ប៉ាលេស្ទីន​ទទួល​បាន សំលេង​គាំទ្រ​ភាគ​ច្រើន​នៅ អ.ស.ប (UN)

នៅទីបំផុតទៅ រដ្ឋប៉ាលេស្ទីន ត្រូវបានមហាសន្តិបាទ បោះឆ្នោតក្លាយ ជារដ្ឋអង្កេតការណ៍មួយ តែមិនមែនជាសមាជិក របស់អង្គការសហប្រជាជាតិ ( អ.ស.ប) ។ ១៣៨ សំលេងបានឆ្នោតយល់ព្រម និង ៩សំេលងបានបដិសេដ្ឋ ចំណែក ៤១ប្រទេសទៀត បានបោះឆ្នោតអនុបវាទ។ ភាពជោគជ័យមួយនេះ វានឹងផ្តល់លទ្ធភាព ដល់ប៉ាលេស្ទីន ឲ្យមានសិទ្ធិចូលរួមជាសមាជិក របស់តុលារការព្រហ្មទណ្ធអន្តរជាតិ ដែលជាស្ថាប័នមួយរបស់ អ.ស.ប។
Loading...
  • ដោយ: ត្នោតខ្មែរ
  • កែប្រែចុងក្រោយ: November 30, 2012
  • ប្រធានបទ:
  • អត្ថបទ: មានបញ្ហា?
  • មតិ-យោបល់

នៅទីបំផុតទៅ រដ្ឋប៉ាលេស្ទីន ត្រូវបានមហាសន្តិបាទ របស់អង្គការសហប្រជាជាតិ (អ.ស.ប) បោះឆ្នោតអោយក្លាយ ជារដ្ឋ​អង្កេតការណ៍មួយ តែមិនមែនជាសមាជិករបស់អង្គការនេះទេ។ ១៣៨ សំលេងបានឆ្នោតយល់ព្រម និង ៩សំលេង​បាន​បដិសេធ ខណៈ៤១ប្រទេសទៀត បានបោះឆ្នោតអនុបវាទ។ ភាពជោគជ័យមួយនេះ វានឹងផ្តល់លទ្ធភាព ដល់ប៉ាលេស្ទីន ឲ្យមានសិទ្ធិ​ចូលរួមជាសមាជិក របស់តុលារការព្រហ្មទណ្ធអន្តរជាតិ ដែលជាស្ថាប័នមួយរបស់ អ.ស.ប។


អាវយឺត ដែលមានបោះពុម្ភអក្សរ និងនិមិត្តសញ្ញា ដោះលែងប៉ាលេស្ទីន។
រូបថត MONOROOM.info/ Chea Bunthoeun។

សំលេងទះដៃអបអរសាទរ នៅក្នុងមហាសន្តិបាទរបស់ អ.ស.ជ គាំទ្រដល់ប៉ាលេស្ទីន។ នៅក្នុងនោះដែរ លោក ម៉ាមូដ អាបាស (Mahmoud Abas) ថ្នាក់ដឹកនាំរដ្ឋប៉ាលេស្ទីន បានថ្លែងសន្ទរៈកថា អបអរ ចំពោះជោគជ័យនេះ និងក៏បានរិះគន់ដល់ ការឈ្លានពាន​របស់ អ៊ីស្រាអែលផងដែរ ។ «ការឈ្លានពានរបស់ អ៊ីស្រាអែល នៅតំបន់ ហ្គាសា(Gaza) នារយះពេលកន្លងមកនេះ ដែលជំរុញឲ្យ​យើងទាំងអស់គ្នា ត្រូវការសេរីភាព។ ហើយកន្លងមក ប្រទេសមួយនេះតែងតែ មាននយោបាយមួយ ចង់បង្ករជម្លោះជានិច្ច។ ក្នុង​បរិបទនេះហើយ សហគមន៍អន្តរជាតិ ត្រូវតែជួយរកសន្តិភាព ជូនប្រជាជនប៉ាលេស្ទីន » នេះជាការអះអាងរបស់ លោក អាបាស។

សហរដ្ឋអាមេរិក និងអុីស្រាអែល បានបោះឆ្នោតបដិសេដ្ឋសំណើរនេះ ហើយថែមទាំងគម្រាមថា នឹងដាក់ទណ្ឌកម្មសេដ្ឋកិច្ច ដល់​ប៉ាលេស្ទីនផងដែរ។ អតីតទីប្រឹក្សារ នាយករដុ្ឋមន្រ្តីអ៊ីស្រាអែល មានបំណងកម្រិតលក្ខន្តិកៈ រដ្ឋអង្កេតការណ៍របស់ អ.ស.ប ដោយ​លោកបានអះអាងថា «មិនត្រូវធ្វើអ្វី ឲ្យវាហួសហេតុពេកទេ។ គឺថាការចូលជាសមាជិក រដ្ឋអង្កេតការណ៍នេះ មិនបានធ្វើឲ្យមាន​ការ​ផ្លាស់ប្តូរ គោលនយោបាយមួយចំនួន លើដែនដី វែសប៊ែង និង ហ្គាសាឡើយ។ ហើយជាងនេះទៅទៀត វាក៏គ្មានប្រសិទ្ធិភាព ក្នុង​ការបង្ខំឲ្យយើងលុបចោល នូវកិច្ចសន្យាមួយចំនួន ជាមួយប៉ាលេស្ទីនដែរ គឺដូចជាការចូលមករស់នៅ របស់ជនជាតិជ្វីស លើទឹកដី​នេះជាដើម »

លោក ប៊ែនចាមិន ណេតាន្យាហ៊ូ (Benjamin Natanayhou) នាយករដ្ឋមន្រ្តីអុីស្រាអែល បានលើកឡើងថា ការសម្រេចចិត្តរបស់ អ.ស.ប មិនអាចជំរុញឲ្យមានការ បង្កើតរដ្ឋាភិបាលឯករាជ ប៉ាលេស្ទីនបានទេ។ លោកបានសង្កត់ធ្ងន់ថា «តែផ្ទុយទៅវិញ ខ្ញុំមាន​សារមួយជូនទៅ អង្គមហាសន្តិបាទទាំងមូលថា គ្មានការសម្រេចចិត្តណាមួយ របស់ អ.ស.ប អាចកាត់ផ្តាច់ សម្ព័ន្ធជាតិសាស្រ្ត ដ៏ចំណាស់បំផុត ដែលមាន​អាយុ​កាលជាង ៤ ០០០ឆ្នាំ មកហើយនោះទេ។ គឺមានតែ ប្រជាជនអ៊ីស្រាអែល មួយគត់ ដែលរស់នៅ លើទឹកដីដូនតារបស់ អ៊ីស្រាអែល »

តែចចំពោះលោក ម៉ាមូដ អាបាសវិញ នេះជាជោគជ័យមួយ ជាប្រវត្តិសាស្រ្តរបស់ប្រជាជន ប៉ាលេស្ទីន នៅក្នុងដំណើរការការទូត។ គឺវាជាដំណើរការមួយ ដើម្បីឆ្ពោះទៅរកសន្តិភាព ដែលទៅថ្ងៃខាងមុខ ប៉ាលេស្ទីន នឹងក្លាយជាប្រទេសមួយ ដែលទទួលស្គាល់ដោយ សហគមន៍អន្តរជាតិ៕

------------------------------------------------------
ដោយ៖ ជា ប៊ុនធឿន ថ្ងៃទី៣០ វិច្ឆិកា ឆ្នាំ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...