Posts tagged as "Accident routiere"

រថយន្ត​​កុងតឺន័រ​ជល់​​រថយន្ត​​ដឹក​សាំង បះ​ជើង​ផ្ទុះ​ឆេះ​នៅ​​ផ្លូវ​បំបែក​​ស្រែ​អំបិល

រថយន្ត​​កុងតឺន័រ​ជល់​​រថយន្ត​​ដឹក​សាំង បះ​ជើង​ផ្ទុះ​ឆេះ​នៅ​​ផ្លូវ​បំបែក​​ស្រែ​អំបិល

ហេតុការណ៍បានកើតឡើង នៅ​​វេលា​ម៉ោង​ប្រមាណ ​ជិត​១១​ព្រឹក ​ថ្ងៃទី២៦ ខែឧសភា ឆ្នាំ២០១៦​នេះ នៅ​លើ​​កំណាត់​​ផ្លូវ​ជាតិ​លេខ​៤ ត្រង់​ចំណុច​ជិត​ផ្លូវបំបែក​ស្រែ​អំបិ​ល។ ​រថយន្ត​ដឹក​ប្រេងមួយគ្រឿង បានបុក​​ជា​មួយ​រថយន្ត​​កុងតឺន័រមួយគ្រឿងទៀត បណ្ដាឲ្យរថយន្ដដឹកប្រេងបះជើងឡើង និងផ្ទុះឆេះជាអគ្គិភ័យ​យ៉ាង​សន្ធោ​សន្ធៅ។

ប្រភពពីកន្លែងកើតហេតុ បានរាយការណ៍ជាបឋមថា ​រថយន្ដដឹកប្រេង របស់ក្រុមហ៊ុន តេលា បានបើកបរ​ក្នុង​ទិសដៅ ពី​​ខេត្ត​​ព្រះសីហនុ​ ទៅរាជធានី​ភ្នំពេញ ហើយបានបើកជែងរថយន្ដមួយទៀត ដែលបើក​នៅ​ក្នុង​ទិសស្រប​គ្នា នៅត្រង់ចំណុចកើតហេតុនោះ។ តែការជែងនេះ ទំនងជាមិនបានផុតល្អ ក៏ទៅប៉ះ​ជាមួយ​នឹង​រថយន្ដ​កុងតឺន័រ រហូត​បណ្ដាល​ឲ្យ​ខ្លួនឯងបះ​ជើង ធ្លាយប្រេងមុននឹងផ្ទុះជាអគ្គិភ័យឡើង។

ប្រភពបាននិយាយទៀតថា អ្នកបើកបររបស់រថយន្ដទាំងពីរ បានលោតចុះទាន់ ចេញពីរថយន្ដ។ ការ​ផ្ទុះ​ឆេះ​ដ៏​សន្ធោសន្ធៅ​នេះ [...]

បង​ប្រុស​ជន​រង​គ្រោះ​ឆេះ​ដុំ​ដាក់​ «ខេម» ដែល​ប្រកាស​ថា​ខ្លួន​ត្រូវ

បង​ប្រុស​ជន​រង​គ្រោះ​ឆេះ​ដុំ​ដាក់​ «ខេម» ដែល​ប្រកាស​ថា​ខ្លួន​ត្រូវ

នៅចំពោះការឆ្លើយដ៏ខ្លី តែមានន័យវែង របស់តារាចម្រៀង ទៅនឹងសារព័ត៌មានក្នុងស្រុករួចមក នៅ​ពេល​នេះ​បងប្រុស របស់ជនរងគ្រោះ លោក លី ម៉ាត់លី បានជ្រើសរើស ការឆ្លើយតបទៅវិញ យ៉ាងជូរចត់។ ចម្លើយ​របស់​លោក  ប៊ុ​ន សុ​ណា​រិ​ន ហៅ ខេម បានធ្វើឡើងតាមទូរស័ព្ទ យ៉ាងដូច្នេះថា រថយន្ត​របស់ភាគីជនរងគ្រោះ បាន​​មក​​បុក​រថយន្ត​របស់​លោក ពេល​លោក​រក​កន្លែង​​ហូប​​បបរ មុន​នឹង​តារា​ចម្រៀង​សម្លេង​ស្អករូបនេះ បាន​ទម្លាក់​ទូរស័ព្ទ​ទៅវិញ។

ប៉ុន្តែចម្លើយនេះ បានដុតបញ្ឆេះលោក លី ម៉ាត់លី បងប្រុសរបស់ជនរងគ្រោះ លោក លី ការិន ដែលបាន​ស្លាប់​កៀបខ្លួន នៅក្នុងគ្រោះច្នាក់ចរាចរណ៍ កាលពីយប់ម៉ោងប្រមាណជា០០ និង៤០នាទី យប់រំលងអាធ្រាត ថ្ងៃ​ទី១៧ ចូលមកថ្ងៃទី១៨ ខែឧសភា ឆ្នាំ២០១៦កន្លងមកនេះ នៅត្រង់ចំណុច​មុខឃ្លាំងស្ថានីយ៍ប្រេងសូគីម៉ិច តាម​បណ្តោយ​ផ្លូវជាតិលេខ៥ ស្ថិតក្នុងសង្កាត់​ឬស្សីកែវ ខណ្ឌ​ឬស្សីកែវ រាជធានី​ភ្នំពេញ។

សម្រាប់លោក លី ម៉ាត់លី [...]

ប្រតិកម្ម​ដំបូង​របស់ ខេ​ម ថា​រថយន្ត​គេ​​មក​បុក​រថយន្ដ​លោក

ប្រតិកម្ម​ដំបូង​របស់ ខេ​ម ថា​រថយន្ត​គេ​​មក​បុក​រថយន្ដ​លោក

គ្រប់សារព័ត៌មាន រួមទាំងអ្នកគ្រប់គ្រងនៅផលិតកម្មថោនផង សុទ្ធតែទាក់ទងលោក ខេម មិនបាន​សោះ​ឡើយ រាប់ចាប់តាំងពីគ្រោះថ្នាក់ចរាចរណ៍ ត្រូវបានសារព័ត៌មានសឹងតែគ្រប់ស្ថាប័ន យកទៅចុះផ្សាយ។ ទាំង​អ្នក​គាំទ្រ និង​អ្នកលង់ស្នេហ៍តារាចម្រៀង ក៏បានលើកជាចម្ងល់ដែរថា តើលោក ខេម ពិតជានៅ​ក្នុង​ហេតុការណ៍​នោះ​ឬយ៉ាងណា ព្រោះបើសូម្បី​កង​កម្លាំង​នគរបាល​ក្រសួងមហាផ្ទៃ ក៏មិនច្បាស់ពីករណីនេះដែរ បន្ទាប់​ពី​បាន​រក​ឃើញ​ថា រថយន្ដ​«RANGE ROVER»នេះ ​ជារបស់មនុស្សម្នាក់ផ្សេងពីលោក ខេម។

ប៉ុន្តែប្រតិកម្មយ៉ាងខ្លី កាលពីយប់ថ្ងៃទី១៨ ខែឧសភាកន្លងមក របស់លោក ប៊ុ​ន សុ​ណា​រិ​ន ហៅ ខេម ប្រាប់​ទៅកាន់សារព័ត៌មានក្នុងស្រុកមួយនោះ គ្រប់គ្រាន់ក្នុងការអះអាងថា លោកពិតជានៅក្នុងហេតុការណ៍​នេះ។ ប្រតិកម្ម​នោះ ធ្វើតាមទូរស័ព្ទយ៉ាងដូច្នេះថា រថយន្ត​គេ​មក​បុក​រថយន្ត​របស់​លោក ពេល​លោក​រក​កន្លែង​​ហូប​​បបរ មុន​នឹង​តារា​ចម្រៀង​សម្លេង​ស្អករូបនេះ [...]

របាយការណ៍​នគរបាល​ថា «CELICA»​ខុស ខណៈ​អាជ្ញាធរ​កំពុង​រក​ម្ចាស់​«RANGE ROVER»

របាយការណ៍​នគរបាល​ថា «CELICA»​ខុស ខណៈ​អាជ្ញាធរ​កំពុង​រក​ម្ចាស់​«RANGE ROVER»

រថយន្ដ«RANGE ROVER» និងរថយន្ដ«CELICA» ដែលសុទ្ធតែទំនើប បានជល់គ្នាមួយទំហឹង រហូត​រួញ​មុខ​ទាំង​សង​ខាង កាលពីវេលាម៉ោងប្រមាណជា ០០ និង៤០នាទី យប់រំលងអាធ្រាតថ្ងៃទី១៧ ចូលមកថ្ងៃ១៨ ខែ​ឧសភា​នេះ។ ហេតុការណ៍​ដ៏​រន្ធត់ បានបណ្ដាលឲ្យអ្នកបើកបររថយន្ដ«CELICA» ស្លាប់កៀបខ្លួន នៅ​ក្នុង​រថយន្ដ ខណៈ​អ្នក​បើកបរ​រថយន្ដ​«RANGE ROVER» ដែលត្រូវបានសាក្សី នៅនឹងកន្លែង ស្គាល់​ថា​ជា​លោក​ «ខេម» តារា​ចម្រៀង​ល្បី​របស់​ផលិតកម្ម​ថោន​នោះ បានចុះពីលើរថយន្ដ ជាមួយនឹងមិត្តស្រីខ្លួន​ម្នាក់ ហើយ​ឡើង​ជិះ​ម៉ូតូ​ឌុប ​ចេញ​ទៅ​បាត់។

បើតាមរបាយការណ៍នគរបាល ដែលស្រង់បានពីប្រជាពលរដ្ឋ នៅក្បែរនោះ បានឲ្យ​ដឹង​ពី​មូលហេតុ នៃ​គ្រោះ​ថ្នាក់​ចរាចរណ៍​នេះ ថា​បណ្ដាល​មក​ពី​រថយន្ដ​«CELICA» បើកបរលឿន និងមិនប្រកាន់​ចំណែក​ផ្លូវ​របស់​ខ្លួន។ ប្រជា​ពលរដ្ឋ​ទាំង​នោះ ​បានឲ្យដឹងថា នៅ​មុនពេល​កើតហេតុ គេឃើញ​រថយន្តតូច ដែលពាក់​​ស្លាក​​លេខ​ «ភ្នំពេញ 2M-5575»​ខាង​លើ [...]

តារា​ចម្រៀង ខេម បើក​​រថយន្ដ​ទំនើប​បុក​ស្លាប់​ម្នាក់ រួច​នាំ​ស្រី​ស្អាត​រត់?

តារា​ចម្រៀង ខេម បើក​​រថយន្ដ​ទំនើប​បុក​ស្លាប់​ម្នាក់ រួច​នាំ​ស្រី​ស្អាត​រត់?

ករណី«តារាល្បីបើកបរបង្កគ្រោះថ្នាក់ តែបែរជារត់គេចខ្លួន» មិនមែនជារឿងថ្មីទេ ដោយគ្រាន់តែដូរ​មនុស្ស ពីតារា​នេះ ទៅ​​តារា​មួយ​រូប​ទៀត​ប៉ុណ្ណោះ។ ហើយនេះ ទំនងជាហេតុការណ៍ថ្មីមួយទៀត របស់​តារា​ចម្រៀង​ល្បី​ ឈ្មោះ​«ខេម» របស់ផលិតកម្មថោន​ ដែលត្រូវបានសាក្សីនៅផ្ទាល់​កន្លែង​អះអាង​ថា បាន​ជិះ​រថយន្ដ​​ទំនើប ធុន «RANGE ROVER» របស់​​ខ្លួន ជា​មួយ​មិត្ត​ស្រី​ម្នាក់ ទៅ​បុក​ចំ​ពី​មុខ​​យ៉ាង​ពេញ​ទំហឹង ជាមួយ​នឹង​រថយន្ដ ធុន «CELICA» មួយ​​គ្រឿង​​ទៀត ​ដែល​បើក​ក្នុង​ទិស​បញ្ច្រាស​គ្នា បង្កឲ្យអ្នកបើកបររថយន្ដរូបនោះ បាត់បង់ជីវិតភ្លាមៗ។

ហេតុការណ៍បានកើតឡើង នៅម៉ោង ០០ និង៤០នាទី យប់រំលងអាធ្រាត ពីថ្ងៃទី១៧ ចូលមកថ្ងៃ​ទី១៨ ខែ​ឧសភានេះ នៅត្រង់ចំណុចមុខឃ្លាំងស្ថាននីយ៍ប្រេងសូគីម៉ិច តាមបណ្តោយផ្លូវជាតិលេខ៥ ស្ថិតក្នុងសង្កាត់​ឬស្សីកែវ ខណ្ឌ​ឬស្សីកែវ រាជធានី​ភ្នំពេញ។

ប្រភពពីអាជ្ញាធរ ដែលចុះពិនិត្យនៅនឹងកន្លែង បានឲ្យដឹងថា [...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...