Posts in ‘ពីនេះពីនោះ’ Category

គ្រួសារដែលចិញ្ចឹមវា មានលំនៅដ្ឋាន នៅក្នុងរដ្ឋ ញូហាមសៀរ (New Hampshire) នៃសហរដ្ឋអាមេរិក។ ប៉ុន្តែគ្រួសារ ដែលមានកូនប្រុសមួយផងនេះ មិនដែលភ័យ នឹងបញ្ហាសុវត្ថិភាពឡើយ បើគេមើលឃើញ «Hulk» សត្វឆ្កែដ៏ធំមួយនេះ ដើរទៅណាមកណា ជាមួយម្ចាស់វា។ មិនត្រឹមតែប៉ុណ្ណឹង ឪពុកម្ដាយរបស់កុមារ ថែមទាំងទុកចិត្តចំពោះ «Hulk» ដោយទុកឲ្យ «Hulk» នៅតែឯងជាមួយកូនខ្លួន ដោយមិនខ្ចីប្រយ័ត្នប្រយែងនោះទៀត។ នេះបើតាមរបាយការណ៍ របស់សារព័ត៌មានអង់គ្លេស Daily Mail។

សារព័ត៌មាន បានសរសេរថា ជារឿយៗ ម្ចាស់របស់ «Hulk»តែងទុកឲ្យកូនប្រុសអាយុ៣ឆ្នាំរបស់ខ្លួន ឲ្យឡើងជិះលើខ្នង របស់«Hulk» ដោយគ្មានបារម្ភអ្វីទាំងអស់។ បុរសម្ចាស់ឆ្កែ លោក ម៉ារឡន (Marlon) បានបញ្ជាក់ថា៖ «ឆ្កែប្រភេទនេះ វាយកចិត្តម្ចាស់វា និងស្លូតជាទីបំផុត។ វាដូចជា តុក្កតាខ្លាឃ្មុំមួយអញ្ចឹង។»

លោក ម៉ារឡន បានទទួលស្គាល់ថា មាឌរបស់ឆ្កែប៉ុណ្ណេះ អាចនឹងខាំបំបាក់ ដៃមួយចំហៀងរបស់មនុស្ស [...]

រូបភាព ដែលថតដោយកាម៉េរ៉ា សុវត្ថិភាពរបស់រថយន្ដក្រុងនេះ បានធ្វើឲ្យអ្នកផងនឹកឃើញ ដល់ភាពយន្ដតក់​ស្លុត​ជា​ច្រើន របស់ផលិតកម្មហូលីវូដ។ ជាពិសេស អ្នកដំណើរទាំងពីរនាក់ ដែលបានស្ថិតក្នុងហេតុការណ៍នេះផ្ទាល់ តើ​ពួកគេ​មានអារម្មណ៍ភ័យភិតយ៉ាងណា?

ដើរចេញពីរថយន្ដក្រុង ដូចគេឯងឯទៀត អ្នកដំណើរប្រុសស្រីទាំងពីរនាក់ បានផុងធ្លាក់ ទៅក្នុងរណ្ដៅលាក់មុខដ៏ធំមួយ ដែលពង្រីកខ្លួន នៅក្រោមចិញ្ចើមថ្នល់ កាលពីថ្ងៃទី២០ ខែកុម្ភៈកន្លងមក ក្នុងសង្កាត់ យ៉ុងសាន កណ្ដាលរដ្ឋធានីសេអ៊ូល ប្រទេសកូរ៉េខាងត្បូង។

សំណាងល្អ ដែលរណ្ដៅនោះ មានជម្រៅត្រឹមតែជាង៣ម៉ែត្រ ហើយមិនបានបង្ករបួសធ្ងន់ធ្ងរ ដោយអ្នកដំណើរទាំងពីរ ដែលបានធ្លាក់ចូលទៅក្នុងនោះទេ។ បន្ទាប់ពីត្រូវបានក្រុមអ្នកសង្គ្រោះ ប្រើរថយន្ដស្ទូចលើកឡើងមកលើវិញ អ្នកទាំងពីរ​ត្រូវបានបញ្ជូន ទៅព្យាបាលរបួស នៅមន្ទីរពេទ្យជិតនោះជាបន្ទាន់។

ការស៊ើបអង្កេតមួយ បានបើកធ្វើទៅលើករណីនេះ [...]

បុរសជាម្ចាស់ផ្ទះ សម្ដែងការងឿងឆ្ងល់ ជុំវិញប្រសិទ្ធិភាពការងាររបស់ អ្នកមកធ្វើការបោសជូត សំអាត​នៅក្នុង​ផ្ទះ​ខ្លួន... មន្ទិល​ដែលធ្វើឲ្យម្ចាស់ផ្ទះ ដាក់កាមេរ៉ាលាក់ខ្លួន ជាច្រើនកន្លែង នៅក្នុងផ្ទះដើម្បីចង់ដឹងមើល ថាតើអ្នក​មក​ធ្វើការ ក្នុង​ផ្ទះ​ខ្លួន​ម្នាក់​នេះ មកធ្វើអ្វីខ្លះ។

មិនខុសពីការសង្ស័យឡើយ។ ហើយមិនត្រឹមតែបានដឹងថា អ្នកមកធ្វើការនៅក្នុងផ្ទះឲ្យខ្លួន មិនខ្វល់ពីកិច្ចការ​ជូត​បោស​នោះ​ទេ តែថែមទាំងបានដឹងថា អ្នកមកធ្វើការវ័យក្មេង ស៊ិចស៊ីរូបនេះ មកសម្ដែងកាយវិការ«ក្ដៅសាច់» នៅ​ក្នុងផ្ទះ​ខ្លួន​នោះ​​ថែម​ទៀត។ នៅពេលដែល ត្រឡប់មកដល់ផ្ទះវិញ បុរសបានបើកមើលវីដេអូ ថតទុកដោយ​កាម៉េរ៉ា​ទាំងនោះមកវិញ ហើយ​បាន​ឃើញនូវរឿង ដ៏គួរឲ្យហួសចិត្ត។

មិនដឹងថា ស្រេកឃ្លានពីណាមកទេ តែពេលចូលមកដល់ក្នុងផ្ទះ នារីវ័យក្មេង បានយកទឹកផ្លែឈើ របស់ម្ចាស់​ផ្ទះ មក​លើក​«អក»ទាំងប្រអប់ តែមិនបានប្រយ័ត្ន បានធ្វើឲ្យកំពុបធ្លាក់ប្រលាក់នៅលើអាវ [...]