កូរ៉េខាងជើងទំនងចង់សាកល្បងនុយក្លេអ៊ែរលើកទី៤ និងកាំជ្រួចអន្តរទ្វីប
ប្រទេសកូរ៉េខាងជើង ទំនងកំពុងរៀបចំសម្រាប់ថ្ងៃខាងមុខ ការបាញ់សាកល្បង កាំជ្រួចបញ្ជាពីចម្ងាយ និងការសាកល្បងនុយក្លេអ៊ែរជាលើកទីបួន។ ទីក្រុងសេអ៊ូល បានផ្សាយដំណឹង ពីការសាកល្បងនេះ ថាប្រហែលជានឹងត្រូវធ្វើ ក្នុងរវាងតែពីរខែក្រោយការសាកល្បង ធ្វើកាលពីខែកុម្ភះកន្លងទៅ ដែលបង្កអោយមាន ការដាក់ទណ្ឌកម្ម ពីសហគមន៍អន្តរជាតិ ទៅលើប្រទេសកុម្មុយនីស។
ទីតាំង UNHA សម្រាប់បាញ់សាកល្បង នូវកាំជ្រួចទាំងឡាយ របស់កូរ៉េខាងជើង។
រដ្ឋមន្ត្រីក្រសួងបង្រួបបង្រួមកូរ៉េ របស់ប្រទេសកូរ៉េខាងត្បូង លោក រីយ៉ូ គីល-ជេ (Ryoo Kihl-Jae) បានលើកពី«សញ្ញា» នៃសកម្មភាពខុសប្លែកពីធម្មតា នៅជុំវិញតំបន់សាកល្បងនុយក្លេអ៊ែរ របស់កូរ៉េខាងជើង។ តែលោកបានបដិសេធ មិននិយាយអ្វីផ្សេង ច្រើនជាងនេះឡើយ។
កាសែតប្រចាំថ្ងៃ ចុង អាង អ៊ីលប៊ូ [...]
