ឧកញ៉ាម្នាក់ប្រកាសជូនកីឡាករខ្មែរ ដែលទាត់បាល់ពិន័យយប់ម៉ិញ «១លានរៀល»
ទោះការប្រកួត នៅមិនទាន់ចប់ និងមិនទាន់ដឹងលទ្ធផលចាញ់ឈ្នះ ចុងក្រោយនៅឡើយ តែកីឡាករបាល់ទាត់ជម្រើសជាតិកម្ពុជា ទទួលបានការលើកទឹកចិត្តយ៉ាងខ្លាំង រួចជាស្រេចហើយ ពីសំណាក់អ្នកគាំទ្ររបស់ខ្លួន។ ជាពិសេសគឺការគាំទ្រ លើកទឹកចិត្តពីសំណាក់ឧកញ៉ាម្នាក់ ទៅដល់កីឡាករ ប្រាក់ មុន្នីឧត្ដម ដែលរកគ្រាប់បាល់បាន មួយគ្រាប់បន្ថែមទៀត ដោយទាត់បាល់ពិន័យ នៅនាទីទី៦០ និងដែលធ្វើឲ្យក្រុមកីឡាករកម្ពុជា នាំមុខក្រុមកីឡាករ ឆាយនីសតៃប៉ិ រហូតដល់ពិន្ទុ២ទល់នឹង០។
លោកឧកញ៉ា ហេង សិទ្ធី បានប្រកាស នៅក្នុងគណនីហ្វេសបុកផ្ទាល់ខ្លួនថា លោកនឹងឧបត្ថម្ភទឹកប្រាក់ ចំនួនមួយលានរៀលដល់កីឡាករ ប្រាក់ មុន្នីឧត្តម ដែលជាអ្នកទាត់បាល់ពិន័យ បានសម្រេច។ ដើម្បីអាចទទួលយកការឧបត្ថម្ភនេះបាន លោកឧកញ៉ា បានស្នើទៅកីឡាករ ដើម្បីធ្វើការទាក់ទង ទៅកាន់ជំនួយការរបស់លោក ដោយមានទាំងលេខទូរស័ព្ទផង។ ប៉ុន្តែលេខទូរស័ព្ទនេះ ត្រូវបានលប់ចេញទៅវិញ [...]
