«ដូងយក្ស» ប្រភេទក្ដាមធំជាងគេលើលោក បង្ហាញខ្លួននៅហាវ៉ៃ (vdo)
«វាបានដើរគើមៗ ដូចគ្មានជំពាក់នរណាមួយរៀល។ ហើយមនុស្សទាំងអស់គ្នា ទាំងឡានទាំងម៉ូតូ ត្រូវតែនាំគ្នាបង្អន់ល្បឿន ដើម្បីទុកឲ្យសត្វក្ដាមមួយនេះ ធ្វើដំណើរ ដូចជាវាជាមនុស្សថ្មើរជើងអញ្ចឹង។» នេះជាការថ្លែងអះអាងរបស់លោក ហូលី កានតេរ៉េ ប្រាប់ទៅទូរទស្សន៍ក្នុងតំបន់មួយ ឈ្មោះ KHON-2។
ក្ដាម«ដូងយក្ស»ជាប្រភេទក្ដាមសមុទ្រដែលធំជាងគេ ក្នុងពិភពលោក។ ប៉ុន្តែក្ដាមដែលយើងឃើញក្នុងវីដេអូ ឬរូបថតនេះ មានទំងន់ត្រឹមតែ២គីឡូក្រាមប៉ុណ្ណោះ ខណៈប្រភេទសត្វមួយនេះ អាចមានទម្ងន់រហូតដល់៤គីឡូក្រាម មានប្រវែងពីចុងជើងទៅមួយជើងមួយទៀត ១ម៉ែត្រ និងអាចរស់បានរហូតដល់ទៅ១២០ឆ្នាំ។
នៅលើកោះហាវ៉ៃ សត្វនេះជាប់ឈ្មោះ ខាងតោងឡើងគាស់ធុងសម្រាម ចាប់សត្វឆ្មារជាចំណី និងពូកែខាងព្យួរាស់ដី (ជាពិសេសសួនច្បារ) ដោយគ្មាននរណាសុំឲ្យធ្វើ។ មានរឿងមួយ [...]