Posts in ‘អត្ថបទមានវីដេអូ’ Category

តើលោក ហ៊ុន សែន នាយករដ្ឋមន្ត្រីកម្ពុជា មានការងារអ្វីខ្លះ? នៅក្នុងរយៈចុងក្រោយនេះ គេឃើញ​លោក​រវល់​ចុះ​ផ្ទាល់ នៅតាមមូលដ្ឋាន ជួបជាមួយពលរដ្ឋ​សឹងតែរាល់ថ្ងៃ។ សកម្មភាពនេះ ត្រូវ​លោក​នាយក​រដ្ឋមន្ត្រី​ខ្លួន​ឯង​និយាយ​ថា លោកចុះស្វែងរកសម្លេងឆ្នោត។ ប៉ុន្តែបន្ទាប់ពីសកម្មភាពនេះ គឺឃើញលោក ហ៊ុន សែន មាន​ការងារ​ដ៏​ចាំបាច់​មួយ​ទៀត៖ តាមដានមតិយោបល់ របស់បណ្ដាអ្នកប្រើប្រាស់បណ្ដាញសង្គម និងឆ្លើយតប​ទៅ​កាន់​មតិ​យោបល់​ទាំង​នោះ ​យ៉ាងក្បោះក្បាយ។

សូម្បីមតិយោបល់ របស់អ្នកប្រើប្រាស់បណ្ដាញសង្គមម្នាក់ ដែលទំនងជាជនជាតិវៀតណាម ដាក់ឈ្មោះ «Nguyen Van Tai» សរសេរដាក់នៅខាងក្រោម ការបង្ហោះផ្សាយ​ របស់​ទំព័រ​ផ្លូវការ​របស់​នាយករដ្ឋមន្ត្រីនោះ ក៏​លោក ហ៊ុន សែន បានចំណាយពេលឆ្លើយតប រហូតឆ្លើយលើស ពីប្រធានបទ​ដែល​លើក​ឡើង​ ដូចជា​ឃ្លា​ថា លោក​មិន​មែន​ជា​អាយ៉ង របស់វៀតណាម និងសារផ្ដាំ​ផ្ញើរ​បន្ថែម​មួយ​ចំនួន​​ទៀត​ជាដើម។ ម្ចាស់គណនីជាតិ​វៀតណាម​នោះ [...]

រូបថត និងវីដេអូ បង្ហាញពីកុមារ អ៊ូមរ៉ាន (Omrane) ដែលដិតដាមដោយឈាម នៅជាប់នឹងផ្ទៃមុខ និងលើ​ដង​ខ្លួន បានបង្កភាពរន្ធត់ញាប់ញ័រ នៅទូទាំងពិភពលោក។ ប៉ុន្តែទិដ្ឋភាពនេះ នៅបន្តលងកុមារ អ៊ូមរ៉ាន និង​គ្រួសារ​នៅ​ឡើយ ដោយសារកុមារ អាលី (Ali) បងប្រុសរបស់កុមារ អ៊ូមរ៉ាន បានស្លាប់កាលពីចុងសប្ដាហ៍នេះ ដោយ​មិន​អាច​ទ្រាំទ្រនឹងរបួសដ៏ធ្ងន់ធ្ងរ របស់ខ្លួនបាន។ នេះបើតាមក្រុមអ្នកឃ្លាំមើលសិទ្ធិមនុស្ស នៅក្នុងប្រទេសស៊ីរី ហៅ​កាត់​ថា «OSDH»។

ក្រុមអ្នកឃ្លាំមើល បានអះអាងថា៖ «អាលី ដែលមានអាយុ១០ឆ្នាំ បានផុតជីវិត កាលពីថ្ងៃសៅរ៍ ដោយ​សារ​របួស​ធ្ងន់ធ្ងររបស់ខ្លួន ដែលបណ្ដាលមកពីការទម្លាក់គ្រាប់បែក កាលពីថ្ងៃទី១៧ ខែសីហាកន្លងមក។ ការ​ទម្លាក់​គ្រាប់​បែក ដែលបានបង្ករបួស​យ៉ាងធ្ងន់ធ្ងរដូចគ្នា ចំពោះកុមារ អ៊ូមរ៉ាន ដែលត្រូវជាប្អូន។»

បណ្ដាព័ត៌មាន «Aleppo Média Centre» ដែលប្រមូលផ្ដុំដោយអ្នកសារព័ត៌មានស្ម័គ្រចិត្តជាច្រើន [...]

គ្រោះថ្នាក់បានកើតឡើង នៅពេលដែលក្រុមកីឡាករប្រណាំងម៉ូតូទាំងនេះ ចាប់ផ្ដើមធ្វើការរត់សាកល្បង ជា​លើក​ទី៣ ដែលសុទ្ធសឹងជាការសាកល្បង ធ្វើឡើងកាលពីថ្ងៃសៅរ៍ នៅមុនការប្រកួតដណ្ដើមពានរង្វាន់ធំ នៃ​«Moto2» នៅក្នុងប្រទេសឆែក ដែលប្រព្រឹត្តិទៅ នៅថ្ងៃអាទិត្យស្អែកឡើង។

ផ្ទុយស្រឡះពីសភាពគ្រោះថ្នាក់ ដែលគេឃើញម៉ូតូ និងអ្នកបើកបានប៉ើងខ្លួនជាច្រើនត្រឡប់នោះ កីឡាករ​ជាតិ​ស្វីស «Thomas Lüthi» ត្រូវបានគេរាយការណ៍មកថា មិនមានរងរបួសអ្វីធំដុំនោះទេ។

Grosse chute de Thomas Luthi en début de séance, la moto qui passe au dessus du grillage. #Moto2 #MotoGP #CzechGP