Posts in ‘សម្រាំងជាខេមរភាសា’ Category

ផែនទីសព្វថ្ងៃ ដែលរដ្ឋាភិបាលបាន និងកំពុងប្រើប្រាស់ សុទ្ធសឹងជាផែនទី ដែលទទួលស្គាល់ ដោយអង្គ​អតីត​ព្រះមហាក្សត្រ នរោត្ដម សីហនុ និងព្រះមហាក្សត្រសព្វថ្ងៃ ព្រះនរោត្ដម សីហមុនី។ នេះជាការថ្លែងអះអាង របស់​លោក ផៃ ស៊ីផាន អ្នកនាំពាក្យ និងជារដ្ឋលេខាធិការ ទីស្តីការគណរដ្ឋមន្រ្តី ដែលជាសេនាធិការ​ដ៏​សំខាន់​មួយ នៃរដ្ឋាភិបាលរបស់លោក នាយករដ្ឋមន្ត្រី ហ៊ុន សែន។

សរសេរនៅលើ ទំព័រហ្វេសប៊ុកដ៏ល្បីល្បាញ លោក ផៃ ស៊ីផាន បានអះអាងថា៖ «បើយោងតាមឯកសារ របស់​ព្រះករុណា ព្រះបាទសម្តេច ព្រះនរោត្តម សីហនុ (អតីតព្រះមហាក្សត្រកម្ពុជា) ដែលព្រះអង្គបានឡាយ​ព្រះចុត​ហ្មាយផ្ញើជូន ឯកឧត្តម ផាំ វ៉ាន់ដុង នៅថ្ងៃទី២៧ ខែកញ្ញា ឆ្នាំ១៩៩៩ នោះ ព្រះអង្គបានលើកឡើងថា “ផ្អែកតាម​ផែនទីបារាំង” ហើយសាធារណៈជនបានដឹងឮ ពីការផលិតផែនទី របស់ក្រុមភូមិសាស្ត្រឥណ្ឌូចិនផងដែរ»។

មន្ត្រីអ្នកនាំពាក្យ បានស្រង់ព្រះសំណេរមួយ របស់អតីតព្រះមហាក្សត្រ សីហនុ [...]

នាង អាលីស ស្ទីរ៉េត (Alice Stirrat) អាយុ២២ឆ្នាំ បានមករស់នៅក្នុងក្រុងហុងកុង តាំងពី៤ខែមកហើយ ដើម្បី​ការងាររបស់នាង ក្នុងនាមជាភ្នាក់ងារបង្ហាញម៉ូដ។ ប៉ុន្តែយុវតីរូបនេះ អាចនឹងជួបញ្ហា នៅពេលដែល​វីដេអូ​មួយ​របស់​នាង ថតដោយមិត្តរបស់នាង ម្នាក់ទៀតអាយុ ២៣ឆ្នាំ នាង អែលម៉ា ស្ទូប (Emma Stubbs) បាន​ថត​ហើយ​យកទៅបង្ហោះ នៅលើបណ្ដាញសង្គម។

នៅបន្ទាប់ពីត្រឡប់ មកពីពិធីជប់លៀងមួយ ដ៏ជោគជាំដោយសុរា យុវតីទាំងពីបានដើរលេង នៅតាមដងផ្លូវ ហើយបានដោះអាវ របស់ពួកនាងចោលទាំងអស់ និងបន្ទាប់មកបានយកថាំលាប ពណ៌ស មកលាប​ពាស​ពេញ​ខ្លួន។

នៅក្នុងវីដេអូដែលត្រូវបានយកមកបង្ហោះ នៅលើបណ្ដាញសង្គម «WhatApp» គេបានដឹងថា នាង អែលម៉ា កំពុងថតវីដេអូ មិត្តរបស់នាង យុវតី អាលីស ដែលកំពុងយកដៃមកត្រដុស ច្របាច់សុដន់របស់នាង ជាច្រើន​ដង។ ជាមួយនឹងកាយវិការនេះ នាង អាលីស ថែមទាំងនិយាយ «បន្សើមខ្ញុំ បន្ដិចមកៗ!» តាមសំនៀង​ភាសា​ចិននោះផងទៀត។

រូបភាពវីដេអូ [...]

នាយកប្រតិបត្តិ នៃអង្គការតម្លាភាពកម្ពុជា លោក ព្រាប កុល បានលើកឡើងថា បើគណបក្សនយោបាយ​ណា​មួយ មិនបានបង្ហាញនូវគោលនយោបាយ ពាក់ព័ន្ធនឹងកិច្ចខំប្រឹងប្រែងចូលរួម ទប់ស្កាត់ ឬប្រឆាំងនឹង​អំពើ​ពុក​រលួយនោះទេ គណបក្សនោះនឹងមិនអាច ទទទួលបាននូវការគាំទ្រ ពីប្រជាពលរដ្ឋនោះឡើយ។

ការថ្លែងរបស់លោក បានធ្វើឡើង នៅក្នុងសិក្ខាលាលាមួយស្តីពី «ការស្វែងយល់អំពីអំពើពុករលួយ និង​វិធី​សាស្រ្តក្នុងការទប់ស្កាត់ក្នុងបរិបទប្រទេសកម្ពុជា» កាលពីព្រឹកថ្ងៃទី២៥ ខែសីហា ឆ្នាំ២០១៥ នា​ការិយាល័យ​នៃវិទ្យស្ថានខ្មែរ សំរាប់សហប្រតិបត្តិការ និងសន្តិភាព។

លោក ព្រាប កុល បាននិយាយចុចចំ ទៅគណបក្សកាន់អំណាច ឬរដ្ឋាភិបាល ថាបានបង្ហាញនូវគោល​នយោបាយ នៃការទប់ស្កាត់អំពើពុករលួយ នៅកម្ពុជា ក្នុងកម្មវិធីគោលនយោបាយរបស់ខ្លួនហើយ តែចាំបាច់ ក៏ត្រូវបង្ហាញនូវសកម្មភាព «ទប់ស្កាត់ជាក់ស្តែង» ក្រោមកិច្ចដឹកនាំរបស់ខ្លួនដែរ។ យ៉ាងណា លោកទទួល​ស្គាល់ថា មានបញ្ហាពិបាកខ្លះ [...]

គ្រោះថ្នាក់ចរាចរណ៍មួយ បានកើតឡើង នៅវេលាម៉ោង ២៤ និង ៥០ នាទីយប់ ឈានចូលថ្ងៃទី ២៥ ខែ សីហា ឆ្នាំ២០១៥ ដែលបង្កឡើង ដោយបុរសស្រវឹងស្រាម្នាក់ ដែលបានបើករថយន្តរបស់ខ្លួន ម៉ាក អូឌី ពណ៍ខ្មៅ ពាក់​ស្លាកលេខភ្នំពេញ 2X 6927 ទៅបុកបង្គោលភ្លើងស្ថិត នៅតាមបណ្តោយផ្លូវ ៣៥៥ ជិតរង្វង់មូល​​អង់តែន​​ទួល​គោក សង្កាត់ទទួលសង្កែ ខណ្ឌឬស្សីកែវ រាជធានីភ្នំពេញ។

តាមប្រភពពីកន្លែងកើតហេតុ បានឲ្យដឹងថា បុរសដែលបើកបររថយន្ត ស្ថិតក្នុងភាពស្រវឹង បានបើកក្នុង​ល្បឿន​យ៉ាងលឿន លុះមកដល់កន្លែងកើតហេតុ រថយន្តវេចង្កូតមិនត្រង់ផ្លូវ ក៏ជ្រុលទៅបុកបង្គោលភ្លើង នៅ​តាម​ផ្លូវ​តែ​ម្តង។ ប៉ុន្តែជាសំណាងល្អ ដែលក្នុងហេតុការណ៍នេះ មិនបានបង្កឲ្យប៉ះពាល់ដល់អាយុ ជីវិតឡើយ។

ក្រោយពេលកើតហេតុ សមត្ថកិច្ចបានមកដល់ ហើយស្ទូចយករថយន្តបង្ក ទៅរក្សាទុកនៅចរាចរណ៍​រាជធានី ដើម្បីរងចាំម្ចាស់រថយន្ត ចូលមកដោះស្រាយ តាមនិតិវិធីច្បាប់។ ចំណែកឯម្ចាស់រថយន្តបង្ក [...]

នៅក្នុងវីដេអូមួយ ដែលថតពីការថ្លែង របស់ប្រធានាធិបតីអាមេរិក លោក បារ៉ាក់ អូបាម៉ា ដែលបាន​និយាយក្នុង​លក្ខខណ្ឌទូទៅ ត្រូវបានមនុស្សមួយចំនួន យកមកប្រៀបធៀប ថាមានន័យចង់​បញ្ឆិត​បញ្ឆៀង ឲ្យបុរសខ្លាំង​កម្ពុជា ដែលកាន់អំណាច តាំងពីជាង៣​ទសវត្ស​មក​ហើយ។ នៅក្នុងវីដេអូនោះ លោក អូបាម៉ា បាននិយាយថា តើហេតុអីបានជាមេដឹកនាំខ្លះ ស្រឡាញ់អំណាច ហើយ​បន្តរយៈពេល ដឹកនាំប្រទេស​របស់ខ្លួន ដើម្បីឲ្យពួកគេ បានបន្តស្ថិតក្នុងតំណែង បានយូរតទៅមុខទៀត? សំរាប់ខ្លួនលោកប្រធានាធិបតី​ផ្ទាល់វិញ ទោះបីជាលោក​នៅ​ក្មេង លោកមានប្រាក់ច្រើន ហើយអាចបន្តធ្វើ​ការងារ​ជាប្រធាធិបតីនេះ អាច​ឈ្នះ​ការបោះឆ្នោតទៀត និងទោះ​ជាលោកមានសិទ្ធិ ឈរឈ្មោះបន្តនោះក៏​ដោយ​  តែលោកនឹងមិនធ្វើដូច្នោះឡើយ ព្រោះអ្នកផ្សេងគេអាច​មាន​គំនិត​ថ្មី ចំណេះដឹងថ្មី ថាមពលថ្មី ដែលនាំឲ្យប្រទេសជាតិ មានភាពរីកចំរើនថែម​ទៀត​បាន។

ការលើកឡើងរបស់លោក អូបាម៉ា នេះ មិនមែនទើបនឹងត្រូវបានធ្វើ [...]