Posts in ‘គ្រប់អត្ថបទជាខេមរភាសា’ Category

ឃាតកម្មនេះបានកើតឡើង នៅវេលាម៉ោង ២៣ និង ១០នាទី យប់ថ្ងៃទី ១០ ខែ កញ្ញា ឆ្នាំ២០១៥ នៅតាម​បណ្តោយផ្លូវ ២៧១ ទល់មុខមន្ទីពេទ្យរូស្ស៊ី ក្នុងសង្កាត់ទំនប់ទឹក ខណ្ឌចំការមន រាជធានីភ្នំពេញ បណ្តាល​ឲ្យ​យុវជន​ដែលជាជនរងគ្រោះស្លាប់ភ្លាមៗ នៅនឹងកន្លែងកើតហេតុ។

ជនរងគ្រោះមានឈ្មោះ ហ៊ឹង បូរិន ភេទប្រុស អាយុ ២៣ ឆ្នាំមុខរបរជាបុគ្គលិកនៅផ្សារឡាក់គី (Lucky) នៅ​ពេលមានរឿង បានជិះម៉ូតូសង ១២៥ ពណ៍ខ្មៅមានស្លាកលេខ 1B 5677 ភ្នំពេញ ធ្វើដំណើរពី កើត​ទៅ​លិច។ ប៉ុន្តែម៉ូតូរបស់ជនរងគ្រោះ មិនបានបាត់ទៅណាទេ ដែលធ្វើឲ្យគេយល់ថា នេះមិនមែនជាករណីប្លន់ យក​ទ្រព្យ​សម្បត្តិនោះឡើយ។

តាមប្រភពព័ត៍មាន ពីកន្លែងកើតហេតុ បានឲ្យដឹងថា មុននឹងកើតហេតុ គេឃើញបុរសដែលជាជនរងគ្រោះ ជិះម៉ូតូតែម្នាក់ឯង ស្រាប់តែពេលជិះមកដល់កន្លែងកើតហេតុ ស្រាប់តែមានជនសង្ស័យពីរនាក់ ជិះម៉ូតូម៉ាក Duke មិនស្គាល់ស្លាកលេខ មកពីក្រោយបានគប់ដុំថ្ម ទៅលើជនរងគ្រោះឲ្យដួល [...]

ក្រុមបាតុករទាំងនោះ សុទ្ធសឹងជាបណ្ដាជន ម៉ាដេស៊ី (Madhesi) ជនជាតិភាគតិចមួយ ក្នុងចំណោម​​ជនជាតិ​ភាគតិចជាច្រើន ដែលមានការបារម្ភថា ច្បាប់កំពូលដែលបានអនុម័ត្រថ្មី នឹងធ្វើការគៀបសង្កត់ ដោយ​ស្រប​ច្បាប់​ទៅលើពួកគេ។ ច្បាប់រដ្ឋធម្មនុញ្ញថ្មី ដែលបានបែងចែកប្រទេសនេប៉ាល់ ទៅជា៧តំបន់ផ្សេងគ្នា ហើយ​អាច​នឹង​ធ្វើ​ឲ្យ​ចំនួនតំណាងរាស្ត្រ នៅរដ្ឋសភាជាតិ មានការថយចុះ។ នេះបើតាមការផ្សាយឲ្យដឹង របស់​ទី​ភ្នាក់ងារ​​សារព័ត៌មាន​បារាំង អាអេហ្វប៉េ (AFP)។

រលកបាតុកម្មជាថ្មីនេះ បានធ្វើឡើងប្រឆាំងនឹងច្បាប់អាជ្ញាសិក ដែលបានដាក់ឲ្យដំណើរការ បន្ទាប់ពីអំពើ​ហិង្សា​ជាច្រើន បានកើតឡើងនៅក្នុងសប្ដាហ៍ចុងក្រោយនេះ រវាងកងកម្លាំងអាជ្ញាធរ និងក្រុមបាតុករ នៃ​បណ្ដា​ជន​ភាគ​តិច ម៉ាដេស៊ី និង ថារូ (Tharu)។ អំពើហិង្សាក្នុងពេលកន្លងមក បានធ្វើឲ្យមនុស្ស៤០នាក់ បាត់​បង់​​ជីវិត នៅ​ទូទាំង​ប្រទេស។

នាយនគរបាលប្រចាំតំបន់ បានថ្លែងប្រាប់ទីភ្នាក់ងារ [...]

នៅពេលដែលកំហុស មិនអាចជួសជុលវិញបាន... រីឯការសុំទោស ទោះជាត្រូវបានធ្វើច្រើនដង និងមានទំហំ​ប៉ុណ្ណាក៏ដោយ... តើគេត្រូវអនុគ្រោះ ឲ្យអ្នកទាំងពីរឬទេ? កាលពីសប្ដាហ៍មុន បុរសជាអនុរក្ស (និងជាគ្រូ​បង្រៀនដែរ) និងស្ត្រីជាគ្រូបង្រៀន ឯកទេសគីមី នៃវិទ្យាល័យមួយ នៃក្រុង ស្វនស៊ី ត្រូវបានហាមឃាត់​មិន​ឲ្យ​បង្រៀន ចំនួន៣ឆ្នាំ បន្ទាប់ពីឈុតឆាក «បន្ធូរតណ្ហាបះជើង» មួយ របស់អ្នកទាំងពីរ ដែលបានប្រព្រឹត្តិ​នៅក្នុង​សាលា​នេះ តាំងពីអំឡុងរដូវផ្ការីក ឆ្នាំ២០១៤កន្លងទៅ ត្រូវបានទម្លាយចេញជាសាធារណៈ។

ការបែកធ្លាយ ដែលបង្កភាពរ៉ៅឆាន ដល់លោក ហ្គ្រាហាម ដានៀល (Graham Daniels) អាយុ៥១ឆ្នាំ និង​អ្នកស្រី ប៊ែថាន ថូម៉ាស (Bethan Thomas) អាយុ៣៧ឆ្នាំ ជារូបភាពថតពីខាងក្រៅ ដែលថតជាប់ដោយ​កូន​សិស្សម្នាក់ និងដែលត្រូវបានយកមកបង្ហោះ ចែកផ្សាយពាសពេញអ៊ិនធើណែត។ ក្នុងវីដេអូ ៣៤វិនាទី គេបានឭសម្លេង​អ្នក​ទាំង​ពីរ ដែលសុទ្ធតែមានប្រពន្ធ​មានប្ដី នាពេលនោះ [...]

ហេតុការណ៍បង្កភាពតក់ស្លុត ដល់អ្នកនៅជុំវិញ នៅរសៀលថ្ងៃសៅរ៍ទី១៩ ខែកញ្ញានេះ បន្ទាប់ពីពួកគេបាន មកចូលរួមដង្ហែកំសាសន្ដសប្បាយ នៅក្នុងកម្មវិធី «Techno Parade»។ ប៉ុន្តែអ្នកទទួលខុសត្រូវ ក្នុង​ការ​រៀបចំ​កម្មវិធីដង្ហែនេះ បានបញ្ជៀសការទទួលខុសត្រូវ ទាក់ទងនឹងមរណៈភាពរបស់យុវជន ដែលបណ្ដាលមក​ពី​ការឡើងទៅលើរូបសំណាក តំណាងឲ្យស្ត្រី«សាធារណរដ្ឋបារាំង» នៅលើទីលានសាធារណៈរដ្ឋ (place de la République) កណ្ដាលរដ្ឋធានីប៉ារីស។

ស្រង់សម្ដី ដោយទីភ្នាក់ងារសារព័ត៌មានបារាំង (AFP) លោក តូមី វ៉ូឌឺក្រាន (Tommy Vaudecranne) ប្រធាន​សមាគម «Technopol» ដែលរៀបចំកម្មវិធី «Techno Parade» បានឲ្យដឹងថា៖ «ហេតុការណ៍​យុវជន​ធ្លាក់ ពីលើរូបសំណាកនេះ បានកើតឡើង នៅក្រោយការបញ្ចប់ នៃកម្មវិធី "Techno Parade" ទៅ​ហើយ។ រាល់​យាន​យន្ដរបស់កម្មវិធី បានចាកចេញ ពីទីនោះអស់ហើយ។»

យុវជនខាងលើ ដែលអត្តសញ្ញាណ មិនត្រូវបានបង្ហើបឲ្យស្គាល់ [...]

បន្ទាប់ពីរងនូវខ្យល់ព្យុះ ដែលបានបោកបក់យ៉ាងខ្លាំងក្លារួចមក អ្នករស់នៅទីក្រុង ខូលូណី ដ៏តូច​មួយ នៃ​ប្រទេស​អៀឡង់ ចាំបាច់ត្រូវធ្វើតុល្យភាពឡើងវិញ ជាពិសេសនៅពេល ដែលដើមឈើមួយដើម ដែលមាន​ចំណាស់​តាំង​ពី២១៥ឆ្នាំមកហើយ ត្រូវបានរំលើងឫស រលំទាំងជំហរ។ ប៉ុន្តែនៅពេលដែលអ្នកភូមិ បានទៅដល់ជិត​ឫសឈើ ដែលមានវ័យដ៏ចំណាស់នេះ ពួកគេបានរកឃើញ គ្រោងឆ្អឹងជាច្រើន ដែលមានលក្ខណៈយ៉ាងចាស់​បូរាណ។

បន្ទាប់ពីត្រូវបានហៅ ឲ្យទៅពិនិត្យមើលហេតុការណ៍ រកឃើញខាងលើ ក្រុមអ្នកបូរាណវិទូ បានអះអាងថា សំណង់​ឆ្អឹងរបស់មនុស្សទាំងនេះ មានប្រវត្តិរបស់វា តាំងពីយុគសម័យបូរាណមកម្លេះ។

មរណៈភាពមួយ យ៉ាងទាន់ហន់

ការពិនិត្យស្រាវជ្រាវ បានបង្ហាញថា គ្រោងឆ្អឺងនេះ ជារបស់យុវជនវ័យក្មេងមួយរូប ដែលមានអាយុពី១៧ ទៅ​២០ឆ្នាំ និងបានរស់នៅ រវាងពីឆ្នាំ១០៣០ ទៅឆ្នាំ១២០០ ក្រោយគ្រឹស្ដ៍សករាជ។ បើតាមការស្រាវជ្រាវ ជំហាន​ដំបូងនេះ បានឲ្យដឹងថា យុវជនវ័យក្មេង [...]