Posts in ‘សម្រាំងជាខេមរភាសា’ Category

នាព្រឹកថ្ងៃទី១៨ មិថុនានេះ ពលករខ្មែរចំនួនទាំង២៣០នាក់ ដែលអាជ្ញាធរឥណ្ឌូណេស៊ី ឃាត់ខ្លួននៅកោះអំបន់ (Ambon) បានត្រឡប់ មកដល់កម្ពុជាវិញហើយ ចំនួន២១៣នាក់ ឯពលករចំនួន១៧នាក់ទៀត នឹងត្រឡប់មក​ដល់​មាតុភូមិវិញ នារសៀលថ្ងៃដដែល។ ពលករមួយចំនួន បានស្ម័គ្រចិត្តផ្ដល់កិច្ចសម្ភាស ជាមួយទស្សនាវដ្តី​មនោរម្យ.អាំងហ្វូ ដូចខាងក្រោម។

លោក មុំ បារាំង មកពីខេត្តបន្ទាយមានជ័យ បានលើកឡើងថា លោកបានទៅចុះទូកនេសាទនេះ ដំបូង​ឡើយ​ឆ្លងកាត់ និងមានស្គាល់មិត្តភ័ក្រម្នាក់ ដែលបាននាំចុះទូកនេសាទថៃ ហើយបានបន្តចុះ ទៅដល់ប្រទេស​ឥណ្ឌូណេស៊ី។ លោកថាការរស់នៅ លើទូកនេសាទនោះ គ្មានការគាបសង្កត់ឡើយ ដូចជាការធ្វើ ឬការរស់នៅ​ប្រចាំថ្ងៃ។ ក្នុងមួយខែលោកទទួលបានប្រាក់បៀវត្យជាង«ប្រាំបួនពាន់បាត»។ លោកបានបន្តថា ក្នុងប្រទេស​ឥណ្ឌូនេស៊ីរូបលោក និងកម្មករមួយចំនួនទៀត ត្រូវអាជ្ញាធរឥណ្ឌូនេស៊ី ចោទប្រកាន់ថារស់នៅខុសច្បាប់ និង​បាន​ចាប់ទូកទុក៤ថ្ងៃ [...]

ខ្មាន់កាំភ្លើង ដែលបានបើកការបាញ់ប្រហារ បង្កឲ្យមានមនុស្សស្លាប់៩នាក់ នៅយប់ថ្ងៃពុធ ក្នុងព្រះវិហារមួយ នៃ​សហគមន៍ជនស្បែកខ្មៅ នាភាគខាងជើង នៃក្រុងឆារឡេស្ដុន (Charleston - រដ្ឋការ៉ូលីនខាងត្បូង សហរដ្ឋ​អាមេរិក) ត្រូវបានគេដឹងថា បានចូលមកសំងំសូត្រធម៌ អស់រយៈពេល១ម៉ោង មុននឹងដកកាំភ្លើង បាញ់រះទៅលើ​បណ្ដាជន។ បន្ទាបមក ជននេះបានរត់គេចខ្លួន និងកំពុងត្រូវអាជ្ញាធរ កំពុងស្វែងរកចាប់ខ្លួននៅឡើយ រហូត​មក​ដល់​ព្រឹកថ្ងៃព្រហស្បត្តិ៍នេះ។ នេះបើតាមប្រភព ពីមន្ត្រីនគរបាល។

លោក គ្រេហ្គ័រី មូឡេន (Gregory Mullen) នាយនគរបាលក្រុង ឆារឡេស្ដុន បានថ្លែងប្រកាស នៅក្នុង​សន្និសីទ​សារព័ត៌មានថា ជនសង្ស័យ ជាជនស្បែកស និងប្រកបដោយសភាពគ្រោះថ្នាក់នេះ បានស្ថិតនៅ​ប្រមាណ​ជា ១ម៉ោង ជាមួយនឹងក្រុមមនុស្ស ដែលកំពុងសិក្សាពីគុម្ពីប៊ីប ក្នុងព្រះវិហារ មុននឹងបើកការ​បាញ់​ប្រហារ។

ដើម្បីស្វែងរក ចាប់ខ្លួនជននេះ នគរបាលក្រុងបានសហការជាមួយ [...]

តើនរណាម្នាក់ ដែលមិនភ្ញាក់ផ្អើល នៅពេលបានបើកទ្វាផ្ទះ នៅព្រឹកព្រលឹមឡើង ស្រាប់តែឃើញ មានពស់​មួយ​ក្បាល នៅខាងមុខផ្ទះនោះ? ប៉ុន្តែសម្រាប់លោក ណៃ វង់ដា និងគ្រួសារ វិញ ករណីនេះ មិនត្រឹមជាការ​ភ្ញាក់​ផ្អើល មួយធម្មតានោះទេ។ លោកបានអះអាងថា នេះជាការគម្រាមមួយ ទៅលើរូបលោក ដែលជាសកម្មជនសិទ្ធិ​មនុស្ស។

បើទោះជាពស់នោះ ជាពស់ស្លាប់ ដែលត្រូវគេច្រកក្នុងស្បោង យកមកដាក់ចោល នៅខាងមុខផ្ទះលេខ ១០អេ ផ្លូវ៣៦១ សង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញក៏ដោយ តែអនុប្រធានផ្នែកសិទ្ធិមនុស្ស និង​ជំនួយ​ការផ្នែកច្បាប់ នៃសមាគមការពារសិទ្ធិមនុស្ស អាដហុក លោក ណៃ វ៉ង់ដា បានថ្លែងអះអាង ប្រាប់ទស្សនាវដ្តី​មនោរម្យ.អាំងហ្វូ ថាជាចេតនា របស់ជនអនាមិក ក្នុងការ«គម្រាម»លោកតែម្តង។ លោកបានធ្វើការ​សន្និដ្ឋាន​ថា៖ «ទីមួយ នៅភ្នំពេញគ្មានទេ ប្រភេទពស់អញ្ចឹង។ ទីពីរ ច្រកស្បោង យកមកដាក់មុខផ្ទះ ហើយបញ្ចេញក្បាល​ពស់ងាប់នោះ ថែមទាំងលានអណ្តាតមកទៀត [...]