Posts tagged as "CPP"

ត្រូវរាប់ថា ប្រទេសកម្ពុជា ដែលមានលោក ហ៊ុន សែន ជានាយករដ្ឋមន្ត្រី គឺជាភ័ពសំណាងមួយខ្ពស់ណាស់។ យ៉ាងហោចណាស់ បុរសខ្លាំងកម្ពុជារូបនេះ បានធ្វើប្រតិកម្មខ្លាំងៗ នៅមុននេះបន្តិច ទៅនឹងការដូរឈ្មោះរមណីយដ្ឋាន ឋានសួគ៌បូកគោ ឲ្យទៅជាឈ្មោះមួយផ្សេង ដែលគ្មានពាក្យ«បូកគោ» បន្តទៅទៀត ពីសំណាក់ក្រុមហ៊ុនសុខា ដែលធ្វើវិនិយោគ នៅទីនោះ។

លោក ហ៊ុន សែន ដែលមានតំណែង ជាប្រធានគណបក្សប្រជាជនកម្ពុជា (កំពុងកាន់អំណាច) នោះផង បានសរសេរនៅលើទំព័រហ្វេសប៊ុក របស់លោកថា៖ «សូមអរគុណ បងប្អូនជនរួមជាតិ ដែលបានឲ្យខ្ញុំដឹង ពីការដូរឈ្មោះរមណីយដ្ឋានភ្នំបូកគោ ទៅជាឈ្មោះផ្សេង ដែលរាជរដ្ឋាភិបាល និងអាជ្ញាធរគ្រប់លំដាប់ថ្នាក់ មិនបានដឹង និងមិនបានអនុញ្ញាត»។

លោកបន្តថា៖ «ខ្ញុំបានបញ្ជារអោយអភិបាលខេត្តកំពត ទៅដកហូតចេញ នូវផ្លាកសញ្ញាអត់ច្បាប់ចេញ អោយបានមុនម៉ោង ១១ ថ្ងៃនេះ (ថ្ងៃទី២៣ ខែកញ្ញា ឆ្នាំ២០១៧)»។

សារបង្ហោះខាងលើ [...]

ការសំដែងមតិ របស់សហគមន៍ខ្មែរនៅក្រៅស្រុក ដើម្បីទាមទារ ឲ្យដោះលែង​ប្រធានគណបក្សសង្គ្រោះជាតិ លោក កឹម សុខា ដែលត្រូវបានអាជ្ញាធររដ្ឋាភិបាល ចាប់ខ្លួនយកទៅឃុំ កាលពីពីរសប្ដាហ៍មុន កំពុងបន្តមានសន្ទុះទៅមុខ និងមានគម្រោងធ្វើ ក្នុងថ្ងៃសុក្រទី២២ ខែកញ្ញានេះ វេលាម៉ោង១១ព្រឹក (ម៉ោងក្នុងស្រុក ត្រូវនឹងម៉ោង២២យប់ ថ្ងៃដដែល ម៉ោងក្នុងប្រទេសកម្ពុជា) នៅខាងមុខទីស្នាក់ការអង្គការសហប្រជាជាតិ កណ្ដាលទីក្រុងញ៉ូយក សហរដ្ឋអាមេរិក។

ការជួបជុំគ្នា ធ្វើបាតុកម្ម របស់ពលរដ្ឋខ្មែរ-អាមេរិកាំងទាំងនេះ បានគ្រោងធ្វើនៅចំពេល ដែលអង្គការពិភពលោកមួយនេះ កំពុងធ្វើមហាសន្និបាត លើកទី៧២ របស់ខ្លួន ដោយមានវត្តមានចូលរួម ពីសំណាក់ប្រទេស និងរដ្ឋជាសមាជិក រាប់ទាំងប្រទេសកម្ពុជាផង។ លោក ប្រាក់ សុខុន រដ្ឋមន្ត្រីការបរទេស នឹងតំណាងឲ្យប្រទេសកម្ពុជា ដើម្បីឡើងថ្លែង នៅចំពោះអង្គមហាសន្និបាតប្រចាំថ្នាំនេះ។

» ប្រកាសស្ដីពីបាតុកម្ម នៅខាងមុខទីស្នាក់ការ [...]

បាតុកម្មរបស់សហគមន៍ខ្មែរ នៅក្រៅស្រុក បានកើតឡើងជាបន្តបន្ទាប់ នៅចំពោះការចាប់ខ្លួនមេដឹកនាំគណបក្សប្រឆាំង ដោយអាជ្ញាធររដ្ឋាភិបាលកម្ពុជា។ ហើយពេលនេះ ជាបាតុកម្ម ដែលសហគមន៍ខ្មែរ នៅក្នុងប្រទេសកូរ៉េខាងត្បូង គ្រោងនឹងធ្វើ ក្នុងថ្ងៃអាទិត្យ ទី១ ខែតុលាខាងមុខ នៅកណ្ដាលរដ្ឋធានី សេអ៊ូល។

នៅក្នុងសេចក្ដីប្រកាសព័ត៌មានមួយ ដែលចេញផ្សាយក្នុងថ្ងៃនេះ ដោយក្រុមអ្នករៀបចំបាតុកម្ម បានអះអាងពីភាពស្របច្បាប់ នៃការរៀបចំបាតុកម្មរបស់ខ្លួន និងបានអំពាវនាវឲ្យ«បងប្អូនជនរួមជាតិខ្មែរ» ក្រោកឈរឡើង«ចូលរួមធ្វើបាតុកម្ម ដើម្បីជាផលប្រយោជន៍ នៃការការពារនៃរបបប្រជាធិបតេយ្យ នៅកម្ពុជា»។

សេចក្ដីប្រកាសព័ត៌មាន បានសរសេរនៅចុងបញ្ចប់ ពន្យល់ន័យពាក្យថា«ខ្លាច» ដែលស្មើនឹង «ដើម្បីបំផ្លាញជាតិ» និង«ដើម្បីបន្តឈរមើលរាស្រ្ត រស់រងទុក្ខ»។ អត្ថបទបានបន្ថែមទៀត​ថា៖ «ក្លាហានឡើង ដើម្បីការពាររបបប្រជាធិបតេយ្យ!»៕

ខាងក្រោមនេះ [...]

«ជនរួមជាតិ សូមមេត្តាក្រោកឈរឡើង ប្រកាន់គោលនយោបាយជាតិនិយម ការពារអធិបតេយ្យជាតិរបស់ខ្លួន ប្រឆាំងនឹងការជ្រៀតជ្រែក របស់បរទេស» នេះ ជាការថ្លែងឡើងរបស់លោក ហ៊ុន សែន នាយករដ្ឋមន្ត្រី - ប្រធានគណបក្សប្រជាជនកម្ពុជា នៅក្នុងប្រតិកម្មជាសាធារណៈមួយ តបទៅនឹងរដ្ឋបាលរដ្ឋាភិបាលសហរដ្ឋអាមេរិក ដែលបានចេញចំណាត់ការ ផ្អាកការផ្ដល់ទិដ្ឋការប្រភេទ «មិនអន្តោប្រវេសន៍» ទៅឲ្យមន្ត្រីការបរទេសជាន់ខ្ពស់កម្ពុជា។

នៅក្នុងវោហាស័ព្ទប្រតិកម្មខ្លាំងៗ នៅថ្ងៃនេះ ចំពោះកម្មករ-កម្មការិនីច្រើនរយនាក់ បុរសខ្លាំងកម្ពុជា ដែលអង្គុយនៅក្នុងតំណែង តាំងពីជាង៣ទសវត្សន៍មកនោះ បានថ្លែងដាក់«កំហិត» ឲ្យឯកអគ្គរដ្ឋទូតអាមេរិកប្រចាំនៅកម្ពុជា ត្រូវចេញមុខមកបកស្រាយ ពីការលើកឡើងកាលពីជិត៤ឆ្នាំមុន របស់លោក កឹម សុខា ប្រធានគណបក្សសង្គ្រោះជាតិ។ លោកថា៖ «ខ្ញុំចង់សួរឯកឧត្ដម ឲ្យឆ្លើយបំភ្លឺ តើសំដី កឹម សុខា ត្រឹមត្រូវឬអត់ ព្រោះយើងមិនបានចោទប្រកាន់ [...]