សារព័ត៌មានអ៊ឺរ៉ុប៖ យុទ្ធនាការកំចាត់ សម រង្ស៊ី របស់ ហ៊ុន សែន
សាលក្រមសម្រេច កាលពីថ្ងៃអង្គារ របស់សាលាដំបូងរាជធានី ផ្ដន្ទាទោសលោក សម រង្ស៊ី ប្រធានគណបក្សសង្គ្រោះជាតិ ឲ្យជាប់ពន្ធនាគារ៥ឆ្នាំ ជុំវិញការបង្ហោះផ្សាយ នៅលើទំព័រហ្វេសប៊ុករបស់លោកនោះ បានបង្កការចាប់អារម្មណ៍ យ៉ាងព្រោងព្រាត ពីសំណាក់ប្រព័ន្ធផ្សព្វផ្សាយ នៅអ៊ឺរ៉ុប សឹងតែគ្រប់ភាសា គ្រប់ប្រទេស។ ព័ត៌មានដែលចេញផ្សាយ ទាំងនៅលើទំព័រគេហរទំព័របស់ពួកគេ ទាំងនៅលើក្រដាសបោះពុម្ភផ្សាយ បានពញ៉ាក់សាធារណមតិ នៅអ៊ឺរ៉ុបចាប់ពីថ្ងៃ ដែលចេញសាលក្រម រហូតមកដល់ថ្ងៃនេះ។
ដូចសារព័ត៌មានបារាំង ឈ្មោះ «Le Monde» ទើបនឹងចេញផ្សាយអត្ថបទ (បង់ប្រាក់ ដើម្បីបានអាន) របស់ខ្លួន នៅព្រឹកថ្ងៃសុក្រទី៣០ ខែធ្នូនេះ ដោយដាកចំណងជើងថា «សម រង្ស៊ី មុខព្រួញដដែលៗ [...]
