រឺម៉កដឹកបន្លែ បុកឡានរដ្ឋរលាត់ប៉ុនក្រចកដៃ ទារសំណង ១០០ដុល្លារ
ក្រោយពីម្ចាស់ម៉ូតូរ៉ឺម៉ក និងម្ចាស់រថយន្តបានជជែកគ្នា យ៉ាងតឹងសសៃកអស់មួយសន្ទុះធំ ដោះស្រាយអ្វីមិនចេញ អ្នកដំណើរជាច្រើន ដែលបានកាត់តាមនោះ បានចុះមកប្រាប់អ្នកទាំងពីរ ឲ្យសម្រួលគ្នាដើម្បីបញ្ជប់ជំលោះ និងបញ្ឈប់ការស្ទះចរាចរណ៍។ ប៉ុន្តែម្ចាស់រថយន្ត បែរជាងាកមកឈ្លោះជាមួយអ្នកដំណើរវិញ និងថែមទាំងបានប្រើភាសាជេរប្រមាថម៉ាក់ងាយនោះទៀត។
ហេតុការណ៍បានកើតឡើង នៅលើផ្លូវ ២២៣ សង្កាត់ផ្សារដើមគ ខ័ណ្ឌទទួលគោក រាជធានីភ្នំពេញ កាលពីថ្ងៃសៅរ៍ ទី២៧ ខែធ្នូ នាវេលាម៉ោង ២:៣០ រសៀល។
លោក រិទ្ធ តារា ដែលបានឃើញហេតុការណ៍នេះផ្ទាល់ បានប្រាប់ទស្សនាវដ្តីមនោរម្យ.អាំងហ្វូថា ដោយសារតែផ្លូវមានការស្ទះចង្អៀតពេក បុរសដែលបានបើបរម៉ូតូ មានរ៉ឺម៉កដឹកបន្លែនោះ ចាប់ហ្វ្រាំងមិនជាប់ បានជ្រុលក្បាលម៉ូតូទៅប៉ះនឹងគូថឡាន ដែលមានពាក់ស្លាកលេខរដ្ឋ 052- [...]