Posts in ‘សម្រាំងជាខេមរភាសា’ Category

ម្ចាស់ស្នេហ៍ថ្មីរបស់អ្នកនាង ចន ច័ន្ទលក្ខិណា តារាសម្ដែងល្បីនោះ នរណាៗក៏គេបានស្គាល់ដែរថា ជាលោក ហេង ណារ័ត្ន បុរសពោះម៉ាយមួយរូប ដែលសម្បូរទៅភោគទ្រព្យ យ៉ាងហូរហៀ។ ចង់មិនចង់ នរណាៗ​ក៏គេ​អាចមើលដឹងថា ម្ចាស់ចិត្តថ្មីរបស់អ្នកនាង ចន ច័ន្ទលក្ខិណា ប្រាកដជាមានភាពល្អូកល្អឺន នឹងគ្នាណាស់ ព្រោះ​បើគេឃើញតារាសម្ដែង បង្ហាញរូបថតជាញឹកញយ នៅតាមបណ្ដាញសង្គម រវាងនាងនិងលោក ណារ័ត្ន នោះ ចំណែកបុរសពោះម៉ាយបណ្ដូលចិត្តវិញ ក៏បានប្រកាសប្រាប់គេឯងដែរថា លោកកំពុងរៀបចំ បង្កើតអង្គការ​មួយ ឲ្យតារាល្បីជាអ្នកគ្រប់គ្រង។

ថ្លែងក្នុងបទសម្ភាស៍ ជាមួយ«វិទ្យុសម្លេងប្រជាធិបតេយ្យ (VOD)» កាលពីចុងសប្ដាហ៍នេះ លោក ហេង ណារ័ត្ន ហៅ ហេង ឡុង បានបញ្ជាក់ថា អង្គការមួយនេះ ជាជំហ៊ានថ្មីរបស់អ្នកនាង ចន ច័ន្ទលក្ខិណា ហើយជំហ៊ានថ្មី​នេះ លោកកំពុងធ្វើឯកសាររត់ការមួយចំនួន ដើម្បីបង្កើតអង្គការមួយ ដែលមានឈ្មោះថា «Our Community ឬសហគមន៍យើង» សម្រាប់នាងជាអ្នកគ្រប់គ្រង។ [...]

វិវាតរឿងព្រំដែន របស់ប្រទេសកម្ពុជា ជាមួយនឹងប្រទេសជិតខាង ទើបនឹងត្រូវបាននាយករដ្ឋមន្ត្រីកម្ពុជា បើក​ទំព័រថ្មីដ៏សំខាន់មួយ ឆ្ពោះទៅកាន់យន្ដការអន្តរជាតិ។ នោះ គឺលោក ហ៊ុន សែន បានស្នើសុំ​«ខ្ចី»ផែនទីផ្លូវការ នៃ​ព្រំដែនប្រទេសកម្ពុជា ពីអង្គការសហប្រជាជាតិ ដែល​ជា​អង្គការ​ពិភព​លោក ធំជាងគេបង្អស់ មានរដ្ឋ​ជា​សមាជិក សឹងតែគ្រប់ប្រទេស នៅលើផែនដី។

នៅចំពោះកាយវិការ របស់លោក ហ៊ុន សែន នៅពេលនេះ ត្រូវបានអ្នកឃ្លាំមើលបញ្ហាព្រំដែន និងតាមដាន​ស្ថានការណ៍កម្ពុជា អបអរជាទូទៅ។ ប៉ុន្តែទន្ទឹមនឹងនោះ ការបកស្រាយពន្យល់ផ្សេងៗ ក៏បានកើត​ឡើង​ព្រមគ្នា​ដែរ។ លោក ព្រហ្ម គិត អតីតមន្ត្រីបួនជំនាន់ ជំនាញខាងច្បាប់ មកពីកម្ពុជា ដែលសព្វថ្ងៃចូលនិវត្តន៍ នៅ​ក្នុង​តំបន់ ពីរ៉ាណេ នៃប្រទេសបារាំង បានឃើញការស្នើ«សុំខ្ចី»នោះ ហើយបានសម្ដែងចម្ងល់ថា លោក ហ៊ុន សែន កំពុងរៀនធ្វើនាយករដ្ឋមន្ត្រី ផ្នែកដោះស្រាយបញ្ហាព្រំដែន រវាងប្រទេសកម្ពុជា និង​ប្រទេស​​វៀតណាម [...]

ការផ្តើមដំបូង ក្នុងបទចម្រៀងនោះ អ្នកចម្រៀង​ដែលគេ​មិនស្គាល់មុខ បានច្រៀងឡើងថា៖ «កម្ពុជា កម្ពុជា បាញ់គ្នា​ទៀតហើយ ស្រណោះមនុស្សចាស់ ស្រណោះកូនក្មេង ងាប់ម៉្មតហើយ ងាប់ម៉្មតហើយ។» រួចបាន​រៀប​រាប់ ក្នុងភាសារខ្មែរសូរិន្ទ្រ បែបរឺដឺនទៀតថា៖ «កម្មអើយ កម្ពុជា បាញ់គ្នាៗទៀត​ហើយ រណឬទ្ធិ ហ៊ុន សែន … អាណិតឯណោះ មនុស្សចាស់ ក្មេង ក្រមុំ លឺសម្លេងកាំភ្លើងធំ រត់ចោលស្រុកស្រែ»។

ដោយមានលាយជាមួយភាសាថៃ បែបទួញសោកខ្លះៗផង ចម្រៀងបានរៀបរាប់ថា សង្គ្រាមស៊ីវិលនៅកម្ពុជា បានកើតឡើងចំនួនពីរដងហើយ មនុស្សបែក​បាក់​គ្រួសារ ឃ្លាតឪពុកម្តាយ បងប្អូន រស់នៅយ៉ាងវេទនា គ្មាន​ទីពុំនាក់ និងគ្មានការរស់នៅស្រួលឡើយ ក្នុងជាតិនេះ។ រីឯលោក ហ៊ុន សែន វិញ មានភាពចំណាប់ ក្នុង​ការ​ធ្វើសង្គ្រាមនោះ ដោយបានសម្លាប់មនុស្ស ជាហូរហែរ និងខ្លះទៀតបានបាញ់ចោល ដូចជាគេធ្វើមែនទែន យ៉ាង​ដូច្នោះដែរ។

សូមរំលឹកថា ព្រឹត្តិការណ៍បង្ហូរឈាម ដោយយោធា [...]

អតីតអ្នកនាំពាក្យ និងជាជំនិតរបស់ព្រះអង្គម្ចាស់ នរោត្ដម រណឫទ្ធិ លោក នរ៉ាណាឫទ្ធិ អានន្ទដាយ៉ាត ទើប​នឹង​ទទួលបានតំណែងថ្មីមួយ ពីនាយករដ្ឋមន្រ្តីកម្ពុជា និងជាប្រធានគណបក្ស កាន់អំណាច លោក ហ៊ុន សែន។ ការតែងតាំងនេះ បានធ្វើឡើង ប្រមាណជា១០ថ្ងៃ បន្ទាប់ពីលោក ហ៊ុន សែន បានឡើងកាន់តំណែងថ្មី (ថ្ងៃទី២០ ខែមិថុនា ឆ្នាំ២០១៥) ជាប្រធានគណបក្សប្រជាជនកម្ពុជា ជំនួសអតីតប្រធានគណបក្ស លោក ជា ស៊ីម ដែល​បានធ្វើមរណភាព កាលពីដើមខែមិថុនា។

លិខិតសម្រេច ស្តីពីការតែងតាំងមន្រ្តីគណបក្ស ចុះថ្ងៃទី១ ខែកក្កដា ឆ្នាំ២០១៥ ដែលមានហត្ថលេខា (ជ) គណៈ​អចិន្ត្រៃយ៍ នៃគណកម្មាធិការកណ្តាល ដោយប្រធាន គណបក្សប្រជាជនកម្ពុជាថ្មី លោក ហ៊ុន សែន និង​ជានាយករដ្ឋមន្រ្តីកម្ពុជា នៅត្រង់ប្រការមួយ បានសរសេរថា៖ «តែងតាំងឯកឧត្តម នរ៉ាណាឫទ្ធិ អានន្ទដាយ៉ាត ជាទីប្រឹក្សាផ្ទាល់ របស់សម្តេចអគ្គមហាសេនាបតីតេជោ ហ៊ុន សែន ប្រធាគណបក្សប្រជាជនកម្ពុជា។»

ទីបំផុតទៅ លោកនាយករដ្ឋមន្រី ហ៊ុន សែន បានសរសេរសំបុត្រ ស្នើទៅអគ្គលេខាធិការ អង្គការសហ​ប្រជា​ជាតិ លោក បាន គីមូន ដើម្បីសុំខ្ចីផែរនទីខ្នាត ១/១០០ ០០០ ដែលបានបោះពុម្ព ដោយក្រុមភូមិសាស្ត្រ​ឥណ្ឌូចិន និងកំពុងតម្កល់ទុក នៅអង្គការសហប្រជាជាតិ។

ក្នុងលិខិតចុះថ្ងៃទី៦ ខែកក្កដា ឆ្នាំ២០១៥ លោក ហ៊ុន សែន បានសរសេរបញ្ជាក់ថា ការខ្ចីផែនទីនេះ ក្នុង​គោល​បំណង យកមកផ្ទៀងផ្ទាត់ បញ្ជាក់ពីភាពត្រឹមត្រូវ ពិតប្រាកដជាមួយនឹងផែនទី ដែលរាជរដ្ឋាភិបាលកម្ពុជា បាន​នឹងកំពុងប្រើប្រាស់ ដើម្បីកំណត់ព្រំដែនគោក ព្រំដែនទឹក រវាងកម្ពុជា និងប្រទេសជិតខាង និងដើម្បីបង្ហាញ ពីបុព្វហេតុសន្តិភាព និងស្ថិរភាពក្នុងតំបន់។

លោកនាយករដ្ឋមន្រ្តីកម្ពុជា បានលើកយកមាត្រា២ ក្នុងរដ្ឋធម្មនុញ្ញ ដែលជាច្បាប់កំពូលរបស់កម្ពុជា មក​បញ្ជាក់​ថា៖ «បូរណភាពទឹកដី របស់ព្រះរាជជាណាចក្រកម្ពុជា មិនអាចរំលោភបានដាច់ខាត ក្នុងព្រំដែន​របស់​ខ្លួន ដែល​មាន​កំណត់ [...]