Posts tagged as "Terroriste"

ដំណើរដើមទងលំអិត ក្នុងជំហានដំបូង នៃអំពើភេវរកម្ម កាលពីថ្ងៃសុក្រ ទី២៦ ខែមិថុនា ត្រូវបានរកឃើញ និង​ត្រូវបានយកមកពន្យល់ នៅក្នុងសន្និសីទសារព័ត៌មានមួយ ដោយរដ្ឋអាជ្ញានៃសាធារណរដ្ឋបារាំង ប្រចាំ​រដ្ឋធានី​ ប៉ារីស លោក ហ្វ្រង់ស៊័រ ម៉ូឡាំង (François Molins)។ ជាភាពលំអិត ប្រកបដោយភាពតក់ស្លុត បន្ទាប់ពីគេ​បាន​ដឹង ថាជនសង្ស័យឈ្មោះ យ៉ាស៊ីន សាលី (Yassine Salhi) សមាជិកម្នាក់ របស់អង្គការរដ្ឋអ៊ីស្លាម បានកាត់​ក្បាល បុរសចំណាស់ម្នាក់ ដែលជាថៅកែរបស់ខ្លួន នៅក្នុងទឹកដីបារាំង។

ដោយមានជំនួយការ ពីកាម៉េរ៉ាសុវត្ថិភាពចំនួនពីរ របស់រោងចក្រនោះផង លោករដ្ឋអាជ្ញាបារាំង បានប្រកាស​ពីដំណើរដើមទងទាំងស្រុង នៃអំពើភេវរកម្មនេះដូចតទៅ៖

• ម៉ោង៩ និង២៨នាទី រថយន្ដធុនតូច សម្រាប់ធ្វើការមួយ បានចូលមកក្បែររោងចក្រ ដូចជាធម្មតា ដើម្បី​មកទទួលដឹង​ធុងហ្គាស។ ជនសង្ស័យបានចុចកណ្ដឹង ហើយទ្វារោងចក្រក៏បានបើកឡើង ដោយទំនង​ជាអ្នក​ចាំបើកទ្វា [...]

យ៉ាងហោច មនុស្ស២៧នាក់ ត្រូវបានសម្លាប់ នៅព្រឹកថ្ងៃសុក្រនេះ នៅក្នុងការវាយប្រហារប្រដាប់អាវុធមួយ ប្រឆាំងនឹងសណ្ឋាគារមាត់សមុទ្រ ចំនួនពីរកន្លែង នៃក្រុងសូស (Sousse) ដែលល្បីថា ជាទីក្រុងទេសចរណ៍​ដ៏ល្បី របស់ប្រទេសតួនេស៊ី។ នេះបើតាមការប្រកាសឲ្យដឹង របស់ក្រសួងមហាផ្ទៃ របស់ប្រទេសនេះ។

លោក មហាមេដ អាលីអារ៉ូយ (Mohamed Ali Aroui) អ្នកនាំពាក្យរបស់ក្រសួងមហាផ្ទៃ បានបញ្ជាក់ថា៖ «ការ​វាយប្រហារ បានកើតឡើង នៅនឹងសណ្ឋាគារចំនួនពីរ។ មានមនុស្សស្លាប់ចំនួន២៧នាក់ ឬអាចច្រើន​ជាង​នេះ។ យុទ្ធនាការប្រឈមមុខគ្នា កំពុងបន្តទៅទៀត នៅឡើយ។»

ថ្លែងតាមទូរទស្សន៍ជាតិតួនេស៊ី អ្នកនាំពាក្យបានបញ្ជាក់ទៀតថា «ជាការវាយប្រហារភេវរកម្ម ប្រឆាំងនឹង​សណ្ឋាគារ ម៉ាហាបា (Marhaba) នៅក្រុង សូស។ តុល្យភាពនាពេលនេះ បានកើនឡើងបន្តិច។ (...) ជន​ប្រព្រឹត្តិ ត្រូវបានបាញ់សម្លាប់។»

កងកម្លាំងសន្តិសុខ បានអន្តរាគមន៍ នៅក្នុងសណ្ឋាគារមួយ [...]

បើតាមលទ្ធផលនៃការស៊ើបអង្កេត ភ្លាមៗដំបូង ដែលបានធ្វើនៅនឹងកន្លែង បានឲ្យដឹងថា ជនសង្ស័យម្នាក់ ឬ​ច្រើននាក់ ដែលស្ថិតនៅក្នុងរថយន្ដមួយ បានបើកបុកចូល ទៅក្នុងរោងចក្រ។ ប្រភពមួយទៀត បាន​រាយ​ការណ៍​ដែរថា ការផ្ទុះមួយដ៏ខ្លាំង បានកើតឡើង នៅពេលនោះ។

ប្រភពបានការនោះ បានឲ្យដឹងទៀតថា សាកសពមនុស្សម្នាក់ ត្រូវបានរកឃើញស្លាប់ ដោយដាច់ក នៅ​ក្បែរ​នឹងរោងចក្រ។ ប៉ុន្តែគេមិនដឹងច្បាស់ថា តើសាកសពនេះ ត្រូវបានសម្លាប់នៅនឹងកន្លែង ឬត្រូវបានដឹកពី​ទីណា​មួយ ហើយយកមកទម្លាក់ចោលនៅទីនេះទេ។ ទង់របស់ក្រុមអង្គការ រដ្ឋអ៊ីស្លាមមួយ ក៏ត្រូវបានរកឃើញ នៅ​នឹងកន្លែងនោះដែរ។

បើតាមប្រភពមួយទៀត បានឲ្យដឹងថា ជនសង្ស័យម្នាក់ ក្នុងចំណោមជនសង្ស័យដទៃទៀត បានចូលទៅក្នុង​រោងចក្រ «Air Products» ដោយមានទង់ របស់អង្គការរដ្ឋអ៊ីស្លាម នៅនឹងដៃ [...]

«យុទ្ធជនរបស់អង្គការ រដ្ឋអ៊ីស្លាម (បារាំងហៅ EI អង់គ្លេសហៅ ISIS) បានចាប់បង្ខាំង និងចាប់ពង្រត់ស្ត្រីជា​ច្រើន​នាក់ នៅពេលដែលពួកគេ បានវាយដំណ្ដើម យកបានតំបនមួយ ឬត្រឡប់​ទៅកាន់កាប់ទីនោះវិញ។ ស្ត្រី​ទាំងអស់នោះ ជួនកាលត្រូវបានលក់ចេញ ក្នុងតម្លៃ"បារីមួយកញ្ចប់" ជួនកាលមានតម្លៃរប់រយ ឬរាប់ពាន់​ដុល្លា។» នេះជាការថ្លែងឡើង របស់អ្នកស្រី ហ្សៃណាប បានហ្គៀរ៉ា អ្នកទទួលខុសត្រូវមួយរូប របស់អង្គការ​សហ​ប្រជាជាតិ ដែលទទួលបន្ទុកខាងការឃ្លាំមើល អំពើហិង្សាផ្នែកផ្លូវភេទ នៅក្នុងជម្លោះប្រដាប់អាវុធ។

ការអះអាងខាងលើនេះ មាននៅក្នុង«កំណត់ត្រា»ដ៏តក់ស្លុតមួយ ដែលអ្នកស្រី បានហ្គៀរ៉ា បានធ្វើឡើង ដោយ​យោងទៅលើសាក្សីជាច្រើន និងត្រូវបានទូរទស្សន៍អង់គ្លេស «BBC» យកមករាយការណ៍។ សារព័ត៌មាន​អង់គ្លេស «The Guardian» ក៏បានអះអាងដែរថា រឿងនេះជាការជួញដូរមនុស្សដ៏ធំមួយ នៅក្នុងយុទ្ធសាស្ត្រ​របស់​ក្រុមអង្គការរដ្ឋអ៊ីស្លាម ដើម្បីទាក់ទាញ [...]