Posts in ‘គួរតែអាន នៅទំព័រមុខ’ Category

លោក អំ សំអាត សកម្មជនការពារសិទ្ធិមនុស្សមួយរូបនៅក្នុងប្រទេសកម្ពុជា បានថ្លែងក្នុងបទសម្ភាសជាមួយ​ទស្សនាវដ្តី​មនោរម្យព័ងអាំងហ្វូ នៅថ្ងៃទី១៧ខែតុលាថា មូលហេតុចម្បងឲ្យមានការប៉ះទង្គិចគ្នាកើតឡើង ដោយសារការបិទផ្លូវ និង​កង្វះសមត្ថភាពរបស់អជ្ញាធរ។ ការថ្លែងរបស់លោកដូច្នេះ បន្ទាប់ពីក្នុងរយៈពេលប៉ុន្មានខែចុងក្រោយមកនេះ ការប៉ះទង្គិច​គ្នារវាងក្រុមប្រប្រជាពលរដ្ឋ និងអជ្ញាធរ តែងបានកើតឡើងជាញឹកញាប់នៅរាជធានីភ្នំពេញ។

ការដាក់ពង្រាយកងកម្លាំងសមត្ថកិច្ចរាប់សិបរយនាក់ ដើម្បីទប់ទល់នឹងការជួបជុំរបស់ពលរដ្ឋរងគ្រោះនឹងបញ្ហាដីធ្លី កាលពីថ្ងៃទី១០ខែតុលាឆ្នាំ២០១៣។ (រូបថត MONOROOM.info/ O. Vary)

រាជធានីភ្នំពេញ - សូមតាមដានបទសម្ភាសន៍ រវាងទស្សនាវដ្តីមនោរម្យព័ងអាំងហ្វូ ជាមួយលោក អំ [...]

ទីបំផុតទៅ សេចក្តីថ្លែងការណ៍មួយ ចុះថ្ងៃទី១៤ ខែតុលា ឆ្នាំ២០១៣ របស់គណបក្សប្រជាជនកម្ពុជា ស្តីពីកំណែទម្រង់​ការបោះឆ្នោតខាងមុខ បានផ្សាយចេញជាសាធារណៈ ថាខ្លួននឹងសហការជាមួយគណបក្សសង្គ្រោះជាតិ ក៏ដូចជាអង្គការ​សង្គមស៊ីវិលជាតិ និងអន្តរជាតិក្នុងការកែទម្រង់ការបោះឆ្នោត ដើម្បីឲ្យស្របតាមគោលការណ៍លិទ្ធិប្រជាធិបតេយ្យ និង​នីតិរដ្ឋ។ តើសេចក្ដីថ្លែងការណ៍នេះ មានអត្ថន័យស្មើ នឹងដើរជាន់កែងខ្លួនឯងឬយ៉ាងណា?

កញ្ចាប់សុវត្ថិភាពនៃលទ្ធផលឆ្នោត ពីការិយាល័យមួយចំនួនក្នុងខេត្តសៀមរាប ដែលត្រូវយកមកបើកផ្ទៀងផ្ទាត់ឡើងវិញ។ (រូបថត MONOROOM.info/ O.Vary)

រាជធានីភ្នំពេញ - ក្នុងកិច្ចសម្ភាសជាមួយទស្សនាវដ្តីមនោរម្យព័ងអាំងហ្វូ លោក ញ៉ែម ប៉ុញ្ញាឫទ្ធិ អ្នកនាំពាក្យ​គណបក្ស​សង្គ្រោះជាតិ [...]

នាង ឌុច លីដា ដែលបានឡើងកូដខ្លាំងមួយរយៈមុននោះ ស្រាប់តែបានបាត់មុខសូន្យឈឹង នៅគ្រប់វេទិកាសិល្បៈសឹងតែ​ទាំងអស់តែម្ដង។ តែនៅពេលនេះ នាងបានត្រឡប់មកវិញ និងថែមទាំងអះអាងទៀតថា នាងកំពុងតែមានវត្តមាន​ក្នុងខ្សែ​ភាពយន្ដភាគ រឿង«សន្យាស្នេហ៍»នៅប៉ុស្តិ៍ទូរទស្សន៍ស៊ីធីអិន នោះទៀតផង។

តារាសម្ដែង នាង ឌុច លីដា ពេលចូលរួមក្នុងកម្មវិធីអាណាចក្រតារា។ (រូបថត MONOROOM.info/ Samneang)

រាជធានីភ្នំពេញ - នាង ឌុចលីដា ដែលបានទៅសម្ងំរស់នៅ ក្នុងភាពស្ងប់ស្ងាត់មួយរយៈមកនេះ បានធ្វើឲ្យគេគិតថា នាង​បានបោះបង់ចោលការសម្តែងហើយ។ តែបើតាមអ្នកដែលនៅកៀកកិតរបស់នាង បានឲ្យដឹងថា នាងមិនទាន់ដើរចេញ ពី​ទីលានសិល្បៈដែលពោពេញទៅដោយ ភាពប្រកួតប្រជែងនេះនៅឡើយទេ ព្រោះនាងនៅមានអ្នកគាំទ្រជាច្រើន [...]

រាជធានីភ្នំពេញ - ក្នុងរដូវបុណ្យកឋិនទានឆ្នាំថ្មី២០១៣នេះ តារាល្បីឈ្មោះមួយចំនួន ក៏ដូចជាបងប្អូនប្រជាជនខ្មែរទូទៅ ដែលជាអ្នកកាន់ព្រះពុទ្ឋសាសនាដែរ បានរួមគ្នារួចជាស្រេចហើយ សម្រាប់ការចាត់ចែងវេនចេញ (ថ្ងៃ) ដង្ហែអង្គកឋិនតាម​បណ្តាវត្តផ្សេងៗ ជុំវិញខេត្តក្រុងតាមគោលដៅរៀងខ្លួន។ ដូច្នេះហើយ ទើបអ្នកនាង យុគ ចិន្តា ពិធីការិនីសម្ដីបានប្រចាំ​ទូរទស្សន៍ស៊ីធីអិន បានមូលមតិគ្នាជាមួយនិងញាតិមិត្តក្រុមគ្រួសារ បានឯកច្ឆ័នគ្នាប្រារព្ឋធ្វើបុណ្យកឋិន នៅឯទឹកដី​កំណើត​របស់អ្នកនាងផ្ទាល់ ដែលភាគច្រើនគេដឹងច្បាស់ថា ស្ថិតនៅខេត្តស្វាយរៀង។

ថ្លែងប្រាប់ក្រុមអ្នកយកព័ត៌មានកាលពីពេលថ្មីៗនេះ អ្នកនាង យុគ ចិន្តា ដែលទើបតែគ្រងបានតំណែងពានរង្វាន់ ពិធីការិនី​លេចធ្លោដាច់គេប្រចាំឆ្នាំ២០១៣ បានបញ្ជាក់ថា ឆ្នាំនេះគោលដៅរបស់អ្នកនាង ដែលគ្រោងរៀបចំពិធីបុណ្យកឋិន បាន​សម្រេចម្តងទៀតហើយ បន្ទាប់ពីរំលងអាក់ខានប៉ុន្មានឆ្នាំ [...]

សំនួរនេះបានចោទឡើង ខណៈពេលដែលក្រុមអ្នកធ្វើនយោបាយ នៅក្នុងព្រះរាជាណាចក្រមួយនេះ កំពុងតែដណ្ដើមគ្នា​ទាញយករូបភាពនៃការគោរពស្រឡាញ់ អតីតព្រះមហាវីរៈក្សត្រ នរោត្ដម សីហនុ ទៅឲ្យក្រុមបក្ស តែរៀងៗខ្លួន។ ប៉ុន្តែ ទោះ​នៅក្នុងបរិបទណាក៏ដោយ ក៏មតិមួយចំនួននៅតែរិះគន់ថា គណបក្សកាន់អំណាច ដូចជាចង់កេងចំណេញយករូបភាព​នេះតែឯង។

ព្រះឆាយ៉ាល័ក្ខ និងការដាក់តាំងបង្ហាញ ដើម្បីឧទ្ទិសដល់​ព្រះវិញ្ញាណក្ខន្ធព្រះបរមរតនកោដ្ឋ។ (រូបថត Wayne Ranney)

រាជធានីភ្នំពេញ - ថ្លែងទៅកាន់អ្នកគាំទ្ររបស់គណបក្សសង្គ្រោះជាតិ នាព្រឹកថ្ងៃទី១៤ ខែតុលានេះ លោក កឹម សុខា ប្រធានស្តីទីគណបក្ស បានលើកឡើងថា «ក្រុមកុម្មុយនីស ក្រុមខ្មែរក្រហមធ្វើអ្វីតែងតែបោកប្រាស់ ដោយគិតថាអ្វីៗ​ទាំង​អស់​ជារបស់ខ្លួនឯង [...]