Posts tagged as "Information"

រឿងរ៉ាវថ្មីមួយទៀត របស់វិទ្យុសម្លេង «ABC» របស់លោក សេង ប៊ុនវ៉េង ហៅអាចារ្យ «A» ត្រូវបាន​អ្នក​ប្រើ​ប្រាស់​​ហ្វេសប៊ុក​មួយរូប ទម្លាយឲ្យដឹង កាលពីប៉ុន្មានម៉ោងមុន តាមរយៈ​​ការបង្ហោះ នៅលើបណ្ដាញ​សង្គម នូវ​​វីដេអូ​នៃ​បទ​​យក​​ការណ៍​​អង្កេត​​មួយ របស់ទូរទស្សន៍ថៃ ឈ្មោះ «Thai PBS (Thai Public Broadcasting Service)» ស្ដី​ពី​ការ​នាំ​ចូលផលិតផល «ទឹកដោះគោ» ម្យ៉ាង ចូលមក​ធ្វើ​ចរាចរណ៍​លក់ដូរ នៅ​ក្នុង​ប្រទេស​កម្ពុជា។

អ្នកប្រើប្រាស់បណ្ដាញសង្គម ដែលដាក់​ឈ្មោះ​ខ្លួន ជាភាសាថៃ «คุณชาย โอ้» បាន​សរសេរ អមនឹង​ការបង្ហោះ​វីដេអូ​នោះ​ថា៖ «ក្រុមការងារ​របស់ "Thai PBS" ប្រចាំប្រទេសថៃ បានចុះទៅ​ស្រាវជ្រាវ គ្រប់​ប៉ុស្ដិ៍​វិទ្យុ "ABC" ក្នុង​ខេត្ត​ក្រុង​នានា នៅទូទាំងប្រទេសកម្ពុជា»។

លោក «คุณชาย โอ้» បានសរសរ​ពីការរកឃើញ របស់ក្រុមការងារ​របស់ទូរទស្សន៍ថៃថា ទឹក​ដោះ​គោ​ម្យ៉ាង ​(ហៅ​ជា​ភាសា​ថៃ "นมโรงเรียน") [...]

នៅពេលដែលលោក ទេព រិនដារ៉ូ កំពូលតារាសម្ដែងខ្មែរជើងចាស់ មិនពេញចិត្តនឹងអ្វីមួយ លោក​ប្រាកដ​ណាស់ នឹង​បញ្ចេញ​ឲ្យ​ឃើញ​ភ្លាម ហើយនោះ​គឺជា​ជីវិតពិតៗ និង​មិន​មែន​ជា​ការ​សម្ដែង​ឡើយ។ ជា​ពិសេស ​ប្រតិកម្ម​ទៅ​នឹង​ការ​ហៅ​​នរណាម្នាក់ ថាមានមុខមាត់​«ស្រែៗ» លោក ដារ៉ូ បានចំអក​មក​វិញថា គឺអ្នក​ដែល​ហៅ​​គេ​នោះ​​ទៅ​វិញ​ទេ ដែល​មាន​មុខ​ដូច​«ខ្មោច»។

ការថ្លែងរបស់លោក បានធ្វើ​ឡើង នៅក្នុងវីដេអូមួយ ដែលត្រូវ​បាន​តារា​​សម្ដែង ​​នៅ​ក្នុងរឿង​ភាគ ពស់កេង​កង កញ្ញា ដួង ម៉ានិច បង្ហោះផ្សាយផ្ទាល់ នៅលើបណ្ដាញសង្គម កាលពីម្សិលម៉ិញ។ នៅ​ក្នុង​វីដេអូ​នោះ ដំបូង​ឡើយ គេ​ឃើញ​លោក ទេព រិនដារ៉ូ កំពុងមើលអ្វីមួយ នៅក្នុងទូរស័ព្ទរបស់លោក។ លុះតារា​​សំដែង​​ស្រី បាន​​ដើរ​​ទៅ​​ជិត លោក ដារ៉ូ បាន​បញ្ជាក់​ខ្លាំងៗ ជា​ច្រើន​ដង​ថា៖ «និយាយទៅ ដៀលគេ​សុទ្ធតែអ្នកស្រែ ដល់​ទៅ​ខ្លួន​ឯង មុខ​ដូច​ខ្មោច»។

លោកមិនបានបញ្ជាក់ថា លោកចង់និយាយពីនរណា [...]

នៅពេលដែលម៉ាស៊ីនថតរូប របស់អ្នកសារព័ត៌មាន ធ្វើឲ្យលោកតំណាងរាស្ត្រ ឈាង វុន មាន​អារម្មណ៍​មិន​ស្រួល ក្នុង​ការ​និយាយ... ហើយបានព្រមាន​អ្នកយក​ព័ត៌មាន ដែល​ថតរូបលោក ពេល​​លោក​កំពុង​ផ្ដល់​សម្ភាស ​ឲ្យ​ឈប់ថត​លោក​តទៅទៀត។ ហេតុការណ៍នេះ បានកើត​ឡើង កាលពីថ្ងៃទី២៦ ខែមករា ម្សិលម៉ិញ ក្នុង​ការ​ថ្លែង​ទៅ​កាន់​ក្រុម​អ្នកយកព័ត៌មាន របស់លោក ឈាង វុន ក្នុងនាមលោក ជាប្រធាន​គណៈកម្មការ​កិច្ចការ​បរទេស សហ​ប្រតិបត្តិការ​អន្តរជាតិ ឃោសនាការ និងព័ត៌មាន និងជាអ្នក​នាំពាក្យ នៃ​ក្រុម​តំណាង​រាស្ត្រ​មតិ​ភាគ​ច្រើន នៃ​រដ្ឋសភា។

ហើយអ្នកសារព័ត៌មាន ដែលបានថតរូបលោក ឈាង វុន និងដែលរង​ការព្រមាន ដោយ​ផ្ទាល់ និង​នៅ​មុខគេ​ឯង​នោះ គឺ​ជា​អ្នក​សារព័ត៌មាន មក​ពី​វិទ្យុអាស៊ីសេរី អង្គភាពផ្សព្វផ្សាយមួយ ដែល​រដ្ឋាភិបាល​កម្ពុជា និង​គណបក្ស​ប្រជាជន​កម្ពុជា មិន​សូវ​ចូលចិត្ត។ នៅពេលនោះ លោក ឈាង វុន បានផ្អាក​កិច្ច​សម្ភាស​របស់​លោក ហើយ​ចាប់​ផ្ដើម​និយាយ [...]

មនុស្សច្រើននាក់ណាស់ ដែលចេញមកនិយាយ នៅតាមបណ្ដាញផ្សព្វផ្សាយ មានទេពកោសល្យ (ឬ​បាន​ហ្វឹក​ហាត់) ធ្វើ​ឲ្យ​ប្រិយមិត្តរបស់ខ្លួនផ្ទុះសំណើច ដោយមិនចាំបាចធ្វើកាយវិការ លោតហក់ ទះ​តប់ ប្រើ​ប្រាស់ភាសា​«អាស» ឬ​និយាយ​ចេញមក ដោយគ្មានការពិចារណា និងមិនអាងការសុំទោស នៅពេលក្រោយមក។ ហើយ​ក៏​មិន​មាន​មនុស្ស​ច្រើនប៉ុន្មានដែរ ដែលរស់ដើម្បីតែការសុំទោស ពីមួយថ្ងៃទៅមួយថ្ងៃ​ កាន់​តែ​និយាយ កាន់​តែ​ភ្លាវ។

រឿងខាងលើនេះ ផ្ទុយពីក្រុមការងារ របស់វិទ្យុក្នុងស្រុកមួយ ឈ្មោះ «ABC» ដែលបន្ទាប់​ពីបាន​​ប្រើ​ប្រាស់​សកម្មភាព លោតហក់ ទះតប់ ប្រើប្រាស់ភាសា «អាស» ដោយគ្មានការពិចារណា តាមបណ្ដាញ​ផ្សព្វផ្សាយ​រួច បាន​ចេញ​មក​សុំទោស។ សុំទោសម្ដង-ពីរ នៅមិនគ្រប់គ្រាន់ ម្ចាស់វិទ្យុ «ABC» នេះម្នាក់ទៀត នៅ​បាន​ចេញ​មក​បក​ស្រាយ តែបែរជាបាននិយាយចោទ ទៅលើមនុស្សផ្សេងទៀត ជាច្រើននាក់ ជាពិសេស​​បាន​​ហៅ​​លោក ព្រាប សុវត្ថិ កំពូល​​​អ្នក​​ចម្រៀង ដ៏ល្បីល្បាញ [...]

ការព្រមានម្ដងជាពីរដង ដោយមិនចេញឈ្មោះ ពីសំណាក់លោករដ្ឋមន្ត្រី ទំនងជា​មិន​បាន​ធ្វើ​ឲ្យ​វិទ្យុ​មួយ​នេះ ស្កៀប​ជើង​ធ្មេញ​ឡើយ រហូតបាន​ប្រកាស​សង្គ្រាម​«ពាក្យ​សំដី»​ជា​ចំហរ តាមរយៈ​កម្មវិធី​របស់​ខ្លួន​ត្រឡប់​មក​វិញ ដោយ​លើក​ឡើង​ថា ក្រុមអ្នករិះគន់នោះ ទាំង«ហ្វូង» រួមទាំងលោករដ្ឋមន្ត្រីផង មិន​យល់​ពីអ្វី ដែល​វិទ្យុ​ខ្លួន​កំពុង​ធ្វើ នៅក្នុងកម្មវិធី «ABC 3 spring» ដែលចាក់ផ្សាយផ្ទាល់ នៅតាមកញ្ចក់ទូរទស្សន៍ ប៉ុស្ដ៍លេខ៣។

ប៉ុន្តែភាពគឃ្លើន​ជាច្រើនដង ពីសំណាក់​វិទ្យុនេះ បានជំរុញ​ឲ្យក្រសួង​ព័ត៌មាន ធ្វើប្រតិកម្ម។ សេចក្ដី​ប្រកាស​មួយ ដែលចេញផ្សាយ កាលពីរសៀលថ្ងៃទី២៤ ខែមករានេះ និងចុះហត្ថលេខា ដោយរដ្ឋមន្ត្រីព័ត៌មាន លោក ខៀវ កាញារីទ្ធ បានបង្គាប់ ទៅស្ថានីយ៍ទូរទស្សន៍ប៉ុស្ដ៍លេខ៣ តាមរយៈម្ចាស់ស្ថានីយ លោក ខាំពូន កែវ​មុណី ឲ្យបញ្ឈប់កិច្ចសហការ​ផលិតកម្មវិធី ជាមួយវិទ្យុ អេប៊ីស៊ី ដែលជាកម្មសិទ្ធិ របស់លោក លោក សេង ប៊ុនវ៉េង [...]