ខឹម វាសនា ហៅ ព្រាប កុល ថា«អាសំគិស»
សង្គ្រាមពាក្យសម្ដី បានផ្ទុះឡើងប្លែកៗ នៅក្នុងចំណោមមនុស្សល្បីៗ អ្នកនយោបាយ និងនៅក្នុងចំណោមអ្នកប្រើប្រាស់បណ្ដាញសង្គមហ្វេសប៊ុក។ ប៉ុន្តែសម្រាប់សង្គ្រាមពាក្យសម្ដី ដែលកាន់តែបង្កចង្ងល់ ពីភាព«ចម្លែកៗ»ខ្លាំងឡើងនោះ ជាភាសាជេរប្រទេចផ្ដាសារ របស់លោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ទៅលើប្រធានអង្គការតម្លាភាពកម្ពុជា ដ៏ល្បីឈ្មោះ គឺលោក ព្រាប កុល។
នៅក្នុងសារមួយ ដែលបានបង្ហោះ កាលពីថ្ងៃសុក្រទី៧ ខែវិច្ឆិកា នៅលើជញ្ជាំងគណនីហ្វេសប៊ុករបស់លោក មេបក្ស«ជួង»ដែលល្បីថា មានមាត់ផុយស្រួយ ខាងការជេរបញ្ចោរនោះ បានសរសេរដំបូងឡើងថា៖ «បងប្អូនមើល ពាក្យសំដីខ្ញុំ ដែលនិយាយទៅកាន់សមាជិកខ្លួន និងសំដី ព្រាប កុល មើល៍ តើស៊ីសង្វាក់នឹងគ្នា(ឬ)ទេ?»
តែបើអានប្រយោគនោះ ចុះមកក្រោមបន្ដិច [...]
