ផៃ ស៊ីផាន ថា កឹម សុខា ភ្លេចបណ្តាំព្រះអង្គម្ចាស់ សិរីមតៈ
លោក កឹម សុខា ត្រូវបានលោក ផៃ ស៊ីផាន វាយប្រហារ ជាហូរហែរ មិនដាច់សូរ នៅក្នុងរយៈពេលចុងក្រោយនេះ។ ក្នុងលិខិតចំហរ បង្ហោះតាមបណ្តាញសង្គម កាលពីរសៀល ថ្ងៃទី១៨ ខែមីនា ម្សិលម៉ិញនេះ រដ្ឋលេខាធិការ ទីស្តីការគណៈរដ្ឋមន្ត្រី លោក ផៃ ស៊ី ផាន បានបង្ហាញ ពី«ការធ្លោយ»របស់លោក កឹម សុខា អនុប្រធានទីមួយនៃរដ្ឋសភា និងជាថ្នាក់ដឹកនាំ គណបក្សសង្គ្រោះជាតិថា លោកបានទទួលសារភាព ពីការបរាជ័យរបស់ខ្លួន នៃ«ចលនាមហាជន ដើម្បីធ្វើការផ្លាស់ប្តូរ របប និងនាយករដ្ឋមន្រ្តីស្របច្បាប់» តាមរយៈការពឹងផ្អែក និងសង្ឃឹមទៅលើមហាអំណាចខាងលិចនោះ។
លោក ផៃ ស៊ីផាន បានសរសេរថា៖ «កឹម សុខា បានលើកឡើង អំពីការអស់សង្ឃឹម ទៅមហាអំណាចខាងលិច ដែលមិនយកចិត្តទុកដាក់ ឬជួយអោយចលនាមហាជន ធ្វើការផ្លាស់ប្តូររបប និងនាយករដ្ឋមន្រ្តី ស្របច្បាប់ អោយទទួលបានជោគជ័យនោះ គឺជាការទទួលស្គាល់ អំពីអ្វីដែលឯ.ឧ កឹម សុខា ពុំបានរៀនសូត្រ ពីប្រវត្តិកម្ពុជា [...]