Posts tagged as "Justice"

រដ្ឋមន្ត្រីទទួលបន្ទុកកិច្ចការអ៊ឺរ៉ុប និងការបរទេស របស់ប្រទេសបារាំង លោក ហ្សង់ អ៊ីវ ឡឺឌ្រីយ៉ង់ (Jean-Yves Le Drian) បានសំដែងការព្រួយបារម្ភរបស់លោក ចំពោះព្រឹត្តិការណ៍ចាប់ចង ប្រធានគណបក្សប្រឆាំងដ៏សំខាន់ជាងគេ និងការបិតប្រព័ន្ធផ្សព្វផ្សាយជាច្រើន នៅក្នុងប្រទេសកម្ពុជា។ 

ការលើកឡើងនេះ ធ្វើឡើងដោយផ្ទាល់ ទៅកាន់លោក ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ របស់ប្រទេសកម្ពុជា នៅខណៈពេល ដែលលោករដ្ឋមន្ត្រីបារាំង បានទទួលជួបរដ្ឋមន្ត្រីកម្ពុជា ក្នុងអាគារក្រសួងការបរទេសបារាំង ហៅវិមាន «Quai d'Orsay» កាលពីថ្ងៃទី២៥ ខែកញ្ញា ឆ្នាំ២០១៧ កន្លងមក។

នៅក្នុងការសំដែងក្ដីបារម្ភនោះ ប្រមុខការទូតបារាំង លោក ហ្សង់ អ៊ីវ ឡឺឌ្រីយ៉ង់ បានគូសបញ្ជាក់ ពីភាពចាំបាច់សម្រាប់ប្រទេសកម្ពុជា នៅពេលដែលការបោះឆ្នោតជាតិ នឹងឈានចូលមកដល់ នៅឆ្នាំក្រោយ ក្នុងការងាកមករកមាគ៌ា នៃលទ្ធិប្រជាធិបតេយ្យសេរីពហុបក្ស [...]

ប្រធានាធិបតីនៃកោះហ្វីលីពីន លោក រ៉ូឌ្រីចូ ឌុយតែតេ (Rodrigo Duterte) បានប្រកាសកាលពីចុងសប្ដាហ៍មុន ថាលោកនឹងបញ្ជា ឲ្យសម្លាប់កូនប្រុសរបស់លោក ប្រសិនបើការចោទប្រកាន់ទាំងឡាយ ដែលធ្វើឡើងប្រឆាំងកូនប្រុសរូបនោះ មានភស្ដុតាងត្រឹមត្រូវថា ពិតជាមានការជាប់ទង នៅក្នុងការជួញដូរគ្រឿងញៀន។ លោកបន្តទៀតថា ភ្នាក់ងារនគរបាល ដែលទទួលបញ្ជាឲ្យសម្លាប់កូនប្រុសលោក នឹងទទួលបានការការពារ ពីរាល់ការតាមដាន​ស៊ើប​អង្កេត​ណា​ទាំងអស់។

កូនប្រុសប្រធានាធិបតី ឈ្មោះ ប៉ាឡូ ឌុយតែតេ (Paolo Duterte) អាយុ៤២ឆ្នាំ បានចូលខ្លួនទៅបំភ្លឺ កាលពីពេលថ្មីៗនេះ ដោយគណៈកម្មការស៊ើបអង្កេតពិសេស របស់ព្រឹទ្ធសភាហ្វីលីពីន ពីបទចោទ មានជាប់ទាក់ទងនឹងការជួញដូរថ្នាំញៀន ដែលជាការចោទប្រកាន់ ធ្វើឡើងដោយព្រឹទ្ធសមាជិកមួយរូប មកពីគណបក្សប្រឆាំង។ លោក ប៉ាឡូ បានបដិសេធការចោទប្រកាន់នោះ ដោយអះអាងថា ខ្លួនមិនដែលធ្លាប់ជាសមាជិក របស់ក្រុមជួញដូរគ្រឿងញៀនចិន ដែលតែងនាំចូល [...]

ការណ៍ដែលមិនអនុញ្ញាតិ ឲ្យលោក កឹម សុខា ចូលរួមក្នុងសវនាការ នឹងធ្វើឲ្យ«លទ្ធផលនៃការជំនុំជម្រះ មិនត្រឹមត្រូវតាមច្បាប់»។ នេះ បើតាមសេចក្ដីថ្លែងការណ៍ របស់គណបក្សសង្គ្រោះជាតិ បានចេញផ្សាយនៅមុននេះ ដើម្បីទាមទារឲ្យលោក កឹម សុខា ប្រធានគណបក្ស ដែលកំពុងជាប់ឃុំ ជាបណ្ដោះអាសន្ន នៅក្នុងពន្ធនាគារត្រពាំងផ្លុង ក្នុងខេត្តត្បូងឃ្មុំ ចាំបាច់ត្រូវមានវត្តមាន នៅក្នុងសវនាការ នៃសាលាឧទ្ធរណ៍ ដើម្បីដេញដោលជំទាស់ លើដីកាឃុំខ្លួន របស់ចៅក្រមសាលាដំបូង។

សេចក្ដីថ្លែងការណ៍របស់គណបក្សប្រឆាំង ធ្វើឡើងក្រោយ​ពី​មាន​លិខិត​ ពី​មន្ត្រី​ពន្ធនាគារ​ត្រពាំងផ្លុង អំពី​បញ្ហា​សុវត្ថិភាព និង​សន្តិសុខ​ក្នុង​ការ​នាំ​ខ្លួន​លោក កឹម សុខា មកចូលរួម​សវនាការ​ នៅ​រាជធានី​ភ្នំពេញ និងបន្ទាប់ពី​ការ​លើក​ឡើង ​របស់​អ្នកនាំ​ពាក្យ​សាលាឧទ្ធរណ៍ ដែលអះអាង អំពី​សវនាការ​ដែល​មិន​ចាំបាច់ ​មាន​វត្តមាន​លោក កឹម សុខា។

អ្នកនាំពាក្យ​ [...]

ពាក្យបណ្ដឹងរបស់លោក ពេជ្រ ស្រស់ ប្រធានគណបក្សយុវជនកម្ពុជា ដែលបានដាក់ចូល ទៅសាលាដំបូងរាជធានី កាលពីថ្ងៃទី០៨ ខែកញ្ញា ឆ្នាំ២០១៧នេះ ទទួលបានការចាត់វិធានការ ជាបន្តបន្ទាប់។ លោក គុជ គីមឡុង ព្រះរាជអាជ្ញារង នៃអយ្យការ​អមសាលាដំបូង បានចេញដីកា នៅថ្ងៃម្សិលម៉ិញ កោះហៅ មនុស្សពាក់ព័ន្ធមួយចំនួន រួមមានព្រះតេជគុណ ប៊ុត ប៊ុនតិញ - លោក ប៉ាង ងួងទៀង និងលោក មឿន តុលា ឲ្យចូលខ្លួនទៅបំភ្លឺ នៅក្នុងពេលវេលាខុសៗគ្នា។

លោក ប៉ា ងួនទៀង នាយកមជ្ឈមណ្ឌលកម្ពុជា សម្រាប់ការផ្សព្វផ្សាយឯករាជ្យ និងលោក មឿន តុលា នាយកមជ្ឈមណ្ឌលសម្ព័ន្ធការងារ និងសិទ្ធិមនុស្ស ហៅកាត់ថា «Central» ត្រូវដីកានោះ បញ្ជាឲ្យចូលខ្លួន នៅថ្ងៃទី០៩ ខែតុលា ឆ្នាំ២០១៧ (ខុសម៉ោងគ្នាបន្តិច) ខណៈព្រះសង្ឃ ប៊ុត ប៊ុនតិញ ស្ថាបនិកបណ្ដាញព្រះសង្ឃឯករាជ្យ ដើម្បីយុត្តិធម៌សង្គម ត្រូវដីកាបញ្ជា ឲ្យចូលព្រះកាយ នៅថ្ងៃទី១១ ខែតុលា។ នេះ [...]

«បើអំពើក្បត់ជាតិនេះ ត្រូវបានផ្សំគំនិត ដោយក្របខណ្ឌបក្សទាំងមូល (...) បក្សនោះ ក៏នឹងត្រូវទទួលរង នូវការដាក់ពិន័យខាងផ្នែកច្បាប់ គឺរំលាយគណបក្សនយោបាយនេះ ចោលតែម្ដង» នេះ ជាការថ្លែងឡើង របស់លោកនាយករដ្ឋមន្រ្តី ហ៊ុន សែន ក្នុងជំហាននយោបាយថ្មីមួយទៀត គម្រាមរំលាយគណបក្សសង្គ្រោះជាតិចោល ប្រសិនណាជាគណបក្សនេះ ឬក៏ក្រុមសមាជិក នៃគណបក្សនេះ នៅតែបន្តគាំទ្រប្រធានគណបក្ស លោក កឹម សុខា ដែលត្រូវបានរដ្ឋាភិបាលគណបក្សប្រជាជនកម្ពុជា ចាត់ទុកថា ជាជនក្បត់ជាតិ ឃុបឃិតជាមួយបរទេស ដើម្បីបំផ្លាញកម្ពុជា។

ការថ្លែងរបស់លោក ហ៊ុន សែន ទំនងជាចង់ឆ្លើយតប ទៅនឹងការប្រកាសជាផ្លូវការ របស់គណបក្សសង្គ្រោះជាតិ នៅក្នុងសេចក្ដីថ្លែងការណ៍មួយកាលពីម្សិលម៉ិញ អះអាងថាខ្លួន នៅតែចាត់ទុកលោក កឹម សុខា ថាជាប្រធានគណបក្សខ្លួនដដែល បើទោះជាមេដឹកនាំគណបក្សរូបនេះ កំពុងស្ថិតក្រោមការឃុំខ្លួនក៏ដោយ។

ថ្លែងក្នុងពិធីប្រគល់សញ្ញាបត្រ [...]