានី ប៊ែរឡាំង ប្រទេសអាល្លឺម៉ង់ បានឲ្យដឹងថា អ្នកបើកបររថយន្ដដឹកទំនិញ ត្រូវ​បាន​ចាប់ខ្លួនភ្លាមៗ នៅបន្ទាប់ពីរថយន្ដ​ដឹកទំនិញមួយគ្រឿងនេះ បានបើកបំបុកចូលក្នុងហ្វូងមនុស្ស នៃផ្សា​រាត្រី​មួយ​​កន្លែង សម្រាប់​បុណ្យណូអែល បង្កឲ្យមានមនុស្សស្លាប់ និងរបួសច្រើននាក់ ក្នុងយប់ថ្ងៃចន្ទទី១៩ ចូល​មក​ថ្ងៃ​អង្គារ​ទី២០ ខែធ្នូ ឆ្នាំ២០១៦។ នគរបាល​បាន​បន្ថែម​ថា មនុស្សម្នាក់ទៀត ត្រូវបានរកឃើញស្លាប់ នៅ​ក្បែរ​បុរស​ម្នាក់​មុន (ដែលត្រូវបានចាប់ខ្លួន) នៅក្នុង​រថយន្ដ​នោះ​ជា​មួយ​គ្នា។

យ៉ាងណាក៏ដោយ នគរបាលរដ្ឋធានីបានបញ្ជាក់នៅមុននេះ ថាការស៊ើបអង្កេតកំពុងប្រព្រឹត្តិទៅ ដើម្បី​ព្យាយាម​ស្វែង​យល់​ឲ្យច្បាស់ ថាតើបុរស​ដែលត្រូវ​បានឃាត់ខ្លួន ពិតជាអ្នកកាន់ចង្កូតរថយន្ដដឹកទំនិញ ដែលពាក់​ស្លាក​លេខ មកពីប្រទេសប៉ូឡូញ នោះមែន ឬយ៉ាងណា។ ប៉ុន្តែនៅពេល​ក្រោយមក ក្រសួង​មហាផ្ទៃ​អាល្លឺម៉ង់ បាន​បញ្ជាក់​ថា បុរសនោះ [...]

សេចក្ដីសារភាពមួយ ដែលបង្កឲ្យព្រឺដល់ឆ្អឹងខ្នង បានធ្លាយចេញពីមាត់ផ្ទាល់ របស់ប្រមុខរដ្ឋមួយរូប ដែល​បាន​ជាប់ឆ្នោត ក្លាយជាប្រធានាធិបតី កាល​ពី​ប៉ុន្មាន​ខែមុន។ លោក រ៉ូឌ្រីចូ ឌុយតែតេ (Rodrigo Duterte) ប្រធានា​ធិបតី​នៃកោះហ្វីលីពីន បានថ្លែងអះអាង កាលពីដើមសប្ដាហ៍នេះថា លោកបានសម្លាប់ ដោយ​ផ្ទាល់​ដៃ​លោក នូវ​មនុស្ស​ជាច្រើននាក់ ដែលរងការសង្ស័យ ថាជាឧក្រិដ្ឋជន នៅក្នុងអំឡុងពេលលោក កាន់តំណែង​ជា​អភិបាល​ក្រុង ដាវ៉ៃ (Davao ស្ថិតនៅ​ភាគ​ខាង​ត្បូង)។ ការកំទេចដោយផ្ទាល់ដៃលោកទាំងនោះ ត្រូវបាន​លោក​បញ្ជាក់​ទៀត​ថា គឺដើម្បីធ្វើជា«គំរូ»​ ដល់កងកម្លាំង​នគរបាល។

នៅចំពោះអ្នកជំនួញ និងអ្នកមុខអ្ន​កការជាច្រើននាក់ លោក រ៉ូឌ្រីចូ ឌុយតែតេ អាយុ៧១ឆ្នាំ បានថ្លែងឡើង​ដូច្នេះ ដើម្បី​ធ្វើអត្ថាធិប្បាយ ទៅលើ​យុទ្ធនាការ​កណ្ដាប់ដៃដែក ប្រឆាំងបណ្ដាញជួញដូរគ្រឿងញៀន នៅលើផ្ទៃ​ប្រទេស ដែលបានសម្លាប់មនុស្ស អស់ជាង៥០០០នាក់ តាំងពីថ្ងៃទី៣០ ខែមិថុនា [...]

សម្លៀកបំពាក់សមញ្ញ របស់ប្រធានាធិបតីហ្វីលីពីន លោក រ៉ូឌ្រីចូ ឌុយតែតេ (Rodrigo Duterte) នៅក្នុង​ការ​ចូល​ធ្វើ​ព្រះរាជសវនាការ ជាមួយព្រះមហាក្សត្រកម្ពុជា មិនទទួលបានការនិយម ឬការយល់ព្រម ពី​សំណាក់​បណ្ដា​ជន​កម្ពុជាទាំងស្រុង​នោះឡើយ។ ក្នុងព្រះរាជសវនាការនោះ លោក ឌុយតែតេ មិនបានពាក់អាវធំ ចង​ក្រវ៉ាត់ក ឲ្យ​បាន​សមសួន ទៅនឹង​សម្លៀកបំពាក់​«ការទូត» ដូចដែលអ្នកផងធ្លាប់ឃើញនោះទេ។ តែលោក​ប្រធានាធិបតី​ហ្វីលីពីន បាន​ត្រឹម​តែ​ពាក់អាវស៊ឺម៊ី ពណ៌សដៃវែង និងថែមទាំងមូរចុងដៃនោះផង។

សម្លៀកបំពាក់នេះ ត្រូវបានសាធារណមតិខ្មែរមួយចំនួន រិះគន់ថា មានលក្ខណៈសមញ្ញ«ជ្រុល» និងខ្លះទៀត បាន​និយាយចូលជ្រៅ ថាលោក ឌុយតែតេ មានកាយវិការ​«ឈ្លើយ» នៅចំពោះព្រះភ័ក្រ របស់​ព្រះ​មហាក្សត្រ​កម្ពុជា។ ក្រុមអ្នករិះគន់ខ្មែរ ចំពោះសម្លៀកបំពាក់របស់លោក ឌុយតែតេ ភាគច្រើនមាននិន្នាការ មកពី​គណបក្ស​សម្ព័ន្ធ​ដើម្បី​ប្រជាធិបតេយ្យ និងមកពីគណបក្សសង្គ្រោះជាតិ។

» [...]