Posts tagged as "Crime"

«មកពីរត់ម៉ូតូកង់បី មិនទាន់ផ្លាស់ខោទឹកនោម ឲ្យកូនហើយផង ស្រាប់តែ ចោរលួចគាស់ផ្ទះ ខំស្រែកឲ្យអ្នកជិត​​ខាងជួយ សំណាងហើយ ដែលអ្នកជិតខាងចាប់បាន ប្រគល់ឲ្យប៉ូលិសភ្លាមៗ កុំអីមិនដឹងថា ទៅគាស់ ផ្ទះអ្នក​ណា​ខ្លះទៀតនោះទេ» នេះជាការឧទានឡើង របស់ម្ចាស់ផ្ទះរងគ្រោះ ដោយការលួចគាស់ផ្ទះ បន្ទាប់ពីខ្លួនទើប​នឹង​ត្រឡប់ មកពីប្រកបរបររត់កង់បីរួចមក។

បុរស ដែលត្រូវបានចោរដៃឆើតម្នាក់ លួចគាស់ផ្ទះនោះ ស្នាក់នៅជាមួយប្រពន្ធ និងកូន ក្នុងផ្ទះលេខ៥៧S ផ្លូវ ២៦១ សង្កាត់ទឹកល្អក់៣ ខណ្ឌទួលគោក រាជធានីភ្នំពេញបច្ចុប្បន្ន ជាអ្នករត់រឺម៉កកង់បី។ ដោយមិនបានប្រាប់​ឈ្មោះ បុរសអ្នករត់កង់បីរូបនេះ បានរៀបរាប់ថា ខ្លូនបានត្រឡប់ ពីប្រកបរបរទទួលទាន់ នៅវេលាម៉ោង ប្រមាណ​ជា១២ជាង។ ពេលនោះ លោកបានចតម៉ូតូ និងរថកង់បី ដាក់ក្នុងផ្ទះហើយ រួចក៏បានចាក់សោស្រួលបួល ដូច​សព្វ​មួយដងដែរ។

នៅពេលដែលលោក បានចូលទៅជួយដូរខោទឹកនោម ឲ្យកូនជាមួយប្រពន្ធ [...]

ជនជាតិបរទេសពីរនាក់ ត្រូវបានគេស្គាល់ថា ជាជនជាតិអាមេរិកាំង ត្រូវបានក្រុមចោរឆក់ពីរនាក់ ធ្វើ​សកម្មភាព ឆក់យកទូរស័ព្ទដៃមួយគ្រឿង បានសម្រេច នៅពេលដែលជន រងគ្រោះទាំងពីរ កំពុងជិះម៉ូតូតាមផ្លូវ កាលពី​វេលា​ម៉ោង១១ និង៤០នាទីយប់ថ្ងៃទី ០៨ ខែមិថុនា ឆ្នាំ២០១៥ នៅតាមបណ្តោយផ្លូវ ព្រះសីហនុរាជ ត្រង់ចំណុច​ទល់​មុខ វត្តមហាមន្ត្រី ស្ថិតក្នុងសង្កាត់វាលវង្ស ខណ្ឌ៧មករា រាជធានីភ្នំពេញ។

សាក្សីដែលបានឃើញ ហេតុការណ៍នេះ ប្រាប់ឲ្យដឹងថា នៅមុនពេលកើតហេតុ គេឃើញជនបររទេសពីនាក់ ម្នាក់ប្រុស ម្នាក់ស្រី មិនស្គាល់ឈ្មោះ បានជិះម៉ូតូពីកើតទៅលិច ដោយអ្នកនៅខាងក្រោយ កំពុងចុចទូរស័ព្ទ។ ស្រាប់តែមកដល់កន្លែងកើតហេតុ មានបុរសពីរនាក់ជិះម៉ូតូ តាមពីក្រោយ ជនរងគ្រោះទាំងពីរ ពេលមកដល់ជិត បានអែប ហើយធ្វើសកម្មភាពឆក់ យកទូរស័ព្ទដៃនោះតែម្តង។

អ្នកនៅកន្លែងកើតហេតុ បានបន្តថា ពេលភ្លាមៗ ជនរងគ្រោះបានជិះម៉ូតូ ចេញតាមចោរនោះដែរ តែមិនទាន់ [...]

ហេតុការណ៍ប្លន់បាញ់ ទាំងកណ្តាលផ្លូវនេះ បានកើតឡើង កាលពីវេលាម៉ោង ១២ និង៣០នាទី យប់ថ្ងៃទី១០ ឈានចូលថ្ងៃទី១១ ខែមិថុនា ឆ្នាំ២០១៥ នៅតាមបណ្តោយផ្លូវ សុធារស ទល់មុខនឹងផ្សារទំនើប អ៊ីអនម៉ល។ ក្រុមចោរ បានធ្វើសកម្មភាពប្លន់ ត្រូវបានជនរងគ្រោះឈ្មោះ ពូច សុវណ្ណារិទ្ធ ប្រាប់ឲ្យដឹងថា មានគ្នាបីនាក់ជិះ ម៉ូតូពីគ្រឿង មួយគ្រឿងម៉ាក់ ស៊ុយសាគីនិច បើកបរដោយបុរសពីរនាក់ មិនស្គាល់អត្តសញ្ញាណ មួយគ្រឿងទៀត ម៉ាកឌ្រីម ស៊េរី២០១៥។

ក្នុងវ័យ២២ ដែលជិះម៉ូតូ ស្គូពី ពណ៌ស ឌុបប្អូនស្រីជីដូនមួយម្នាក់ ឈ្មោះ សេង សុវណ្ណិកា ចេញពីធ្វើការ ជារៀង​រាល់ថ្ងៃនោះ បានរៀបរាប់ពីព្រឹត្តិការណ៍ ប្រាប់ទស្សនាវដ្ដីមនោរម្យ.អាំងហ្វូថា ដំបូងខ្លួនជិះពីរនាក់បងប្អូនធម្មតា ស្រាប់តែមកដល់ មុខផ្សារអ៊ីអន មានម៉ូតូពីរគ្រឿង តាមពីក្រោយ មកដល់ជិត បានដកកាំភ្លើងខ្លី បាញ់តម្រង់​ប្អូន​ស្រី​របស់ខ្លូន បញ្ឈិតស្មារ បណ្តាលឲ្យនាង ធ្លាក់ពីលើម៉ូតូភ្លាម។ [...]

នេះជាករណីមួយទៀត ដែល«អាច»ឆ្លុះបញ្ចាំង ពីសមត្ថភាព ក្នុងការបំបែករឿងក្ដី ឬសំនុំរឿងឧក្រិដ្ឋកម្មណាមួយ របស់ក្រុមសមត្ថកិច្ចកម្ពុជា ហើយ«ក៏អាច»បានឆ្លុះបញ្ចាំងដែរថា យ៉ាងហោចណាស់ ប្រសិនបើជនត្រូវចោទ ជា​ឧក្រិដ្ឋជនពិត ឬជាឧក្រិដ្ឋជនសិប្បនិមិត្តក្ដី ក៏ការវាយតប់ យកចម្លើយសារភាព ទៅលើជនត្រូវចោទ ដោយមន្ត្រី​សមត្ថកិច្ចណាមួយនោះ ជាទង្វើ«ខុសច្បាប់»។ ក្នុងលិខិតមួយ សរសេរដោយផ្ទាល់ដៃ របស់ជនរងគ្រោះ លោក សោម គឹមស៊ាន ពីពន្ធនាគារព្រៃសរ បានផ្ញើរមកទស្សនាវដ្តីមនោរម្យ.អាំងហ្វូ តាមរយៈភរិយារបស់លោក (ជន​សង្ស័យ) ក្នុងថ្ងៃទី៧ ខែមិថុនានេះ បានរៀបរាប់ថា រាល់ចម្លើយសារភាពទាំងឡាយណា ដែលខ្លួននិយាយនៅ​ចំពោះ​មុខសមត្ថកិច្ច ក្រោមការវាយដុំនោះ ខ្លួនបានបដិសេធ នៅចំពោះមុខតុលាការហើយ។

ក្នុងលិខិត ចុះថ្ងៃទី១ ខែមិថុនា របស់លោកបានសរសេរថា ចម្លើយដែលខ្លួនលោក បានឆ្លើយនៅមុខសមត្ថកិច្ច ត្រូវបានលោកបដិសេធ នៅចំពោះមុខតុលាការ ដោយបានអះអាងថា [...]

ករណី បុរសជនជាតិបរទេស ដេកស្ទើរអង្គុយ ស្លាប់នៅមាត់ទ្វាចូលផ្ទះ ត្រង់បង្អួចនេះ បានកើតឡើង ក្នុង​លំនៅ​ដ្ឋានជួលរបស់លោក ដែលបើកជាផ្ទះសំណាក់ ស្ថិតក្នុងក្រុមទី១៨ ផ្ទះលេខ ១៤២ ផ្លូវ ១៤៧ សង្កាត់ជ័យជំនះ ខណ្ឌដូនពេញ រាជធានីភ្នំពេញ។ បុរសរងគ្រោះឈ្មោះ ហានូ អីម៉ារី (Jokinnem Timo Hannu Ilmari) ជាជន​ជាតិ​ហ្វាំងឡង់ មានអាយុ ៤៩ ឆ្នាំ ដែលកំពុងប្រើប្រាស់លិខិតឆ្លងដែន លេខ PV០៩០៧០០៨ ត្រូវបានគេ​ស្គាល់​ថា ជាអ្នកជួលផ្ទះ បើកជាផ្ទះសំណាក់ ពីអ្នកស្រី គីម ហួរ អាយុ៣៧ឆ្នាំ នៅក្នុងទីតាំងខាងលើជាមួយស្វាមី។ បច្ចុប្បន្ន​អ្នកទាំងពីរ​ រស់នៅផ្ទះលេខ ៧៣Eo ផ្លូវ១៧២ ភូមិទី៦ សង្កាត់ជ័យជំនះ ខណ្ឌដូនពេញ រាជធានី​ភ្នំពេញ។

ម្ចាស់ផ្ទះទាំងពីរនាក់ប្តីប្រពន្ធខាងលើ បានបដិសេធមិនឆ្លើយតប ជាមួយអ្នកសារព័ត៌មាននោះទេ ហើយបាន​បិទទ្វារបង ចូលទៅទៅតាំងកើតហេតុ ដោយមិនផ្តល់ភាពលំអិតអ្វីច្រើនឡើយ។ អ្នកស្រី គីម ហួរ គ្រាន់តែ​បាន​និយាយថា [...]