Posts tagged as "Phnom Penh"

រឿង​ចោរ​ឆក់ ចោរ​លួច ឬ​ចោរ​ប្លន់ មិន​សូវ​ជា​ខ្វះ​ចំណង​ជើង​ដាក់​ឲ្យ​ទេ ហើយ​ក៏​មិន​ពិបាក​ទៅ​ស្វែង​រក​សាច់​រឿង ពី​ស្រុក​«នរក»​ណា​ដែរ ព្រោះ​វា​នៅ​តែ​ក្បែរ​ៗ​ច្រមុះ​នេះ​ឯង។ នារី​ម្នាក់​កំពុង​បើក​បរ​ម៉ូតូ​នៅ​តាម​ផ្លូវ ស្រាប់​តែ​ភ្ញាក់​ខ្លួន​ព្រើត នឹង​ចោរ​មួយ​ក្រុម​មាន​គ្នា​ពីរ​នាក់ បាន​ឆក់​កាបូប​នាង​ពី​ក្រោយ បណ្តាល​ឲ្យ​នាង​ដួល​ម៉ូតូ រហូត​រង​របួស​ជើង​ខាង​ឆ្វេង និង​បាត់​បង់​សម្ភារៈ​មួយ​ចំនួន នៅ​ក្នុង​កាបូប​របស់​នាង។

នារី​រង​គ្រោះ​ឈ្មោះ ចរិយា ធ្វើការ​នៅ​ក្រុមហ៊ុន ឆាយហេង នៅ​រាជធានី​ភ្នំពេញ បាន​និយាយ​ថា នា​វេលា​ម៉ោង​៥រសៀល​​ថ្ងៃ​សៅរ៍ ទី​២៤ ខែ​មករា​នេះ ខណៈ​នាង​កំពុង​ជិះ​ម៉ូតូ​ចេញ​ពី​ធ្វើការ នៅ​តាម​បណ្តោយ​ផ្លូវ​២៨៩ នៅ​ក្នុង​សង្កាត់​បឹង​កក់១ ខណ្ឌ​ទួលគោក រាជធានី​ភ្នំពេញ ហើយ​នៅ​ពេល​មក​ដល់​ផ្លូវ​ស្ងាត់ នៅ​ក្បែរ​សាលា​បឋម​សិក្សា​ទួល​គោក​នេះ ស្រាប់​តែ​គ្រោះ​ថ្នាក់ [...]

ជម្លោះ​រវាង​អាជីវករ​លក់​ដូរ​បន្លែ និង​សន្តិសុខ​ពេទ្យ​កាល​ពី​ព្រឹក​ថ្ងៃ​ទី​២៣ ខែ​មករា​នេះ នៅ​មិន​ទាន់​អាច​សម្រួល​គ្នា​បាន​នៅ​ឡើយ រហូត​មក​ដល់​ម៉ោង​នេះ។ ស្ត្រី​ជា​ជន​រង​គ្រោះ មិន​ព្រម​ទទួល​សំណង​ដែល​ម្ចាស់​មន្ទីរ​ពេទ្យ ជួស​មុខ​ឲ្យ​សន្តិសុខ​បង្ក​របួស​ស្នាម បាន​បង់​ថ្លៃជំ​ងឺ​ចិត្ត​ឲ្យ​គាត់​នោះ​ទេ។

បន្ទាប់​ពី​មាន​ការ​ប្រតាយ​ប្រតប់​គ្នា ជា​មួយ​សន្តិសុខ​ពេទ្យ​ខាង​លើ​នេះ​រួច អ្នកស្រី សុផល ជា​ជន​រង​គ្រោះ​បាន​ទៅ​ប្តឹង​ប៉ូលីស នៅ​ប៉ុស្តិ៍​ផ្សារ​ដើម​គរ ដើម្បី​ធ្វើការ​ដោះ​ស្រាយ​ចំពោះ​ការ​បង្ក​របួស​ស្នាម​ដល់​អ្នកស្រី។ ស្ត្រី​រង​គ្រោះ បាន​ទាមទារ​សំណង​ដែល​សន្តិសុខ​របស់​ពេទ្យ បាន​ប្រើ​អំពើ​ហឹង្សា​មក​លើ​គាត់ ចំនួន ៥០០ដុល្លា​ពី​ម្ចាស់​មន្ទីរពេទ្យ ព្រោះ​ក្រោយ​ពី​សន្តិសុខ វាយ​ស្ត្រី​ជន​រង​គ្រោះ​នេះ​រួច ក៍​បាន​រត់​គេច​ខ្លួន​បាត់។

ការទាមទារសំណងចំនួន ៥០០ដុល្លា របស់អ្នកស្រី សុផល [...]

ក្រុម​អ្នក​បច្ចេកទេស​របស់​អគ្គិសនី​កម្ពុជា នឹង​ចុះ​អនុវត្តន៍​ការងារ​របស់​ខ្លួន តភ្ជាប់​ចរន្ដ និង​បណ្ដាញ​ឲ្យ​កម្មករ នៅ​ក្នុង​៣​ខណ្ឌ ក្នុង​ជំហាន​ដំបូង ចាប់​ពី​ថ្ងៃ​ទី២៩ ខែ​មករា​នេះ​ត​ទៅ។ នេះ​​បើ​​តាម​​លោក កែវ រតនៈ អគ្គ​នាយក​អគ្គិសនី​កម្ពុជា ថ្លែង​កាល​ពី​ថ្ងៃ​ទី២២ ខែ​មករា​ម្សិល​ម៉ិញ។

ការដា​ក់​ឲ្យ​ដំណើការ​បី​ខណ្ឌ​ដំបូង​នេះ មាន​ធ្វើ​នៅ​តាម​សង្កាត់​មាន​ដូច​ជា សង្កាត់​ទួល​សង្កែ (ខណ្ឌ​ឬស្សីកែវ) សង្កាត់​ចាក់​អង្រែ​លើ និង​​ចាក់​​អង្រែ​​ក្រោម (ខណ្ឌ​មាន​ជ័យ) សង្កាត់​ដង្កោ (ខណ្ឌ​ដង្កោ) ដោយ​យោង​ទៅ​លើ​សំភារៈ ដែលមានស្រាប់នៅក្នុង​ដៃ និង​យោង​ទៅ​លើ​ចំនួន​កម្មករ នៅ​ក្នុង​តំបន់​នោះ មាន​ចំនួន​ច្រើន។

លោក កែវ រតនៈ បានបញ្ជាក់បន្ថែមថា ក្នុងរយៈពេលមួយខែទៀតយ៉ាងយូរ ឧបករណ៍អគ្គិសនីដែល​បាន​បញ្ជា​ទិញ នឹងមានគ្រប់គ្រាន់សម្រាប់ តភ្ជាប់ដល់គ្រប់ផ្ទះជួល នៅក្នុងរាជាធានីភ្នំពេញទាំងមូល។ មិនតែប៉ុណ្ណោះ [...]

បន្ទាប់​ពី​បាន​ជួប​ប្រជុំ ជា​មួយ​ប្រជា​ពលរដ្ឋ​ម្ចាស់​ផ្ទះ​ជួល ជា​ច្រើន​នាក់ កាល​ពី​ថ្ងៃ​ទី​១៩ ខែ​មករា ឆ្នាំ​២០១៥​នេះ អគ្គ​នាយក​អគ្គិសនី​កម្ពុជា បាន​ចេញ​សេចក្តី​ណែនាំ​ឲ្យ​ដល់​បុគ្គលិក​ទាំង​អស់ ជា​ពិសេស ចំពោះ​បុគ្គលិក​ផ្នែក​សេវា​បម្រើ​អតិថិជន ឲ្យ​បង្កើន​ប្រសិទ្ធ​ភាព​ក្នុង​ការងារ​របស់​ខ្លួន ដើម្បី​បម្រើ​អតិថិជន។ សេចក្ដី​ណែនាំ​នោះ បាន​ពន្យល់​បន្ថែម​ដល់​ក្រុម​បុគ្គលិក​អគ្គិសនី ចំនួន​៨​ចំណុច ដែល​សុទ្ធសឹង​ជា​ចំណុច​មិន​ពេញ​ចិត្ត ដែល​លើក​ឡើង​ដោយ​ម្ចាស់​ផ្ទះ​ជួល​មួយ​ចំនួន នៅ​រាជធានី​ភ្នំពេញ។

ចំពោះ​ម្ចាស់​ផ្ទះ​ជួល​វិញ ត្រូវ​បាន​អគ្គិសនី​កម្ពុជា​តម្រូវ​ឲ្យ​មាន​ទំនួល​ខុស​ត្រូវ​មួយ​ចំនួន​ដែរ នៅ​ក្នុង​សេចក្ដី​ប្រកាស​មួយ​ទៀត ដែល​និយាយ​ពី​«វិធាន​ការ​បន្ត សម្រាប់​ផ្ទះ​ជួល ឬ​បន្ទប់​ជួល ក្នុង​តំបន់​ចែក​ចាយ​ផ្ទាល់ របស់​អគ្គិសនី​កម្ពុជា​ក្នុង​រាជធានី​ភ្នំពេញ។

ក្នុង​សេចក្ដី​ប្រកាស​នោះ [...]

ទោះ​បី​ជា​តំណាង​សហជីព​កម្មករ​ទាំង​អស់ សាទរ​ជា​មួយ​នឹង​គម្រោង ក៏​ដូច​ជា​អនុ​សាសន៍​របស់​ប្រមុខ​​រដ្ឋាភិបាល​ក្នុង​ការ​បញ្ចុះ​តម្លៃ​ភ្លើង​សម្រាប់​កម្មករ​ក៏​ដោយ ក៏​នៅ​មាន​បញ្ហា​ខ្លះ​ដែល​ត្រូវ​ដោះ​ស្រាយ ដូច​ជា​ករណី​ប្រាក់​កក់​កម្មករ និង​ករណី​ម្ចាស់​ផ្ទះ​ជួល​ជា​ដើម។ ទាំង​នេះ​ជា​ចំណុច​សំខាន់​ដែល​ត្រូវ​លើក​យក​មក​ជជែក​ពិភាក្សា​គ្នា នៅ​ក្នុង​ជំនួបកាល​ពី​ថ្ងៃ​ទី​១៥ ខែ​មករា ឆ្នាំ​២០១៥​នេះ រវាង​អគ្គ​នាយក​អគ្គិសនី​កម្ពុជា លោក កែវ រតនៈ និង​តំណាង​សហជីព​កម្មករ​ចំនួន៦រូប ដើម្បី​ស្វែង​រក​ដំណោះ​ស្រាយ និង​យក​មក​អនុវត្ត​ឲ្យ​បាន​សម្រេប ក្នុង​ពេល​ឆាប់ៗ​នេះ។

លោក ហ្វា សាលី ប្រធាន​សហព័ន្ធ​សហជីព​ជាតិ ដែល​ជា​ភាគី​មួយ នៅ​ក្នុង​ជំនួប​នោះ បាន​ថ្លែង​ឲ្យ​ដឹង​នៅ​ព្រឹក​ថ្ងៃ​ទី​១៦​ ខែ​មករា​នេះ​ថា អគ្គនាយក​អគ្គិសនី​កម្ពុជា បានផ្តល់​ដំណោះ​ស្រាយ និង​ភាព​ងាយ​ស្រួល​បន្ថែម​ទៀត​ដល់​កម្មករ [...]